كليمات وزگەرىسى جونىندەگى پاريج ماجىلىسىندە جەر شارى كليماتىنىڭ جاڭا كەلىسىمى ماقۇلداندى

2015.12.14 16:33   كەلۋ قاينارى : حالىق تورابى

　　12 – جەلتوقساندا پاريج قالاسىنىڭ تەرىستىك ماڭايىنداعى بۋرچەرت كورمە ورتالىعىندا فرانسيانىڭ سىرتقى ىستەر مينيسترى، پاريج كليمات وزگەرىسى قۇرىلتايىنىڭ ءتوراعاسى فابيوس (سولدان ءۇشىنشى) كليمات وزگەرىسى جونىندەگى پاريج ءماجىلىسىنىڭ جابىلۋ بەلگىسىن بەردى، وسىلايشا ماجىلىسكە قاتىناسۋشىلار پاريج كليمات وزگەرىسى كەلىسىمىندە بىرلىككە كەلدى. وسى كۇنى «ب م ۇ كليمات وزگەرىسى سۇلبالىق بىتىمىنە» 200 گە تاياۋ شارتتاسۋشى تاراپ پاريجدا دۇنيە ءجۇزى كليماتىنىڭ جاڭا كەلىسىمىندە بىرلىككە كەلدى. سۋرەتتى شينحۋا اگەنتتىگىنىڭ ءتىلشىسى جوۋ لەي تۇسىرگەن.

　　شينحۋا تورابى، 12 – جەلتوقسان، پاريج (تىلشىلەر تاڭ جىچياڭ، جاڭ شياۋرۋ). كليمات وزگەرىسى جونىندەگى پاريج ءماجىلىسى 12 –جەلتوقسان كەشتە دۇنيە ءجۇزى كليماتىنىڭ جاڭا كەلىسىمىن ماقۇلدادى. كەلىسىمدە 2020 – جىلدان كەيىنگى بۇكىل جەر شارىنىڭ كليمات وزگەرىسىنە توتەپ بەرۋ ورنالاستىرۋلارى جاسالدى.

　　وسى كۇنى «ب م ۇ كليمات وزگەرىسى سۇلبالىق بىتىمىندەگى» (تومەندە قىسقاشا «ءبىتىم» دەلىنەدى) 200 گە جۋىق شارتتاسۋشى جاق «پاريج كەلىسىمىن» ورتاق ماقۇلدادى. كەلىسىم جالپى 29 تاراۋ بولىپ، نىسانا، ازايتۋ، سايكەسۋ، حاۋىپ – قاتەر، قارجى، تەحنيكا، ەنەرگيا قۇرىلىسى، جاريالىلىق، جەر شارىندىق ەسەپ اداقتاۋ سىندى مازمۇنداردى ءوز ىشىنە الادى.

　　«پاريج كەلىسىمىندە» مىنالار اتاپ كورسەتىلدى: ءارقايسى جاق كليمات وزگەرىسىنە مۇرىندىق بولاتىن ۇرەيگە جەر شارىندىق توتەپ بەرۋدى كۇشەيتىپ، جەرشارىنىڭ ورتاشا تەمپەراتۋراسىن جەڭىل ونەركاسىپتەنۋدىڭ الدىنداعى ورەدەن 2 سەلتسي گرادۋس ىشىندە جوعارىلاتۋ دەڭگەيىندە تەجەپ، تەمپەراتۋرانىڭ جىلىنۋ دەڭگەيىن 1.5 سەلتسي گرادۋس ىشىندە تەجەۋگە قۇلشىنۋى كەرەك. جەر شارىندا پارنيك گازىن ىعىستىرۋدىڭ شىرقاۋ شىڭى تەز ارادا جۇزەگە اسادى، وسى عاسىردىڭ العاشقى جارتىسىندا پارنيك گازىن ىعىستىرۋدىڭ نولدىك دەڭگەيى جۇزەگە اسىرىلاتىن بولادى.

　　كەلۋ قاينارى: حالىق تورابى