- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ا ق ش مەن وڭتۇستىك كورەيانىڭ «ساد» جۇيەسىن ورنالاستىرۋى سوڭعى جىلدارى شىعىس سولتۇستىك ازيادا تۋىلعان ەڭ اۋىر اسكەري ارانداتۋشىلىق
- رەسەي عىلىم اكادەمياسى قيىر شىعىس زەرتتەۋ ورنىنىڭ باستىعى رۋگانينمەن سۇحپات
شينحۋا اگەنتتىگىنىڭ ءتىلشىسى حۋ شياۋگۋاڭ
2016.08.03 13:11
رەسەي عىلىم اكادەمياسى قيىر شىعىس ىستەرىن زەرتتەۋ ورنىنىڭ باستىعى، جۇڭگو ماسەلەلەرى جونىندەگى ايگىلى مامان سەرگەي رۋگانين جۋىردا شينحۋا اگەنتتىگىنىڭ تىلشىسىمەن ارنايى سۇحپاتتاسقاندا مىنانى اتاپ كورسەتتى: ا ق ش پەن وڭتۇستىك كورەيانىڭ وڭتۇستىك كورەيادا «ساد» زىمىرانعا قارسى قورعانىس جۇيەسىن ورنالاستىرۋى – سوڭعى جىلدارى شىعىس سولتۇستىك ازيادا تۋىلعان ەڭ اۋىر اسكەري ارانداتۋشىلىق، ونىڭ باستى ماقساتى جاعدايدى ءتىپتى دە ۋشىقتىرۋ.
شىلدەنىڭ 8 – كۇنى سەۋلدە وڭتۇستىك كورەيا مەن ا ق ش – نىڭ اسكەري جاعى وڭتۇستىك كورەياداعى ا ق ش – نىڭ اسكەري بازالارىنا «ساد» جۇيەسىن ورنالاستىراتىندىعى جونىندە مالىمدەمە جاريالادى. رەسەيدىڭ سىرتقى ىستەر مينيسترلىگى سول كۇنى مالىمدەمە جاريالاپ، ا ق ش پەن وڭتۇستىك كورەيانىڭ «ساد» جۇيەسىن ورنالاستىرۋى شىعىس سولتۇستىك ازياداعى جاعدايدى شيەلەنىستىرىپ، سولتۇستىك كورەيا ماسەلەسىن شەشۋگە كەدەرگى بولادى دەگەندى ايتتى.
رۋگانين بىلاي دەدى: ا ق ش پەن وڭتۇستىك كورەيانىڭ «ساد» جۇيەسىن ورنالاستىرۋى سوڭعى جىلدارى شىعىس سولتۇستىك ازيادا تۋىلعان ەڭ اۋىر اسكەري ارانداتۋشىلىق، ا ق ش اتالعان زىمىرانعا قارسى قورعانىس جۇيەسىن ورنالاستىرۋ ارقىلى شىعىس سولتۇستىك ازيا وڭىرىندە اسكەري دايىندىق باسەكەسىن باستاماقشى، بۇل ارەكەت سولتۇستىك كورەياعا باعىتتالعان پسيحولوگيالىق قىسىمدى ارتتىرۋمەن بىرگە، رەسەي مەن جۇڭگوعا اشىق سوقتىققاندىق.
ول بىلاي دەدى: ا ق ش وڭتۇستىك كورەيادا «ساد» جۇيەسىن ورنالاستىرۋ ارقىلى رەسەي مەن جۇڭگونى باتىس جانە شىعىس باعىتتاردان قىسپاققا الۋدى كوزدەپ وتىر. باتىستا ناتو رەسەيدىڭ ستراتەگيالىق كەڭىستىگىنە سۇعىنىپ كىرىپ كەلەدى، «الايدا بۇل تىم قورقىنىشتى ەمەس، رەسەي مەن جۇڭگونىڭ ستراتەگيالىق ىنتىماقتاستىعىنا دا ايتارلىقتاي سوققى بولا المايدى، ويتكەنى ەكى ەلدىڭ دە اسا كۇشتى اسكەري ستراتەگيالىق سەس كورسەتۋ قۋاتى بار».
