بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

شي جينپيڭ تۇركيا پرەزيدەنتى ەردوعانمەن كەڭەس وتكىزدى

2017.05.15 14:51     كەلۋ قاينارى : حالىق تورابى


  حالىق گازەتى، 13 – مامىر، بەيجيڭ (ياڭ يە). مەملەكەت ءتوراعاسى شي جينپيڭ 13 – مامىردا حالىق قۇرىلتايى سارايىندا «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋعا كەلگەن تۇركيا پرەزيدەنتى ەردوعانمەن كەڭەس وتكىزدى.

  شي جينپيڭ مىنالاردى اتاپ كورسەتتى: جۋىرداعى جىلداردان بەرى جۇڭگو مەن تۇركيانىڭ ءتۇرلى سالالارداعى قارىم – قاتىناسى جەدەل دامۋدا. جۇڭگو مەن تۇركيانىڭ ستراتەگيالىق سەلبەستىك قارىم – قاتىناسىن دامىتۋ ەكى ەل مەن ەكى ەل حالقىنىڭ ءتۇبىرلى مۇددەسىنە ۇيلەسەدى. ەكى جاقتىڭ قارىم – قاتىناسىندا اناعۇرلىم زور دامۋعا قول جەتكىز ۋءۇشىن، جۇڭگو مەن تۇركيا ەكى جاق ءبىر – ءبىرىنىڭ وزەكتى دارىپتەمەسىنە قۇرمەتپەن قاراۋى جانە قارايلاسۋى، حاۋىپسىزدىك پەن لاڭكەستىككە قارسى تۇرۋ جاقتارىنداعى سەلبەستىكتى تەرەڭدەتۋى كەرەك. تەپە – تەڭ، ءوزارا تيىمدىلىك جاساۋ، تەڭ يگىلىكتەنۋ پرينسيپىندە تاباندى بولىپ، ستراتەگيالىق جاقتاعى توعىسۋدى كۇشەيتىپ، «عالامتورداعى جىبەك جولى» ەكونوميكالىق سەلبەستىگىن ۇزدىكسىز ىلگەرىلەتىپ، ەكى جاقتىڭ ساياساتتىق جاقتاعى قارىم – قاتىناسىن، قۇرىلعىلاردى بىرگە كوركەيتۋىن، وندىرىستىك سەلبەستىگىن ىلگەرىلەتىپ، ەكى ەل ساۋداسىنىڭ تەڭگەرىمدى دامۋىن جەدەلدەتۋ كەرەك.

  جۇڭگو جاق تۇركيا جاقتىڭ «ءبىر بەلدەۋ، ءبىر جول» قۇرىلسىن قولداعانىنا جانە بەلسەندى تۇردە قاتىناسقانىنا جوعارى باعا بەرەدى، «ءبىر بەلدەۋ، ءبىر جول» قۇرىلىسى اياسىندا تۇركيا جاقپەن اراداعى ءىرى سەلبەستىك نىساندارىن ورنىقتى ىلگەرىلەتۋدى قالايدى. جۇڭگو جاق تۇركيا جاقتىڭ 2018 – جىلى جۇڭگودا تۇركيانىڭ ساياحات جىلىن وتكىزۋىن قارسى الادى، تۇركيا جاقپەن ءوزارا مادەنيەت ورتالىعىن قۇرۋ كەلىسىمشارتىن جاساۋ ورايىندا، ەكى جاقتىڭ گۋمانيتارلىق اۋىس – كۇيىستى ىلگەرىلەتىپ، ەكى جاقتىلى قارىم - قاتىناستىڭ حالىقتىق نەگىزىن نىعايتۋدى قالايدى.

  شي جينپيڭ مىنانى اتاپ كورسەتتى: بەيبىت، ورنىقتى، دامىعان ورتا شىعىس حالىقارالىق قوعامنىڭ ورتاق مۇددەسىنە ۇيلەسەدى. جۇڭگو جاق قاتىستى جاقتارمەن كەڭەسۋدى كۇشەيتىپ، ورتا شىعىستىڭ بەيبىتشىلىگى مەن ورنىقتىلىعىن ەرتەرەك ىسكە اسىرۋىن ىلگەرىلەتۋدى قالايدى.

  ەردوعان بىلاي دەدى: ءتوراعا شي جينپيڭنىڭ تۇركيا مەن جۇڭگو قارىم – قاتىناسىنا بەرگەن باعاسىن قۇپتايمىن، تۇركيا جاق ەكى ەل باسشىلارىنىڭ ورتاق ۇستانىمدارىن تياناقتاندىرىپ، ەكى جاقتىلى ناقتى سەلبەستىكتى ىلگەرىلەتۋگە بەلسەندى پوزيتسيا ۇستانادى. جۇڭگو جاقتىڭ «ءبىر بەلدەۋ، ءبىر جول» حالىقارالىق سەلبەستىك فورۋمىن وتكىزۋى وتە ماڭىزدى ءىس. تۇركيا جاق جۇڭگو جاقپەن بىرگە «ءبىر بەلدەۋ، ءبىر جول» قۇرىلىسى اياسىندا قارجىلاندىرۋ، قاتىناس – تاسىمال تورابى، نەگىزدىك قۇرىلعىلارى قۇرىلىسى قاتارلى جاقتاردا سەلبەستىكتى كۇشەيتۋدى قالايدى، جۇڭگو كاسىپورىندارىنىڭ تۇركياعا قارجى قوسۋىن قارسى الادى. تۇركيا جاق ورتا شىعىس جاعدايى تۋرالى جۇڭگو جاقپەن كەڭەسىپ وتىرۋدى قالايدى.

  كەڭەستەن كەيىن، ەكى ەل باسشىسى ءادىليا، قاتىناس، مادەنيەت قاتارلى سالالارداعى سەلبەستىك قۇجاتتارىنا قول قويۋعا كۋا بولدى.

  كەڭەس الدىندا، شي جينپيڭ حالىق قۇرىلتايى سارايىنىڭ سولتۇستىك زالىندا ەردوعاندى قارسى الۋ سالتىن وتكىزدى.

  ۋاڭ حۋنيڭ، لي جانشۋ، ياڭ جيەچى قاتارلىلار جوعارىداعى قيمىلدارعا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار