بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>حالىقارالىق حابارلار

برازيليا اۋىل شارۋاشىلىق مينيسترى: جۇڭگو مەن برازيليا ەكونوميكاسىنىڭ ءوزارا تولىقتاۋ كومەسكى كۇشى مىعىم، كوپتەگەن سالالاردا سەلبەستىكتى كۇشەيتۋگە بولادى

2017.09.06 13:22   كەلۋ قاينارى : حالىق تورابى



  حالىق تورابى، 3 – قىركۇيەك، شيامىن (لۋ ياڭ) برازيليا اۋىل شارۋاشىلىق مينيسترى ماگگي 2 – قىركۇيەكتە شيامىندە ءتىلشىمىزدىڭ سۇحباتىن قابىلداعاندا، جۇڭگو مەن برازيليا ەكونوميكاسىنىڭ ءوزارا تولىقتاۋ كومەسكى كۇشى مىعىم ەكەنىن، اۋىل شارۋاشىلىعىن قامتىعان كوپتەگەن سالالاردا سەلبەستىكتى كۇشەيتۋگە بولاتىنىن ايتتى.

  ماگگي برازيليا پرەزيدەنتى تەمەرمەن بىرگە تەبىندى ەلدەر باسشىلارىنىڭ 9 – كەزدەسۋىنە قاتىناسۋعا كەلگەندە حالىق تورابىنىڭ تىلشىلىگىن قابىلداپ، جوعارىداعى پىكىرىن بىلدىرگەن بولاتىن.

  برازيليا پرەزيدەنتى تەمەر 2 – قىركۇيەك تۇستەن كەيىن تەبىندى ەلدەردىڭ ونەركاسىپ – ساۋدا فورۋمىندا ءسوز سويلەپ، برازيليا ەكونوميكاسىنىڭ بيىل ءبىرىنشى ماۋسىمدا قالپىنا كەلگەنىن جانە ارتقانىن، ەكونوميكانىڭ جاندانۋى تەبىندى بولا باستاعانىن، برازيليا ۇكىمەتى تاماشا قارجىلاندىرۋ ورتاسىن جاراتۋ ءۇشىن ءبىرقىدىرۋ ساياساتتاردى ىقشامداپ، قارجىگەرلەردىڭ اناعۇرلىم الاڭسىز بولۋىنا جاعداي جاراتقانىن ايتقان. ول تەبىندى ەلدەر اراسىنداعى ءوزارا سەلبەستىك پەن اۋىس – كۇيىستى كۇشەيتۋ كەرەك ەكەنىن بىلدىرگەن.

  ماگگي وسى تۋرالى بىلاي دەدى: برازيليا مەن جۇڭگو ەكى ەل اراسىنداعى ءوزارا تولىقتاۋ كومەسكى كۇشى مىعىم، ەكى ەل اراسىندا ەشقانداي الاۋىزدىق جوق، ەكى ەلدىڭ ءتۇرلى جاقتاردا سەلبەستىكتى كۇشەيتۋىنە بولادى، اۋىل شارۋاشىلىعى جونىنەن ايتقاندا، برازيليا مەن جۇڭگو استىق حاۋىپسىزدىگى سىندى ماسەلەلەردە سەلبەستىك ورىستەتە الادى.

  سونىمەن قاتار، ماگگي مىنانى اتاپ ءوتتى: برازيليا ۇكىمەتى جارناسىن مەملەكەت مەڭگەرەتىن 57 تاراۋدى جەكەشەلەندىرۋدى جاريالاعان، بۇل جۇڭگو كاسىپورىندارى ءۇشىن قارجىلاندىرۋ جاعىنداعى اسا زور وراي بولماقشى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت