بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>حالىقارالىق حابارلار

فرانسيا پروكۋراتۋرا جاعى پاريجدەگى جەلىلەس لاڭكەستىك شابۋىل دەلوسىن تۋدىرۋعا جەلىكتىرگەن باس قىلمىستىنىڭ اتىپ ولتىرىلگەنىن راستادى

2015.11.20 16:08   كەلۋ قاينارى : حالىق تورابى



  حالىق تورابى، 20 – قاراشا، بەيجيڭ. فرانسيا پاريج پروكۋراتۋرا ءمانساپتىسى موللەن 19 – قاراشادا جاريالاعان مالىمدەمەسىندە، پاريجدەگى جەلىلەس لاڭكەستىك شابۋىل دەلوسىن تۋدىرۋعا جەلىكتىرگەن باس قىلمىستى ابدۇل حاميد ءابۋ ۋدتىڭ 18 – قاراشا كۇنى فرانسيا توتەنشە مىندەتتى قوسىنىنىڭ لاڭكەستەرگە قارسى جۇرگىزگەن تۇتقيىل قيمىلى بارىسىندا اتىپ ولتىرىلگەنىن جاريالادى.

  مالىمدەمەدە مىناداي دەلىنگەن: ساقشى جاق 18 – قاراشادا كەنەتتەن شابۋىل جاساعان الەۋمەتتىك پاتەردەن ءبىر ادامنىڭ مۇردەسىن بايقاعان، تەحنيكالىق ساراپتاۋ ارقىلى، بۇل ادامنىڭ ابدۇل حاميد ءابۋ ۋد ەكەنى تۇراقتاندىرىلعان. فرانسيا پرەمەر – مينيسترى ۋالس ىلە – شالا پارلامەنت جينالىسىندا ءسوز سويلەپ، ابدۇل حاميد ءابۋ ۋدتىڭ اتىپ ولتىرىلگەنىن قۇتتىقتايتىنىن ءارى اقپارات مەكەمەسى مەن ساقشى جاقتىڭ اتقارعان ەرەكشە قىزمەتىنە قۇرمەت بىلدىرەتىنىن ايتتى.

  موللەن 18 – قاراشا كەشتە اشىلعان اقپارات جاريالاۋ جينالىسىندا: ابدۇل حاميد ءابۋ ۋدتىڭ تەلەفوندا سويلەسكەن ينفورماتسياسى مەن بانكە ينفورماتسياسىنا جاسالعان تالداۋعا نەگىزدەلگەندە، بەلگيادا تۇراتىن تەگى ماروككولىق بۇل ادام ۇشقارى ۇيىم «ءسىلام مەملەكەتى» ءۇشىن ەۆروپا ەلدەرىنە تالاي رەت لاڭكەستىك شابۋىل جاساعان جانە ونى جوسپارلاعان،-دەپ جاريالادى.

  فرانسيانىڭ استاناسى پاريجدە 13 – قاراشا كۇنى جەلىلەس لاڭكەستىك شابۋىلى تۋىلىپ، كەمىندە 129 ادام قازا بولىپ، 352 ادام جارالانعان، «ءىسلام مەملەكەتى» بۇل لاڭكەستىك شابۋىلداۋ ۋاقيعاسىن تۋدىرعانىن مالىمدەگەن. فرانسيا توتەنشە مىندەتتى قوسىنى 18 – قاراشا كۇنى پاريج قالاسىنىڭ ماڭىنداعى سەينت – دەنيس رايونىندا لاڭكەستەرگە قارسى تۇتقيىل ارەكەت جاسادى. سول كۇنگى تۇتقيىل ارەكەت بارىسىندا كەمىندە ەكى لاڭكەس جان ۇزىپ، لاڭكەستىك قىلمىس كۇماندىسىنان 8 ادام قولعا تۇسكەن.

  كەلۋ قاينارى: حالىق تورابى

جاۋاپتى رەداكتورى : مۇحيت امانتاي ۇلى

 سۋرەت