شي جينپيڭ ۆيەتنامنىڭ مەملەكەت ءتوراعاسى چىن داگۋاڭمەن كەڭەس وتكىزدى
2017.05.12 15:07 كەلۋ قاينارى : حالىق تورابى
«حالىق گازەتى»، 11 – مامىر، بەيجيڭ (ءتىلشى ياڭ يە). مەملەكەت ءتوراعاسى شي جينپيڭ 11 - مامىردا حالىق سارايىندا ۆيەتنامنىڭ مەملەكەت ءتوراعاسى چىن داگۋاڭمەن كەڭەس وتكىزدى. ەكى ەل باسشىلارى ەكى جاقتى قاتىناستىڭ بەلسەندى دامۋ جاعدايىن ساقتاپ، ءار سالاداعى سەلبەستىكتى ىلگەرىلەتىپ، جۇڭگو مەن ۆيەتنامنىڭ جاپپاي، ستراتەگيالىق سەلبەستىك، سەرىكتەستىك قاتىناسىن تىڭ دەڭگەيگە كوتەرىپ، ەكى ەلگە جانە ەكى ەل حالقىنا ءتىپتى دە كوپ ناقتى يگىلىك جەتكىزۋگە ءبىر اۋىزدان قوسىلدى.
شي جينپيڭ مىنالاردى اتاپ كورسەتتى: جۇڭگو مەن ۆيەتنام __ ىرگەلەس كورشى ەلدەر، سونداي - اق تىلەكتەس سەرىكتەر. جۇڭگو ۆيەتنامنىڭ ءوز ەلىنىڭ جاعدايىنا ۇيلەسەتىن سوتسياليزم جولىمەن ءجۇرۋىن باتىل قولدايدى، كورشىمەن تاتۋ وتىرۋ، كورشىمەن سەرىك بولۋ باعىتىندا، جان اشىر بولۋ، ادال بولۋ، تيىمدىلىك جەتكىزۋ، كەڭ بولۋ ۇستانىمىندا تاباندى بولىپ، جۇڭگو - ۆيەتنام قاتىناسىنىڭ باياندى، اقاۋسىز، ورنىقتى دامۋىن ىلگەرىلەتەدى.
شي جينپيڭ مىنالاردى دارىپتەدى: جۇڭگو مەن ۆيەتنام جوعارى جىكتەگىلەردىڭ بارىس - كەلىسىن جالعاستىرىپ، ەكى جاقتى قاتىناس جانە ورتاق كوڭىل ءبولىپ وتىرعان ماسەلەلەر جونىندە دەر كەزىندە پىكىر الماستىرىپ، ەكى جاقتى قاتىناستىڭ دامۋى ءۇشىن باعداردى مىقتاپ يگەرۋى كەرەك. جۇڭگو مەن ۆيەتنامنىڭ ەكى جاقتى قاتىناسىنا جەتەكشىلىك ەتۋ كوميتەتى سياقتى مەحانيزمدەردەن ويداعىداي پايدالانىپ، ەكى جاقتىڭ دامۋ ستراتەگيالىق توعىسۋىن مىقتاپ يگەرىپ، شەكارا اتتاعان ەكونوميكالىق سەلبەستىك رايونى قۇرىلىسىن ىلگەرىلەتىپ، ءوندىرىس قۋاتى، نەگىزدىك قۇرىلعى قۇرىلىسى، قارجى قوسۋ، ساۋدا سياقتى سالالارداعى سەلبەستىكتى تەرەڭدەتىپ، ءار جاقتىڭ ەكونوميكالىق، قوعامدىق دامۋىنا ويداعىداي قىزمەت ەتۋى كەرەك. گۋمانيتارلىق اۋىس - كۇيىس اياسىن كەڭەيتىپ، وقۋ - اعارتۋ، مەديتسينا، جاستار جانە مادەنيەت كاسىبى سەلبەستىگىن بەلسەنە ورىستەتىپ، ەكى ەل حالقىنىڭ ءبىر - ءبىرىن ءتۇسىنۋىن جانە دوستىق سۇيىسپەنشىلىگىن نىعايتىپ، جۇڭگو - ۆيەتنام دوستىعى ءۇشىن حالىق رايى نەگىزىن بەكەمدەۋ كەرەك. تەڭىز سەلبەستىگىن ىلگەرىلەتىپ، ورتاق تانىمدى بىرتىندەپ جيناقتاپ، ورتاق مۇددەنى كەڭەيتۋ، سونىمەن بىرگە، ەكى جاقتى كەڭەسۋ جولىمەن الاۋىزدىقتى ويداعىداي تەجەۋ كەرەك. ب م ۇ، ازيا - تىنىق مۇحيت ەكونوميكالىق سەلبەستىك ۇيىمى، جۇڭگو - شىعىس وڭتۇستىك ازيا ەلدەرى وداعى، لانساڭ وزەنى - مەكونگ وزەنى سەلبەستىگى سياقتى كوپ جاقتى جۇلگەدەگى سايكەستىكتى جانە سەلبەستىكتى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
