- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مۇناي باعاسىنىڭ تومەندەۋىنە بايلانىستى رەسەي ەكونوميكاسى سىننان وتە الاما
2015.12.16 11:14 كەلۋ قاينارى : حالىق تورابى
حالىق تورابى، 16 - جەلتوقسان، بەيجيڭ. (مۇحيت امانتاي ۇلى) رەسەي قازىنا مينيسترى سيليانوۆ كۇن ىلگەرى بىلاي دەدى: قازىر حالىقارادا مۇناي باعاسىنىڭ تومەندەپ، ءار شەلەك مايدىڭ باعاسى 36 ــ 37 دوللارعا ءتۇستى، 2016 - جىلعا بارعاندا ءار شەلەك مايدىڭ باعاسى 30 دوللارعا ءتۇسۋى مۇمكىندىگىن جوققا شىعارۋعا بولمايدى. رەسەي مەملەكەتتىڭ قازىنالىق مەجە ەسەبىن مۇنايدىڭ ءار شەلەگىنىڭ باعاسى 50 دوللار مولشەرىندە بولادى دەگەن تۇسپالمەن جاساعان بولاتىن، قازىر ءسوزسىز، قيىن - قىستاۋ مەزگىلگە توتەپ بەرۋ جوباسىن بەلگىلەۋ قاجەت. مۇناي باعاسىنىڭ جالعاستى تومەندەۋىنە بايلانىستى، رۋبليدىڭ دوللارعا سىندىرىلىمى 70كە جاقىندادى، رەسەي ەكونوميكاسىنا تۇسەتىن قىسىم بارعان سايىن اۋىرلاسۋدا.
حالىقارالىق ەنەرگيا مەكەمەسى 11 - جەلتوقساندا جاريالاعان ايلىق مالىمدەمەسىندە: الەمنىڭ مۇنايعا بولعان سۇرانىسىنىڭ تومەندەگەنىن، ال مۇناي شىعاراتىن مەملەكەتتەردىڭ مۇناي ءوندىرىسىن ازايتپاعانىن، مۇناي بازارىندا مۇنايدىڭ قاجەتتەن اسىپ قالۋ جاعدايى 2016 - جىلدىڭ اياعىنا دەيىن جالعاساتىنىن مالىمدەگەن. رەسەي قازىنا مينيسترلىگىنىڭ تۇسپالداۋىنشا، الەمنىڭ مۇنايعا بولعان سۇرانىس جاعدايىنا قاراعاندا، بۇدان كەيىنگى 6 ــ 7 جىلدىڭ ىشىندە، مۇنايدىڭ ءار شەلەگىنىڭ باعاسى 60 دوللاردان اسپايدى دەپ مەجەلەگەن.
رەسەي ەنەرگيا ەكسپورتىنا ەرەكشە يەك سۇيەگەن مەملەكەت بولعاندىقتان، رەسەيدىڭ قازىنا مەجە ەسەبى مۇناي باعاسىمەن تىعىز بايلانىستا بولادى. ورتا ەسەپپەن مۇناي باعاسى جىلىنا ءبىر دوللار تومەندەدى دەگەن ءسوز رەسەي مەجە ەسەبى 2 ميلليارد 200 ميلليون دوللار ازايدى دەگەن ءسوز، تۇرعىنداردىڭ كىرىسى دە %0.14 ازايادى دەگەن ءسوز. رەسەي قازىنا مينيسترىنىڭ ورىنباسارى كۇن ىلگەرگى مالىمدەمەسىندە، حالىقارادا مۇنايدىڭ ءار شەلەگىنىڭ باعاسى 50 دوللاردان 40 دوللارعا ءتۇستى، رەسەيدىڭ قازىنالىق مەجە ەسەبى ءبىر تريلليون 500 ميلليارد رۋبلي ازايدى، بۇل مەملەكەتتىڭ ىشكى ءوندىرىسى جالپى قۇنىنىڭ %2ىن ۇستايدى،-دەدى.