الەۋمەتتىك پىكىر مىنانى اتاپ كورسەتتى: ا ق ش سولتۇستىك كورەيانىڭ زىمىران حاۋىپىنە توتەپ بەرۋ دەگەن اتپەن وڭتۇستىك كورەيادا ورنالاستىرعان «ساد» جۇيەسىن ءوزىنىڭ شىعىس ازياداعى زىمىرانعا قارسى قورعانىس جۇيەسىنىڭ ماڭىزدى بۋىنىنا اينالدىرماقشى. «ساد» جۇيەسىنىڭ بارلاۋ – ولشەۋ اۋماعى سولتۇستىك كورەيانىڭ زىمىرانىنان قورعانۋ قاجەتىنەن اسىپ تۇسەدى، بۇل جۇڭگو، رەسەي سياقتى ەلدەردىڭ ستراتەگيالىق حاۋىپسىزدىك مۇددەسىن زيانداپ قالماستان، وسى ءوڭىردىڭ جانە دۇنيە ءجۇزىنىڭ ستراتەگيالىق ورنىقتىلىعىن دا بۇلدىرەدى.
شىلدەنىڭ 28 – كۇنى وتكىزىلگەن جۇڭگو مەن رەسەيدىڭ 4 – رەتكى شىعىس سولتۇستىك ازيا ءوڭىرى حاۋىپسىزدىگى كەڭەسىندە ەكى ەل ا ق ش پەن وڭتۇستىك كورەيانىڭ وڭتۇستىك كورەيادا «ساد» جۇيەسىن ورنالاستىرۋ ماسەلەسىنە ايرىقشا نازار اۋدارىپ وتىرعاندىعىن ءبىلدىرىپ، ا ق ش پەن وڭتۇستىك كورەيانىڭ بۇل ارەكەتى اۋەلگى ويلارىمەن مۇلدە ۇيلەسپەيدى، بۇل جۇڭگو مەن رەسەي سىندى ەلدەردىڭ ستراتەگيالىق حاۋىپسىزدىك مۇددەسىن اۋىر زياندايدى دەپ قارادى.
كەڭەستە تاراپتار ءبىر اۋىزدان بىلاي دەپ قارادى: قازىر كورەي تۇبەگى مەن شىعىس سولتۇستىك ازيانىڭ حاۋىپسىزدىك جاعدايى كۇردەلىلەسۋدە، جۇڭگو مەن رەسەي جان – جاقتى ستراتەگيالىق سەلبەستىك سەرىكتەستەر رەتىندە ەكى ەل باسشىلارىنىڭ الەمنىڭ ستراتەگيالىق ورنىقتىلىعىن كۇشەيتۋ جونىندەگى بىرلەسكەن مالىمدەسىنە ساي، قارىم – قاتىناس پەن سەلبەستىكتى كۇشەيتىپ، ەكى ەلدىڭ مۇددەسىن، وتە – موتە، ستراتەگيالىق حاۋىپسىزدىك مۇددەلەرىن اسا سەنىمدى دە ءونىمدى ادىستەرمەن شىنايى قورعاۋى كەرەك.
رۋگانين مىنانى باسا دارىپتەدى: وڭىرلىك جانە عالامدىق تۇرعىدا رەسەي مەن جۇڭگو بەيبىتشىلىك، ورنىقتىلىق، دامۋ ىستەرىندە جاۋاپكەرشىلىكتى الەمدىك ءىرى ەل بورىشىن ارقالاپ وتىر. ەكى ەل باسشىلارىنىڭ ماۋسىمدا جاريالاعان الەمنىڭ ستراتەگيالىق ورنىقتىلىعىن كۇشەيتۋ جونىندەگى بىرلەسكەن مالىمدەمەسى ايرىقشا ماڭىزدى، بۇل 15 جىلدىڭ الدىندا قول قويىسقان «جۇڭگو مەن رەسەيدىڭ تاتۋ كورشىلەستىك دوستىق، ىنتىماقتاستىق شارتىنىڭ» جاسامپازدىقپەن دامىتىلۋى.
رۋگانين بىلاي دەدى: بۇل مالىمدەمە «ءۇشىنشى ەلگە باعىتتالماعان، رەسەي – جۇڭگو قاتىناسىنىڭ مارتەبەسىن وزگەرتپەيدى، مازمۇندىق جاعىنان قاراعاندا، بۇل ەكى ەلدىڭ الەمدىك ىستەردەگى ستراتەگيالىق جاۋاپكەرشىلىگىن جانە دۇنيە ءجۇزىنىڭ ورنىقتىلىعىن ايتارلىقتاي كۇشەيتتى». (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
