بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>حالىقارالىق حابارلار

ۋاشينگتون شتاتىنىڭ باستىعىمەن ارناۋلى سۇحپات وتكىزگەندە بىلاي دەدى: شي جينپيڭ ءتوراعانى راينەر تاۋىن سەيىلدەتىپ كەلۋدى ويلايمىن

2015.09.17 16:18   كەلۋ قاينارى : حالىق تورابى



  حالىق تورابى، 16 – قىركۇيەك، سەاتل (تىلشىلەرىمىز: حان شاشا، جاڭ ميڭحۇي). ا ق ش پرەزيدەنتى وبامانىڭ ۇسىنىسىمەن، مەملەكەت ءتوراعاسى شي جينپيڭ 22 – قىركۇيەكتەن 25 – قىركۇيەككە دەيىن ا ق ش - تا مەملەكەتتىك ساپاردا بولادى. ات باسىن الدىمەن ۋاشينگتون شتاتىنا تىرەيدى. شتات باستىعى جاي ينسلە حالىق تورابى ءتىلشىسىنىڭ سۇحپاتىن قابىلداعاندا بىلاي دەدى: «ۋاشينگتون شتاتىمەن جۇڭگونىڭ ساۋدا، مادەنيەت سىندى جاقتارداعى قارىم – قاتىناسى وتە قويۋ. شي جينپيڭ ءتوراعانىڭ ا ق ش ساپارىندا ۋاشينگتوندى تۇڭعىش بەكەت ەتىپ تاڭداۋى، ءبىز ءۇشىن ۇلكەن مەرەي».

  ول بىلاي دەدى: «جۇڭگونىڭ ەكونوميكالىق ءىرى تۇلعا رەتىندە الەمدىك ساحنادا بوي كورسەتۋى، تورتكىل دۇنيەگە وڭاي – وسپاق قولعا كەلمەيتىن ورايلاردى سيلادى. شي جينپيڭ ءتوراعانىڭ سەلبەسىپ، تەڭ يگىلىككە كەنەلۋدەي سىرتقى ساياساتى ماقتاۋعا تاتيدى، بۇل مەيلى ا ق ش، مەيلى جەرشارى جونىنەن وتە پايدالى. شي جينپيڭ ءتوراعا مەن پرەزيدەنت وبامانىڭ كەڭەسىنىڭ ءساتتى بولاتىندىعىنا سەنىمىم كامىل».

  ول شتاتتىق ۇكىمەتتىڭ ۋاشينگتون شتاتىنىڭ ەكونوميكا، ساياسي، مادەنيەت سالاسىنداعى يگى جاقسىلارىنىڭ باسىن قوسىپ، شي جينپيڭ ءتوراعانى قارسى الماق بولىپ وتىرعاندىعىن ءبىلدىرىپ بىلاي دەدى: «ءبىز جۇڭگومەن بولعان قارىم – قاتىناسىمىزدىڭ قويۋ ەكەندىگىن ايگىلەيمىز ءارى شي جينپيڭ ءتوراعانىڭ ساپارىنىڭ ءساتتى بولۋىنا كەپىلدىك ەتەمىز». وزدەرىنىڭ اسەم كورىنىستى ورىندارىن شي جينپيڭ ءتوراعاعا تانىستىرۋعا پەيىلدى ەكەندىگىن بىلدىرگەن شتات باستىعى تاعى بىلاي دەدى: «مەنشە راينەر تاۋى ۋاشينگتون شتاتىنداعى كوركى كوز سۇرىندىرەتىن ورىنداردىڭ ءبىرى، مەن ول اراعا شي جينپيڭ ءتوراعانى سەيىلدەتىپ كەلۋدى ويلايمىن».

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت