بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

ەۆروپا پارلامەنتى تۇركيانى ەۆرو وداعىنا قابىلداۋ كەلىسسوزىن توقتاتۋدى تالاپ ەتتى

تۇركيا جاق بۇل قاۋلىعا «بولجامسىزدىق» دەپ باعا بەردى

2016.11.25 15:08     كەلۋ قاينارى : حالىق تورابى

  حالىق تورابى، 25 – قاراشا، بەيجيڭ. شينحۋا اگەنتتىگىنىڭ ستراسبۋرگ پەن انكارادان بەرگەن حابارى: ەۆرو وداعىنىڭ پارلامەنتى 24 – قاراشا كۇنى زاڭ شىعارۋعا جاتپايتىن ءبىر قاۋلىنى داۋىس بەرۋ ارقىلى ماقۇلداپ، ەۆرو وداعى كوميتەتىنەن، ەۆرو وداعىنا مۇشەلە ەلدەردەن تۇركيانى ەۆرو وداعىنا قابىلداۋ تۋرالى كەلىسسوزدەردى ۋاقىتشا توقتاتۋدى تالاپ ەتتى. تۇركيانىڭ ەۆرو وداق ىستەرىنە جاۋاپتى مينيسترى سەليك بۇل قاۋلىنى «بولجامسىزدىق» دەپ باعالادى.

  ەۆرو وداعىنىڭ پارلامەنتى سول كۇنى 479 داۋىستىڭ قولداۋى، 37 داۋىستىڭ قارسى تۇرۋى، 107 داۋىستىڭ قالىس قالۋىمەن قاۋلىنى ماقۇلدادى. قاۋلىدا: تۇركيادا شىلدە ايىندا ىسكە اسپاعان ساياسي وزگەرىس تۋىلعاننان كەيىن، اتالعان ەل جانىشتاۋ ءتاسىلىن قولداندى، بۇل تاسىلدەر مەن ۇكىمەتتىڭ ساياسي ماقساتى تۇركيا مەن ەۆرو وداعىنىڭ اراسىن الىستاتتى، سوندىقتان، ەۆرو وداعى كوميتەتى مەن ەۆرو وداعىنا مۇشە ەلدەر تۇركيانى وداققا قابىلداۋ كەلىسسوزدەرىن ۋاقىتشا توقتاتا تۋرۋى كەرەك، - دەپ قارالعان. نازار اۋدارۋعا تاتيتىنى، بۇل ۇسىنىس سيپاتىندىق قاۋلى بولىپ، ەۆرو وداعى مەن ونىڭ مۇشەلەرىنە زاڭدىق شەكتەمە قويۋ كۇشىنە يە ەمەس.

  سەليكتىڭ 24 – قاراشادا ايتۋىنشا، بۇل قاۋلى «كۇشىنە يە ەمەس». ول تۇركيا مەن سيريا جانە يراق اراسىنداشى شەكارا سىزىعىنىڭ مىڭ كيلومەتردەن استامعا سوزىلاتىنىن العا تارتىپ، «لاڭكەستىككە سوققى بەرۋ اۋقىمى قاتاڭ سىناققا ءدۇپ كەلۋدە، ەۆروپانىڭ بۇلاي ىستەۋى كوز الدىن عانا كورگەندىك» دەگەن.

  تۇركيا پرەزيدەنتى ەردوعان 23 – قاراشادا: لاڭكەستىككە قارسى تۇرۋدا ەۆرو وداعى ۇنەمى ەكى جاقتى ولشەم قولدانىپ كەلەدى، ەۆروپا پارلامەنتىنىڭ تۇركيانى وداققا قابىلداۋ ۇدەرىسىن توقتاتۋ تۋرالى داۋىس بەرۋىنىڭ ءمانى جوق، - دەگەن.

  ەۆرو وداعىنىڭ ديپلوماتيالىق جانە حاۋىپسىزدىك ساياساتىنا جاۋاپتى جوعارى دارەجەلى ۋاكىلى موگەرين 22 – قاراشا كۇنى كەشتە ەۆروپا پارلامەنتىنىڭ مۇشەلەرىمەن ەۆرو وداعى مەن تۇركيا اراسىنداعى قارىم – قاتىناس تۋرالى تالاس – تارتىس بارىسىندا، ەۆرو وداعى مەن تۇركيانىڭ قارىم – قاتىناسىنىڭ شەشۋشى كەزەڭدە تۇرعانىن ايتا كەلىپ، ەڭ جاقسى ءتاسىل ــ بايلانىس ارناسىن ساقتاۋ كەرەكتىگىن اتاپ كورسەتكەن. موگەرين: تۇركيانى وداققا قابىلداۋ كەلىسسوزدەرى توقتاتىلسا، ءبىز ەكى جاققا دا ءتيىمسىز جاعدايدا قالامىز، - دەگەن.

  ەۆرو وداعى مەن تۇركيا اراسىنداعى تۇركيانى وداققا قابىلداۋ كەلىسسوزىن قايتا جاڭقىرتۋ ــ بيىل ەكى جاقتىڭ ناۋرىز ايىندا بوسقىنداردى ورنالاستىرۋ كەلىسىمشارتىنىڭ ءبىر بولەگى بولاتىن. كەلىسىمشارتقا نەگىزدەلگەندە، ەۆرو وداعىنا زاڭسىز ەنگەن بوسقىندار تۇركياعا قايتارىلىپ، ەۆرو وداق «بىرگە ءبىر» پرينسيپى بويىنشا تۇركيا تەرريتورياسىنا ورنالاستىرىلعان سيريالىق بوسقىندارعا كومەكتەسۋى كەرەك بولاتىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.