بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

پيۇڭچاڭ قىسقى وليمپياداسىندا وڭتۇستىك كورەيا مەن سولتۇستىك كورەيا «كورەي تۇبەگى تۋىن» ۇستاپ الاڭعا كىرەدى

2018.01.18 14:03     كەلۋ قاينارى : حالىق تورابى

  بۇرىنعى تاقىرىبى: سولتۇستىك كورەيا مەن وڭتۇستىك كورەيا سولتۇستىك كورەيانىڭ پيۇڭچاڭ قىسقى وليمپياداسىنا قاتىناسۋى جونىندەگى قاتىستى ىستەردە ورتاق تانىمعا كەلدى


  شينحۋا اگەنتتىگى، 17 – قاڭتار، سەۋل (لۋ ريۇي، گىڭ شۋەپىڭ) سولتۇستىك كورەيا مەن وڭتۇستىك كورەيا ۋاكىلدەرى 17 – قاڭتاردا پەنمۇنجومنىڭ وڭتۇستىك كورەيا جاعىنداعى «بەيبىتشىلىك ۇيىندە» سولتۇستىك كورەيا ۋاكىلدەر ۇيىرمەسىنىڭ پيۇڭچاڭ قىسقى وليمپياداسىنا قاتىناسۋى جونىندەگى ىستەرگە مينيستردىڭ ورىنباسارى دەڭگەيىندە ناقتى كەڭەس وتكىزىپ، كوپتەگەن ىستەردە ورتاق تانىمعا كەلدى.


  ەكى جاقتىڭ سول كۇنى بىرگە جاريالاعان حۇجاتىنا قاراعاندا، سولتۇستىك كورەيا مەن وڭتۇستىك كورەيا پيۇڭچاڭ قىسقى وليمپياداسىنىڭ اشىلۋ سالتىندا «كورەي تۇبەگى تۋىن» كوتەرىپ الاڭعا بىرگە كىرەدى. سولتۇستىك كورەيا مەن وڭتۇستىك كورەيا ايەلدەر مۇز دوپ جارىسىندا كوماندانى بىرگە جاساقتايدى.


  سولتۇستىك كورەيا 230 ادامنان قۇرالعان مەدەتشىلەر ۇيىرمەسىن وڭتۇستىك كورەياعا جىبەرىپ، پيۇڭچاڭ وليمپياداسى مەزگىلىندە سولتۇستىك كورەيا مەن وڭتۇستىك كورەيا سپورتشىلارىنا جانكۇيەر بولادى. سولتۇستىك كورەيانىڭ مەدەتشىلەر ۇيىرمەسى مەن وڭتۇستىك كورەيانىڭ مەدەتشىلەر ۇيىرمەسى سپورتشىلارعا بىرگە جانكۇيەر بولادى. سولتۇستىك كورەيا مەن وڭتۇستىك كورەيا جاپونياداعى كورەيلەر بىرلەسپە مەدەتشىلەر ۇيىرمەسىنىڭ قيمىلدارىنا بىرگە قولداۋ كورسەتەدى.


  سولتۇستىك كورەيا تاعى 30 ادامدىق تايكوندو ۇيىرمەسىن جىبەرىپ، وڭتۇستىك كورەيانىڭ پيۇڭچاڭ جانە سەۋل قالالارىندا تايكوندودان ونەر كورسەتەدى، ناقتى ويىن كورسەتۋ ۋاقىتىن ەكى جاق جالعاستى كەڭەسپەكشى.


  سولتۇستىك كورەيا تىلشىلەر ۇيىرمەسىن جىبەرىپ، قىسقى وليمپياداعا قاتىناسقان سولتۇستىك كورەيانىڭ ۋاكىلدەر ۇيىرمەسىنىڭ، مەدەتشىلەر ۇيىرمەسىنىڭ، تايكوندودان ونەر كورسەتۋ ۇيىرمەسىنىڭ قيمىلدارىن حابارلاپ وتىرادى. وڭتۇستىك كورەيا تىلشىلەر ۇيىرمەسىنىڭ قيمىلدارىنا قولداۋ كورسەتەدى. قىسقى وليمپياداعا قاتىستى تىلشىلىك ىستەۋ مەن وعان قولداۋ كورسەتۋ كولەمىن حالىقارالىق وليمپيادا كوميتەتى ەكى جاقتىڭ مەملەكەتتىك وليمپيادا كوميتتەتتەرىمەن بىرگە كەڭەسىپ شەشەدى.


