ا ق ش – تىڭ ۋاشينگتون شتاتىندا ورتا مەكتەپتە تۋىلعان وق شىعارۋ وقيعاسىندا ءبىر ادام قازا بولىپ، 3 ادام جارالاندى
2017.09.14 16:11 كەلۋ قاينارى : حالىق تورابى
شينحۋا اگەنتتىگى، 13 – قىركۇيەك، سان – فرانسيسكو. ا ق ش اقپارات قۇرالدارىنىڭ حابارلاۋىنشا، ا ق ش – تىڭ باتىس سولتۇستىگىندەگى ۋاشنگتون شتاتىنداعى تولىق ورتا مەكتەپتە 13 – قىركۇيەك تۇستەن بۇرىن وق شىعارۋ وقيعاسى تۋىلىپ، ءبىر ادام قازا بولىپ، 3 ادام جارالانعان، ءبىرقىلمىس كۇماندىسى قولعا تۇسكەن.
وق شىعارۋ وقيعاسى جەرگىلىكتى ۋاقىت بويىنشا تۇستەن بۇرىن ساعات 10نان كەيىن تۋىلعان، وقيعا تۋىلعان فريمان ورتا مەكتەبى ۋاشينگتون شتاتى سپوكان اۋدانى روكفورد قالاشىعىنا ورنالاسقان. سپوكان اۋداندىق قوعام اماندىعىنا جاۋاپتى كەڭسەنىڭ تۆيتتەردەگى پاراقشاسىنداعى مالىمەتكە قاراعاندا، وقيعاعا قاتىستى ءبىر ادام ۇستالعان.
ساقشى جاق قىلمىس كۇماندىسىنىڭ سالاۋاتىن ءالى جاريالاماعان. ۋاشينگتون شتاتىنداعى اقپارات قۇرالدارىنىڭ حابارلاۋىنشا، قىلمىس كۇماندىسى فريمان ورتا مەكتەبىنىڭ ۇل وقۋشىسى ەكەن.
جەرگىلىكتى ۇكىمەت تەك جارالانعان 3 ادامنىڭ ەمحاناعا جەتكىزىلگەنىن، ولارداعى تىرشىلىك بەلگىلەرىنىڭ تۇراقتى ەكەنىن عانا حابارلاپ، قازا بولعان ادام مەن جارالانعانداردىڭ اتى – ءجونىن، جاسى مەن سالاۋاتىن جاريالاماعان.
روكفورد قالاشىعى ۋاشينگتون شتاتىنىڭ شىعىس قويناۋىنا ورنالاسقان، ۋاشينگتون شتاتىنداعى ەڭ ۇلكەن قالا ــ سەياتلدەن 450 كيلومەتر قاشىقتىقتا، قازىر شامامەن 500 تۇرعىنى بار. فريمان ورتا مەكتەبىندە 300دەن استام وقۋشى بار، وقۋشىلار جەرگىلىكتى ورىن مەن ماڭىنداعى قالاشىقتاردان كەلەدى، وقىتۋشى - قىزمەتكەرلەرى 20 ادام. سپوكان اۋداندىق قوعام اماندىعى كەڭسەسى وق شىعارۋ وقيعاسى تۋىلعاننان كەيىن مەكتەپكە بالالارىن الۋعا كەلگەن اتا – انالاردان سالاۋات كۋالىكتەرىن شىعارۋدى تالاپ ەتكەن.
ۋاشينگتون شتاتىنىڭ باستىعى جەي ينسلي تۆيتتەردەگى پاراقشاسىندا «بۇل وقيعا ادامدى اشىندىرادى»، - دەپ جازعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
