- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رەسەي مەن ناتو اسكەري قۋاتىن ارتتىرۋ ارقىلى ەگەسكە ءتۇستى
2016.05.06 14:08 كەلۋ قاينارى : حالىق تورابى
رەسەي قورعانىس مينيسترى شويگۋدىڭ 4 – مامىردا ايتۋىنشا، رەسەي قورعانىس مينيسترلىگى ءبىرقىدىرۋ شارالاردى قولدانۋ ارقىلى، بيىل جىل سوڭىنا دايىن جاڭادان 3 دۆيزيا قۇرماقشى، مۇنداعى ماقساتى ناتونىڭ «رەسەي شەكاراسىنا جاقىن ايماقتا» اسكەري قۋاتىن ۇزدىكسىز ارتتىرۋىنا توتەپ بەرۋ. ۇعىسۋعا قاراعاندا، رەسەي جاڭادان قۇرىپ شىعاتىن ءۇش ديۆيزيا باتىس بولەك اسكەري رايونىنداعى 2 ديۆيزيا مەن وڭتۇستىك بولەك اسكەري رايونىنداعى ءبىر ديۆيزيانى قامتيدى، اسكەر سانى 10 مىڭ توڭىرەگىندە بولادى. 3 دۆيزياعا ەڭ تاڭداۋلى قۇرامالاۋ جوباسى قولدانىلادى، موتوسيكلدەندىرىلگەن جاياۋ اسكەر، تانكى اسكەرى، دەربەس زىمىران زەڭبىرەكتى اسكەر، زەنيتتى زەڭبىرەكتى اسكەر، بارلاۋشى اسكەر، بايلانىسشى اسكەر قاتارلى اسكەر تۇرلەرى قامتىلادى، T—90 تانكىسى، BMP—3 جاياۋ اسكەر شايقاس كولىگى قاتارلى تاڭداۋلى قارۋلارمەن جابدىقتاندىرىلادى. قازىر جاڭادان قۇرىلعان قوسىندار تۇراتىن ورىندا قۇرال – جابدىقتار ورنالاستىرىلۋدا. رەسەي مەن ناتو قارىم – قاتىناسىنىڭ ۋشىعۋىنىڭ «پالە باسىن» رەسەي ناتونىڭ شىعىسقا ىرگە كەڭەيتۋى مەن ەۆروپادا باسقارىلماعا قارسى جۇيە ورنالاستىرۋىنان كورەدى.
جۋىردا رەسەي مەن ناتو اراسىندا بالتىق تەڭىزىندە تۋىلعان ءبىرقىدىرۋ قاقتىعىستار ەكى جاقتىڭ قايشىلىعىن اسقىندىرىپ جىبەردى. الدىڭعى اپتادا ا ق ش رەسەي اسكەري ۇشاعىنىڭ بالتىق كەڭىستىگىندە ا ق ش بارلاۋشى ۇشاعىنىڭ الدىن بوگەگەنىن جازعىردى؛ ءساۋىردىڭ باسىندا رەسەيدىڭ ەكى اسكەري ۇشاعى بالتىق تەڭىزىندە ا ق ش ارمياسىنىڭ باسقارىلمالى بومبىلى قۋعىنشى كەمەسىنە ون نەشە رەت جاقىن ۇشتى. بۇل تۋرالى رەسەيدىڭ ناتوداعى ەرەكشە ەلشىسى گرۋشكو تۇسىنىك جاساپ، قۋعىنشى كەمەنىڭ رەسەيگە قاراستى گالينينگرادقا جاقىنداپ، رەسەيگە «اسكەري قىسىم كورسەتۋ» نىسايىندا بولعانىن العا تارتتى.
ناتو باسشىسىنىڭ الماسۋى دا ناتو مەن رەسەي قارىم – قاتىناسىنا الاۋىزدىق الا كەلدى. 3 – مامىر كۇنى ا ق ش – تىڭ وڭتۇستىك كورەيادا تۇراتىن اسكەري ءبولىمىنىڭ بۇرىنعى قولباسشىسى سكاپاروتتي ەۆروپا وداقتاس ارمياسىنىڭ ەڭ جوعارى قولباسشىسى بولىپ تاعايىندالدى. سول كۇنى سكاپپاروتتي «ناتوعا مۇشە ەلدەردىڭ رەسەيمەن شايقاسۋعا ءسات – ساعات سايىن دايىن بولۋى كەرەك ەكەنىن» ايتتى. ا ق ش قورعانىس مينيسترى كارتەر دە رەسەيدىڭ «يادرولىق قارۋمەن سەس كورسەتىپ»، حالىقارالىق ءتارتىپتى ءبۇلدىرۋ ويىندا بولعانىنا جازعىرا كەلە، وسى سەبەپتەن ا ق ش ناتونىڭ شىعىس قاناتىندا «قورعانىسقا ءمان بەرۋى» كەرەك ەكەنىن ايتتى. كارتەر ا ق ش – تىڭ وداقتاس ەلدەردىڭ رەسەيدەن كەلەتىن حاۋىپ – قاتەرگە توتەپ بەرۋىنە كومەكتەسۋ ءۇشىن، كەلەسى جىلى ەۆروپادا ا ق ش ارمياسىنىڭ 3 – بريگاداسىن ورنالاستىرۋ تۋرالى جوسپارىن باياندادى. كارتەردىڭ ايتۋىنشا، بۇل 3 ميلليارد 400 ميلليون ا ق ش دوللارىندىق جوسپاردىڭ ءبىر بولەگى، ەڭ كوپ بولعاندا شىعىس ەۆروپادا 4 باتاليوندى نەمەسە 4000 اسكەردى كوبەيتىپ ورنالاستىراتىنىن جاريالادى.
ا ق ش جاقتىڭ مۇنداي پىكىرلەرىنە رەسەيدىڭ اڭىسى وتە كۇشتى بولدى. رەسەي مەملەكەتتىك دۋماسى سىرتقى ىستەر كوميتەتىنىڭ ءتوراعاسى پۋشكوۆ سكاپاروتتيدىڭ پىكىرى ونىڭ الدىندا وسى مىندەتكە وتىرعان بۋريدلوۆپەن سالىستىرعاندا قايشىلىقتى اسقىندىرۋعا ءتىپتى دە بەيىم ەكەنىن ايتقان. رەسەي ۇكىمەتىنىڭ ورگان گازەتى «رەسەي گازەتىنىڭ» 5 – مامىردا اتاپ كورسەتۋىنشە، دۇنيە جۇزىلىك 2 – سوعىس جەڭىسىنىڭ 71 جىلدىعىن ەسكە ءتۇسىرۋ قارساڭىندا، ناتوعا مۇشە ەلدەر رەسەي شەكاراسىنان تەك 30 كيلومەتر كەلەتىن جەردە اسكەري مانەۆر وتكىزگەن. اتالعان حاباردا ناتونىڭ شىعىسقا ىرگە كەڭەيتۋىنىڭ بىرەر كۇندىك ءىس ەمەس ەكەنى، رەسەيدى بوپسالاۋ مەن قىسپاققا الۋدىڭ «ەشقانداي پايداسى بولمايتى» ايتىلعان.
ەكى جاق قارىم - قاتىناسىنىڭ جۋىرداعى جاڭا اۋقىمى حالىقارالىق قوعامدى ونان ارى مازاسىزداندىردى، ءىشىنارا قۇرالدارى «تاعى دا ‹جاڭا قىرعي قاباقتىق سوعىس› كۇيىن سەزگەندەي بولدىق» دەپ جازدى. (گازەتىمىزدىڭ 5 – مامىردا ماسكەۋدەن بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
