بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

رەسەي ۋكراينانى قىرىمدا لاڭكەستىك ارەكەت ۇيىمداستىرماق بولدى دەپ ايىپتادى

2016.08.15 15:38     كەلۋ قاينارى : حالىق تورابى


  رەسەي پرەزيدەنتى ۆلاديمير پۋتين 10 – تامىزدا: ۋكراينا قىرىمدا «لاڭكەستىك ءتاسىل» ارقىلى وقيعا تۋدىرىپ، جاعدايدى بىلىقتىرماق بولدى، - دەپ ايىپتادى.

  رەسەي فەدەراتسيالىق حاۋىپسىزدىك مەكەمەسى سول كۇنى جاريالاعان مالىمەتىندە: اتالعان مەكەمە قىرىمدا ۋكراينا قورعانىس مينيسترلىگىنىڭ ەرەكشە مىندەتتى ورگاندارى ۇيىمداستىرماق بولعان جەلىلەس لاڭكەستىك ارەكەتتىڭ الدىن الدى، - دەپ حابارلادى.

  رەسەي فەدەراتسيالىق حاۋىپسىزدىك مەكەمەسىنىڭ مالىمەتىنە قاراعاندا، ۋكراينا جوسپارلاعان لاڭكەستىك ارەكەت قىرىمداعى نەگىزدىك قۇرىلىستار مەن تۇرمىستىق قامتاماسىزداندىرۋداعى ماڭىزدى قۇرىلعىلارعا باعىتتالعان، لاڭكەستىك ارەكەتتىڭ ماقساتى: قوعام مەن اۋقىمنىڭ ورنىقتىلىعىن ءبۇلدىرۋ، وسى ارقىلى قىركۇيەكتە وتكىزىلەتىن رەسەي فەدەراتسياسىنىڭ جەرگىلىكتى ۇكىمەتتەرىن سايلاۋعا كەدەرگىلىك جاساۋ.

  رەسەي سپۋتنيك اگەنتتىگىنىڭ فەدەراتسيالىق حاۋىپسىزدىك مەكەمەسىنىڭ مالىمەتىنەن سيتات كەلتىرە حابارلاۋىنشا، رەسەي جاق وتكەن اپتانىڭ سوڭىندا قىرىمنان ۋكراينالىق «بۇلىك تۋدىرماق بولعان ەلەمەنتتەردى» ۇستاپ، ولاردىڭ وزدەرى جاساعان قوپارعىش، وق دارىلەر، مينا، گرانات جانە ەرەكشە جاسالعان سوعىستىق قۇرالداردى قامتىعان ءبىر توپ قارۋ – جاراقتاردى قولعا تۇسىرگەن ءارى ۋكراينا قۇپيا اقپار تاراۋلارىنىڭ قىرىمداعى قۇپيا اقپار تورىن تالقانداپ، ۋكراينا قۇپيا اقپار قىزمەتكەرلەرىن تۇتقىنداعان؛ 8 – تامىز كۇنى تاڭ سارىدە رەسەي حاۋىپسىزدىك قوسىندارى ۋكراينا ەرەكشە مىندەتتى قوسىنى جىبەرگەن «لاڭكەستىك توپ» قىرىمعا كىرگەن مەزەتتە، ۋكراينا قارۋلى كۇشتەرىمەن اتىسىپ قالعان.

  رەسەي جاقتان ەكى ادام وسى رەتكى ارەكەت بارىسىندا قازا تاپقان.

  پۋتين 10 – تامىزدا ماسكەۋدە وتكىزىلگەن تىلشىلەردى قابىلداۋ جينىندا، ۋكراينانى «حاۋىپتى ويىن ويناعانى» ءۇشىن ايىپتاپ، ۋكراينانىڭ شىعىس بولەگىندەگى وڭىرلەر تۋرالى رەسەي مەن ۋكراينانىڭ بەيبىت كەڭەس وتكىزۋىنىڭ «ءمانى قالماعانىن» ايتتى.

  رەسەي حاۋىپسىزدىك مەكەمەسىنىڭ بۇل مالىمەتىن ۋكراينا قورعانىس مينيسترلىگى جوققا شىعاردى. اتالعان مەكەمە جاريالاعان مالىمدەمەدە، ۋكراينانىڭ رەسەيگە قۇپيا تۇردە لاڭكەستىك ارەكەت جوسپارلايتىن ادامداردى جىبەرمەگەنىن، قورعانىس مينيسترلىگى قىزمەتكەرلەرىنىڭ قىرىمدا قولعا الىنباعانىن ايتقان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.