ا ق ش پرەزيدەنتى وباما ۋاڭ يمەن كەزدەستى

2016.02.26 14:35  

　　حالىق گازەتى، 24 – اقپان، بەيجيڭ. ا ق ش پرەزيدەنتى وباما 24 – اقپاندا (جەرگىلىكتى ۋاقىت) ۋاشينگتونداعى اقسارايدا ا ق ش – قا رەسمي ساپارمەن بارعان سىرتقى ىستەر مينيسترى ۋاڭ يمەن كەزدەستى.

　　ۋاڭ ي ءتوراعا شي جينپيڭنىڭ پرەزيدەنت وباماعا دەگەن سالەمىن جەتكىزدى. ۋاڭ ي بىلاي دەدى: ەكى ەل باسشىلارىنىڭ جەتەكشىلىگىندە جۇڭگو – ا ق ش ەكى جاق ءتۇرلى سالالاردا جاڭا جەتىستىكتەرگە قول جەتكىزدى. جۇڭگو جاق ا ق ش – پەن بىرلىكتە جوعارى جىكتەگى ستراتەگيالىق قارىم – قاتىناستى ساقتاپ، حالىقارالىق جانە وڭىرلىك كوكەيتەستى ماسەلەلەردە سەلبەستىكتى كۇشەيتۋدى، دۇنيە جۇزىلىك سىناقتارعا بىرلىكتە توتەپ بەرۋدى قالايدى. جۇڭگو جاق ا ق ش – تىڭ ناۋرىز ايىنىڭ سوڭى مەن ءساۋىر ايىنىڭ باسىندا 4 – كەزەكتى يادرولىق حاۋىپسىزدىك فورۋمىن وتكىزۋىن قولدايدى.

　　وباما شي جينپيڭعا دەگەن سالەمىن جەتكىزىپ قويۋدى ۋاڭ يدان ءوتىنىپ، ەكى جاقتىڭ كليمات وزگەرىسىنە توتەپ بەرۋ مەن قاتىستى وڭىرلەردەگى كوكەيتەستى ماسەلەلەردى شەشۋدەگى سەلبەستىگىن جاقسى باعالادى. وباما: ا ق ش – جۇڭگو قارىم – قاتىناسى توتەنشە ماڭىزدى، ەكى جاق پىكىرلەسۋ مەن سايكەسۋدى ۇزدىكسىز ساقتاۋى كەرەك، - دەدى. ول ءتوراعا شي جينپيڭنىڭ الدا ۋاشينگتوندا وتكىزىلەتىن 4 – كەزەكتى يادرولىق حاۋىپسىزدىك فورۋمىنا قاتىناسۋىن ءۇمىت ەتەتىنىن ءبىلدىردى.

　　ۋاڭ ي سول كۇنى تاعى ا ق ش پرەزيدەنتىنىڭ مەملەكەتتىك حاۋىپسىزدىك ىستەرى اقىلشىسى رايسپەن، پارلامەنت كەڭەس پالاتاسى ديپلوماتيالىق كوميتەتىنىڭ ءتوراعاسى كركپەن، پارلامەنت قاۋىمدىق پالاتاسىنىڭ ءتوراعاسى رويسپەن جەكە – جەكە كەزدەستى.

　　كەلۋ قاينارى: حالىق تورابى