ءارقايسى جاقتار سيريا ماسەلەسىن ساياسي جولمەن شەشۋدى قولدادى
استانا كەلىسسوزى بەيبىتشىلىك شۇعىلاسىن سيلادى
2017.11.02 14:37 كەلۋ قاينارى : حالىق تورابى
سيريا ماسەلەسى جونىندە ەكى كۇن وتكىزىلگەن 7 – كەزەكتى استانا كەلىسسوزى 31 – قازان كۇنى قازاقستاننىڭ ەلورداسى استانا قالاسىندا اياقتادى. بەيبىتشىلىك كەلىسسوزىنىڭ جالپى ماجىلىسىندە قازاقستاننىڭ سىرتقى ىستەر مينيسترى ابدىراحمانوۆ سيريادا سوعىستى توقتاتۋ مەحانيزمىنە كەپىلدىك بەرۋشى ەلدەر بولىپ سانالاتىن رەسەي، تۇركيا، يران ەلدەرىنىڭ بىرلەسكەن مالىمدەمەسىن جاريالاپ، ءارقايسى جاقتاردىڭ سيريادا «قاقتىعىستى باسەڭدەتۋ رايونىن» قۇرۋ تۋرالى 4 – مامىردا قول قويعان جادىنامانى تياناقتاندىرۋ احۋالىنا ريزالىق ءبىلدىردى.
بىرلەسكەن مالىمدەمەدە «قاقتىعىستى باسەڭدەتۋ رايونى» قۇرىلعاننان بەرى، سيرياداعى لاڭكەستىككە قارسى ارەكەتتىڭ ناتيجەلى بولعانى ، وتە – موتە، «ءىسلام مەملەكەتى» ۇشقارى ۇيىمىنا، قولداۋ كورسەتۋ مايدانى ۇيىمىنا، سونداي – اق، ءال – حايدا جانە «ءىسلام مەملەكەتى» ۇيىمدارىمەن بايلانىسى بار باسقا دا لاڭكەستىك ۇيىمدارعا سوققى بەرۋ جاعىندا ناقتى ىلگەرىلەۋشىلىك بولعانى ايتىلعان. كەپىلدىك بەرۋشى ەلدەر سيرياداعى لاڭكەستىككە قارسى ارەكەت ۇزدىكسىز جۇرگىزىلەتىنىن ءبىلدىردى.
سيريا حالقىمەن تىلدەسۋ جيىنىن اشۋ ــ وسى رەتكى كەلىسسوزدىڭ ماڭىزدى ناتيجەلەرىنىڭ ءبىرى ەسەپتەلەدى. بۇل ۇسىنىستى رەسەي جاق ورتاعا قويىپ، كەپىلدىك بەرۋشى ەلدەر قولداۋ كورسەتكەن، كەلىسسوزگە قاتىناسقان جاقتار ەڭ سوڭىندا رەسەيدىڭ وڭتۇستىگىندەگى سوچي قالاسىندا سيريا حالقىمەن تىلدەسۋ جيىنىن وتكىزۋدى ماقۇلدادى. سيريانىڭ بىرىككەن مەملەكەتتەر ۇيىمىندا تۇراتىن تۇراقتى ۋاكىلى جافار اقپارات قۇرالدارىنا بۇل ناتيجەنىڭ قايتا – قايتا كەڭەسۋ، سايكەسۋ ناتيجەسىندە قولعا كەلگەنىن ايتتى. حالىقپەن تىلدەسۋ جيىنىن اشۋدىڭ ورايى پىسىپ – جەتىلدى دەپ قارايتىنىن ءبىلدىردى.
رەسەي ۋاكىلدەر ۇيىرمەسىنىڭ باستىعى، رەسەي پرەزيدەنتىنىڭ سيريا ماسەلەسى جونىندەگى ەرەكشە ەلشىسى لاۆرەنتيەۆ اقپارات قۇرالدارىنا بەرگەن سۇحباتىندا: وسى رەتكى حالىقپەن تىلدەسۋدىڭ سيرياداعى ءارقايسى جىك، ءار ۇلت، ءار تايپا، ءارقايسى ۇيىم جانە سيريانىڭ ءىشى – سىرتىنداعى قارسى توپ ۋاكىلدەرىنىڭ باسىن قوسىپ، نەگىزگى زاڭعا وزگەرىس ەنگىزۋ جانە بىرىككەن مەملەكەتتەر ۇيىمىنىڭ باقىلاۋىندا پارلامەنت پەن پرەزيدەنتتى سايلاپ شىعۋ سىندى ماسەلەلەر جونىندە كەڭەس وتكىزۋگە جول اشۋىن ءۇمىت ەتەمىز، سيريادا ۇلتتىق ءبىرتۇتاس ۇكىمەت قۇرۋدىڭ مۇمكىنشىلىگىن جوققا شىعارمايمىز، ــ دەدى. رەسەي اقپارات قۇرالدارىنىڭ حابارلاۋىنشا، سول كەزدە حالىقپەن تىلدەسۋ جيىنىنا مولشەرمەن 1000 ~ 1300 ادام قاتىناسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
