- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينزو ابەنىڭ قازاقستانعا ساپارلاي بارۋىنىڭ تۇپكىلىكتى ماقساتى نە؟
2015.10.27 16:42 كەلۋ قاينارى : حالىق تورابى
حالىق تورابى، 27 – قازان، بەيجيڭ. (مۇحيت) جاپونيانىڭ باس ءۋازىرى شينزو ابە 26 – قازاندا قازاقستانعا بارىپ، 3 كۇندىك ساپارىن باستادى. قازاقستان شينزو ابەنىڭ موڭعۇليا مەن ورتا ازياداعى 5 مەملەكەتكە ساپارى بارىسىنداعى ەڭ سوڭعى بەكەتى. 27 – قازان كۇنى شينزو ابە قازاقستاننىڭ ەلورداسى استانا قالاسىندا جاپونيا ۇكىمەتىنىڭ ورتا ازياعا قاراتقان ساياساتى تۋرالى لەكسيا جاساماق. شينزو ابەنىڭ ورتا ازياداعى 5 مەملەكەتكە ساپارلاي بارۋداعى تۇپكىلىكتى ماقساتى نە؟
ورتا ازيا ــ دايىن تۇرعان بال توقاش
شينزو ابە 22 – قازان كۇنى موڭعۇلياعا ساپارلاي باردى، ىلە – شالا تۇركمەنستان، تاجىكستان، وزبەكستان، قىرعىزستانعا ساپارلاي باردى، ەڭ سوڭعى بەكەتى قازاقستان بولدى. قازاقستان مەديالارىنىڭ ساراپتاۋىندا مىناداي دەلىنگەن: جاقىنعى جىلداردان بەرى، ورتا ازيا رايونى ۇزدىكسىز تۇردە ماڭىزدى ورىندى يەلەپ، كوپتەگەن مەملەكەتتەر اتالعان رايونمەن ساياسي جانە ساۋدا جاعىنداعى قارىم - قاتىناسىن كۇشەيتۋدە.
جاپونيا مەديالارىنىڭ ساراپتاۋىنشا، ورتا ازيانىڭ بال توقاش بولۋىنىڭ سەبەبى مىناداي ەكى جاقتى. ءبىرىنشى، بايلىق قاينارى مول. ورتا ازياداعى مەملەكەتتەردىڭ ىشىندە قازاقستاننىڭ مۇناي قورى مول، تۇركمەنستاننىڭ تابيعي گاز قورى مول. جاقىنعى جىلداردان بەرى، بۇل مەملەكەتتەر وسىنداي مول بايلىق قورىمەن ەكونوميكاسى ۇرتىس جوعارى قارقىنمەن دامىعان رايونعا اينالدى. ەكىنشى، ستراتەگيالىق ورنى وتە ماڭىزدى. ورتا ازيا رايونى ازيا – ەۆروپا قۇرلىعىنىڭ جاعىراپيالىق ورتالىعى بولىپ، ماڭىزدى قاتىناس - تاسىمال تورابى. بيىل شىلدە ايىندا، ءۇندىستاننىڭ پرەمەر – مينيسترى موديدىڭ ورتا ازياداعى 5 مەملەكەتكە ساپارلاي بارىپ، اتالعان رايونداعى مەملەكەتتەرمەن قارىم – قاتىناسىن كۇشەيتىپ، مۇناي مەن تابيعي گاز جانە ەنەرگيا حاۋىپسىزدىگى جاعىنداعى ىستەستىگىن كۇشەيتۋى مۇنىڭ ايعاعى.
9 جىلدان بەرگى تۇڭعىش رەتكى ساپارى
جاپونيا مەديالارىنىڭ قاراۋىنشا، قازىرگى كەزدە رەسەي مەن جۇڭگونىڭ ورتا ازياداعى ىقپالى ءبىر شاما زور، ءۇندىستان دا كەم قالعىسى كەلمەيدى. بۇل ءىرى مەملەكەتتەرمەن سالىستىرعاندا، جاپونيانىڭ ورتا ازيامەن بولعان قارىم – قاتىناسى جوقتىڭ قاسى. جاپونيانىڭ باس ۋازىرلەرىنىڭ ىشىندە جۋنيشيرو كويزۋمي 9 جىلدىڭ الدىندا ورتا ازياعا ساپارلاي بارعان. ال، شينزو ابە تاققا شىققاننان سوڭ، سىرتقا قاراتا «جەرشارىنا ءۇڭىلۋ» ستراتەگياسىن قولدانىپ، باسقا مەملەكەتتەرگە ساپارلاي بارۋى جيىلەي ءتۇستى، ورتا ازيا دا جاپونيانىڭ سىرتقا قاراتا ىقپال كۇشىن ارتتىرۋداعى ماڭىزدى ءوڭىردىڭ بىرىنە اينالدى. شينزو ابە الدىڭعى مەزگىلدەگى مەديالارعا بەرگەن سۇحباتىندا: ورتا ازيا «ازيانىڭ سەنترى، جاعىراپيالىق ورنى ساياسي جاقتا توتەنشە ماڭىزدى، ورتا ازيا رايونىمەن بولعان قارىم – قاتىناستىڭ بارعان سايىن كۇشەيۋىن ءۇمىت ەتەمىن»،-دەگەن.