كەيبىر كوزقاراستاعىلار مۇناي باعاسىنىڭ ۇزاق ۋاقىت تومەندەۋىندە باسقاداي ماقسات جاتقان سياقتى، ياعني باتىس ەلدەرى رەسەي، يران سياقتى مۇناي شىعاراتىن مەملەكەتتەردىڭ دەسىن باسۋدىڭ ايلاسىن جاساپ، ولاردى حالىقارالىق ماسەلەلەردە جول بەرۋگە ماجبۇرلەۋدەي كومەسكى ماقسات بولۋى مۇمكىن دەپ قارايدى. رەسەي ەنەرگيا - فينانس ينستيتۋتى فينانس فاكۋلتوتىنىڭ باستىعى گروموۆ گازەتىمىزدىڭ تىلشىسىنە، مۇنداي سەبەپتەردىڭ بولۋى دا مۇمكىن، ءبىراق مۇناي باعاسىن ناقتىلى بەلگىلەيتىن حالىقارالىق ەكونوميكانىڭ جالپى جاعدايى،-دەدى.
قازىر، رەسەي فينانس سالاسىنداعىلار بۇرىننان كەلە جاتقان قىزىل سيفىردىڭ ۇلعايۋىنان قاتتى الاڭدايدى. رەسەي شەتەل اقشا قورى ارقىلى قازىنا قىزىل سيفرىن تولىقتاۋىنا تۋرا كەلەدى، ال قازىر مۇناي باعاسىنىڭ جالعاستى تومەندەۋى قازىنا كىرىسىن ونان ارى ازايتىپ، قىزىل سيفىردى زورايتپاق. بۇل ءتۇرلى جوسپاردىڭ ورىندالۋى مەن تۇرعىنداردىڭ كىرىس مولشەرىنە ىقپال ەتەدى. گروموۆ: بۇدان كەيىنگى بىرنەشە جىلدا قىزىل سيفردان تۋىندايتىن ماسەلەلەرگە توتەپ بەرۋ ءۇشىن، ءسوزسىز، ارناۋلى تەكشە قۇرۋ كەرەك،-دەدى. مۇناي باعاسىمەن بايلانىسى تىعىز بولعان رۋبليدىڭ سىندىرىلىمى دا جۇرتشىلىقتىڭ نازارىن اۋدارۋدا. رەسەي ورتالىق بانكەسى رەسەي تۇرعىندارىنىڭ رۋبلي سىندىرىلىمىنىڭ وزگەرىسىنە بولعان كوزقاراسى قالىپتى، ءبىراق سىندىرىلىم وزگەرىسى يمپورت ەتەتىن تاۆارلاردىڭ باعاسىن جوعارىلاتىپ، تۇرعىنداردىڭ قالىپتى تۇرمىسىنا ىقپال ەتەدى،- دەدى.
رەسەي ورتالىق بانكەسىنىڭ باستىعى نابيلينا: قازىرگى جاعدايدا، رەسەي ەكونوميكاسىنىڭ ورنىقتى تۇردە قايتا دامۋىنا دەرلىكتەي نەگىز جوق، كەلەرگى نەشە ايدىڭ ىشىندە ءتىپتى دە ناشارلاۋ حاۋپى بار،-دەدى. دەسەدە، قازىر رەسەي ەكونوميكاسى سايكەستى توتەپ بەرۋ قۋاتى بار ەكەنىن ايگىلەۋدە، 2016 - جىلدىڭ اياعىندا قايتا ورلەۋى دە مۇمكىن.
قازىرشە، ەۆروپا مەن ا ق ش –تىڭ رەسەيگە جۇرگىزگەن ەكونوميكالىق جازالاۋىنىڭ 2016 - جىلى اياقتالۋىنان دەرەك جوق، رەسەي ەكونوميكاسى ءالى دە كوپتەگەن تۇراقسىز فاكتورلارعا ءدۇپ كەلۋى مۇمكىن. گروموۆ گازەتىمىزدىڭ تىلشىسىنە: مۇناي باعاسىنىڭ ءار رەت تومەندەگەن كەزى، رەسەي مەحانيكا، جەڭىل ونەركاسىپ قاتارلى ەنەرگياعا قاتىسسىز سالالارىنىڭ دامۋ مەزگىلى بولىپ كەلدى. قازىر، رەسەيدىڭ ءارقايسى سالاسىنداعىلار دۇنيە جۇزىندە مۇنايعا بولعان سۇرانىستىڭ ەندىگارى ونشالىق كوپ بولمايتىنىن، قازىرگى ورايدى قولدان جىبەرمەي، ەكونوميكالىق قۇرىلىمدى رەتكە سالۋ مەن شىعىس رايوندارىن اشۋ رەسەيدىڭ قيىن - قىستاۋ مەزگىلدىڭ سىناعىنان سۇرىنبەي ءوتۋىنىڭ كىلتى ەكەندىگىن تولىق تانىپ جەتۋدە،-دەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
