يراننىڭ كوپ جەرىندە ەرەۋىلدىڭ سوڭى قاقتىعىسقا اينالىپ، 20 نەشە ادام قازا تاپتى
2018.01.03 13:18 كەلۋ قاينارى : حالىق تورابى
يراننىڭ كوپ جەرىندە ەرەۋىلدىڭ سوڭى قاقتىعىسقا اينالدى. يران مەملەكەتتىك تەلەۆيزياسىنىڭ 2 – قاڭتاردا حابارلاۋىنشا، يسفاحان ولكەسىندە ءبىر كۇن بۇرىن كەشتە ەرەۋىل بارىسىنداعى قاقتىعىستا 9 ادام قازا بولعان، مۇنىڭ ىشىندە ءىسلام توڭكەرىستىك قورعاۋشىلارىنان ءبىر ادام بار.
ەرەۋىل 28 – جەلتوقسان كۇنى يراننىڭ ەكىنشى ءىرى قالاسى ماشحادتا باستالعان، سوڭىنان يراننىڭ استاناسى تەھىراندى قامتىعان كوپ قالادا ەرەۋىل تۋىلعان. ەرەۋىلشىلەر باستابىندا ەكونوميكالىق قيىنشىلىق پەن ءىرىپ – شىرۋگە نارازىلىق بىلدىرسە، سوڭىنان نايزاسىن ۇكىمەتكە كەزەپ، يران ۇكىمەتىنىڭ ورتا شىعىس جونىندەگى ساياساتىنا نارازىلىق بىلدىرگەن.
يران مەملەكەتتىك تەلەۆيزياسىنىڭ 2 – قاڭتاردا حابارلاۋىنشا، يسفاحان ولكەسىندە ساقشى مەكەمەلەرىنىڭ بىرەۋىنە كىرىپ قارۋ – جاراق ۇرلاماق بولعان 6 ەرەۋىلشى حاۋىپسىزدىك قىزمەتكەرلەرىمەن قاقتىعىستا قازا بولعان.
مۇنان سىرت، ءىسلام توڭكەرىستىك قورعاۋشىلارىنان ءبىر ادام ناجفابادتا وققا ۇشقان، وق شىعارۋشى ونى اڭ مىلتىعىمەن اتقان. 11 جاستاعى ۇل بالا مەن 20 جاستاعى جىگىت تە اڭ مىلتىعىنان قازا تاپقان. يسفاحاندا 100گە جۋىق ادام ۇستالعان.
يران مەملەكەتتىك تەلەۆيزياسىنىڭ مۇنان ءسال ەرتەرەكتە: «ساقشى مەكەمەسى مەن اسكەري بازالاردى باسىپ الماق بولعان قارۋلى ەرەۋىلشىلەر حاۋىپسىزدىك تاراۋلارىنىڭ قاتتى قارسىلىعىنا ۇشىرادى» دەپ حابارلاعان.
تەلەۆيزيانىڭ 1 – قاڭتارداعى بەينەجازباسىنا قاراعاندا، ءبىر جەكەلىك بانكە ۇپتەلگەن، اينەك سىنىقتارى جەردە شاشىلىپ جاتىر؛ كوشەدە ءبىرتالاي اۆتوكولىك اۋدارىلىپ، تاعى ءبىر ءورت ءوشىرۋ اۆتوكولىگى جانىپ جاتىر. مۇنان سىرت، حابارعا قاراعاندا 31 – جەلتوقسان كۇنى كەشتە 10 ادام قاقتىعىستا قازا بولعان.
وسىنىڭ الدىندا تاعى ەكى ەرەۋىلشى 30 – جەلتوقسان كۇنى قاقتىعىس بارىسىندا قازا بولعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