بىلتىر شىلدە ايىندا، جاپونيانىڭ سىرتقى ىستەر ءۋازىرى كشيدا فۋميو قىرعىزستانعا ساپارلاي بارىپ، ورتا ازياداعى 5 مەملەكەتتىڭ سىرتقى ىستەر مينيسترلەر جينالىسىنا قاتىناستى ءارى قىرعىزستانعا جاپون قارىز اقشا بەرۋدى قالپىنا كەلتىردى. جاپونيانىڭ قارىز اقشا بەرۋدى قالپىنا كەلتىرۋى جاپونيانىڭ ورتا ازياداعى ىقپالىن كۇشەيتۋدەگى «ەڭ ءونىمدىءتاسىلى» بولماق.
ەكى ۇلكەن نىساناسى
جاپونيا اعىم ىستەر اگەنتتىگىنىڭ حابارلاۋىنشا، بۇل جولى شينزو ابەنىڭ موڭعۇل مەملەكەتى مەن ورتا ازياداعى 5 مەملەكەتكە ساپارلاي بارعان ۋاكىلدەر توبى اسا كۇشتى بولىپ، بانكە، جابدىق زاۆودى ساۋداگەرى قاتارلى 50 نەشە كاسىپورىننىڭ ۋاكىلدەرى ىلەسكەن. ال شينزو ابە بۇل جولعى ساپارىندا ورتا ازيامەن ەنەرگيا جانە ەكونوميكا سىندى ەكى سالاداعى بارىس – كەلىسىن بارىنشا كۇشەيتپەك. ەنەرگيا سالاسىندا، شينزو ابەنىڭ ماقساتى انىق، ءۇندىستان سياقتى جاپونيا دا ورتا ازيادان مۇناي – گاز بايلىعىن الىپ، ءوزىنىڭ ەنەرگيا حاۋىپسىزدىگىنە كەپىلدىك ەتپەك. قازاقستان مەديالارىنىڭ حابارلاۋىنشا، جاپونيا «تەحنيكانى ەنەرگياعا ايىرباستاۋ» ساياساتىمەن اتالعان رايونداعى ىستەستىگىن كۇشەيتپەك.
ال ەكونوميكا سالاسىندا، شينز ابەنىڭ باستى ماقساتى نەگىزدىك قۇرىلعىلار سالاسىندا ىستەستىك ورناتۋ. جاپونيا ەكونوميكالىق اقپارىنىڭ حابارلاۋىنشا، 2012 – جىلى جاپونيانىڭ نەگىزدىك قۇرىلعىلار سالاسىنداعى تاپسىرىپ العان زاكاز سوماسى 100 تريلليون جاپون اقشاسى بولعان (مولشەرمەن 528 ميلليارد يۋان). شينزو ابە ۇكىمەتى 2020 – جىلعا بارعاندا بۇل سوما مولشەرىن 300 تريلليونعا جەتكىزتۋدى ماقسات ەتكەن، سول سەبەپتى شينزو ابە ءوزى ۋاكىلدەردى باستاپ ورتا ازياعا ات باسىن بۇردى. بۇدان بۇرىن جاپونيا بارلىق نازارىن شىعىس وڭتۇستىك ازيا، ءۇندىستان جانە ورتا شىعىس قاتارلى جەرلەرگە اۋدارعان بولاتىن، ال، قازىر ورتا ازيا شينزو ابە ۇكىمەتىنىڭ ەكونوميكانى دامىتۋداعى تاعى ءبىر شىعار جولىنا اينالىپ وتىر.
كەيبىر ساراپتاۋشىلار، شينز ابە ۇكىمەتى جۇڭگونىڭ ورتا ازيا رايونىنداعى «ىقپالىنا» «قىزىل كوزدىك ەتىپ» وتىر. ازيا قارجىلاندىرۋ بانكەسى قۇرىلعاننان كەيىن، جۇڭگو ورتا ازيا مەملەكەتتەرىمەن بولعان نەگىزدىك قۇرىلعىلار سالاسىنداعى ىستەستىگىن ونان ارى كەڭەيتۋگە جول اشتى. بۇل جاعدايدان حابارلى بولعان شينزو ابە قاراپ وتىرۋدى ءجون كورمەدى، بۇل رەتكى ساپاردان پايدالانىپ، كەيبىر نەگىزدىك قۇرىلعىلار قۇرىلىسى نىسانىن الۋعا ۇمتىلدى، سول سەبەپتى «ساپالى» دەگەن نەگىزدىك قۇرىلعىلار قۇرىلىسى ارقىلى ورتا ازياداعى «بەدەلىن» اسىرماقشى بولدى،- دەپ قارايدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
