رەسەي قاستاندىققا ۇشىراعان باس ەلشىگە ازا ءبىلدىرۋ قيمىلىن وتكىزدى

2016.12.23 16:25   كەلۋ قاينارى : حالىق تورابى

　　22 – جەلتوقساندا رەسەيدىڭ استاناسى موسكۆادا رەسەيدىڭ قاستاندىقپەن ولتىرىلگەن تۇركياداعى باس ەلشىسى كارلوۆتىڭ جەسىرى مالينا باس ەلشىنىڭ سۇيەگىمەن قوشتاسۋدا. سول كۇنى كارلوۆقا ازا ءبىلدىرۋ سالتى موسكۆاداعى دۇنيەنى قۇتقارۋشى جۇلدىز عيباداتحاناسىندا وتكىزىلدى.

　　شينحۋا اگەنتتىگى، 22 – جەلتوقسان، موسكۆا (ءتىلشى ان شياۋمىڭ). رەسەي ۇكىمەتى 22 – جەلتوقساندا موسكۆاداعى سىرتقى ىستەر مينيسترلىگى عيماراتىندا رەسەيدىڭ قاستاندىقپەن ولتىرىلگەن تۇركياداعى باس ەلشىسى كارلوۆتىڭ سۇيەگىمەن قوشتاسۋ سالتىن وتكىزدى، رەسەيدىڭ پرەزيدەنتى پۋتين ءاسىلى سول كۇنگە بەكىتىلگەن جىلدىق تىلشىلەردى قابىلداۋ كولەمدى جينالىسىن كەشەۋىلدەتىپ، ازا ءبىلدىرۋ قيمىلىنا قاتىناستى.

　　رەسەيدىڭ پرەمەر مينيسترى مەدۆەديەۆ، سىرتقى ىستەر مينيسترى رافلوۆ قاتارلى رەسەيدىڭ اكىمشىلىك، ساياسي سالاسىنداعى قايراتكەرلەر جانە كارلوۆتىڭ تۋىس – تۋعانى سىرتقى ىستەر مينيسترلىگى وتكىزگەن ازا ءبىلدىرۋ سالتىنا قاتىناستى. قوشتاسۋ سالتىنان كەيىن كارلوۆتىڭ سۇيەگى دۇنيەنى قۇتقارۋشى جۇلدىز عيباداتحاناسىنا جەتكىزىلدى، سودان سوڭ موسكۆاداعى ءبىر قۇرباندار قابىرىنا جەرلەندى.

　　كارلوۆ 19 – جەلتوقساندا تۇركيانىڭ استاناسى انكارادا «تۇركيالىقتار نازارىنداعى رەسەي» اتىنداعى فوتو سۋرەت كورمەسىنە قاتىناسقان كەزدە اتىپ ولتىرىلگەن، قاندىقول قورعاۋشى بولىپ جاسانىپ العان تۇركيا ساقشىسى ەكەن. رەسەيدىڭ سىرتقى ىستەر مينيسترلىگى وسى وقيعانى لاڭكەستىك شابۋىل دەپ تۇراقتاندىردى، رەسەي فەدەراتسيالىق بارلاۋ - تەكسەرۋ كوميتەتى قاتىستى زاڭدار بويىنشا وسى وقيعاعا دەلو تۇرعىزىپ تەكسەرۋ جۇرگىزۋدە.

　　كارلوۆتىڭ سۇيەگى 21 – جەلتوقساندا ەلىنە الىپ كەلىندى. كرەميل سارايىنىڭ اقپارات باسقارماسى سول كۇنى حابار جاريالاپ بىلاي دەدى: كارلوۆ تۇركياداعى باس ەلشى مىندەتىن وتەگەن مەزگىلدە باتىلدىق، قاھارماندىق بەينە كورسەتكەندىكتەن، سونداي – اق رەسەيدىڭ ديپلوماتيا ىستەرىنە ۇلەس قوسقاندىقتان پرەزيدەنت پۋتين كارلوۆقا قاھارمان اتاعىن بەرۋدى ۇيعارعان.

　　كەلۋ قاينارى: حالىق تورابى