  سولتۇستىك كورەيا ۇلتتىق وليمپيك كوميتەتىنىڭ ۋاكىلدەر ۇيىرمەسىن، سپورتشىلار ۇيىرمەسىن، مەدەتشىلەر ۇيىرمەسىن، تايكوندودان ونەر كورسەتۋ ۇيىرمەسىن، تىلشىلەر ۇيىرمەسىن كۇڭ – ۇي جەلىسى ارقىلى قۇرلىقپەن وڭتۇستىك كورەياعا جىبەرەدى. سولتۇستىك كورەيا سپورتشىلار ۇيىرمەسى 1 – اقپاندا وڭتۇستىك كورەياعا ساپارلاي بارادى، ۇلتتىق وليمپيك كوميتەتىنىڭ ۋاكىلدەر ۇيىرمەسى، مەدەتشىلەر ۇيىرمەسى، تايكوندودان ونەر كورسەتۋ ۇيىرمەسى، تىلشىلەر ۇيىرمەسى 7 – اقپاندا وڭتۇستىك كورەياعا بارادى. قايتاتىن ۋاقىتىن ەكى جاق كەڭەسۋ ارقىلى بەلگىلەيدى.


  سولتۇستىك كورەيا جىبەرگەن سپورتشىلار ۇيىرمەسىنىڭ كولەمى مەن جارىسقا قاتىناسۋ تۇرلەرىن حالىقارالىق وليمپيادا كوميتەتى مەن ەكى جاقتىڭ مەملەكەتتىك وليمپيادا كوميتەتتەرى كەڭەسۋ ارقىلى بەلگىلەيدى. سولتۇستىك كورەيا 25 – قاڭتاردان 27 – قاڭتارعا دەيىن شولۋشىلار ۇيىرمەسىن جىبەرىپ، الدىن – الا ناقتى تەكسەرۋ جۇرگىزەدى.


  ەكى جاق پيۇڭچاڭ قىسقى وليمپياداسى باستالاردان بۇرىن سولتۇستىك كورەيانىڭ كوڭگو – زان وڭىرىندە سولتۇستىك كورەيا مەن وڭتۇستىك كورەيانىڭ بىرلەسكەن مادەني قيمىلدارىن وتكىزۋدى ماقۇلدادى، مۇنان سىرت، سولتۇستىك كورەياداعى ماسيڭيوڭ شاڭعى الاڭىندا سولتۇستىك كورەيا مەن وڭتۇستىك كورەيا سپورتشىلارىن بىرگە جاتتىقتىرۋدى بەلگىلەدى. وسىعان بايلانىستى، وڭتۇستىك كورەيا 23 – قاڭتاردان 25 – قاڭتارعا دەيىن شولۋشىلار ۇيىرمەسىن جىبەرىپ، ناقتى تەكسەرۋ جۇرگىزەدى. قاتىستى ناقتى ماسەلەلەردى ەكى جاق پەنمۇنجومداعى حابارلاسۋ جولى ارقىلى جازباشا تۇردە كەڭەسەدى.


  پيۇڭچاڭ قىسقى مۇگەدەكتەر وليمپياداسىنا قاتىستى، سولتۇستىك كورەيادان مۇگەدەكتەر وليمپيادا كوميتەتى ۋاكىلدەر ۇيىرمەسى، سپورتشىلار ۇيىرمەسى، مەدەتشىلەر ۇيىرمەسى، كوركەمونەرشىلەر ۇيىرمەسى، تىلشىلەر ۇيىرمەسى بولىپ. 150دەن استام ادام وڭتۇستىك كورەياعا ساپارلاي بارادى، قاتىستى ىستەردى ەكى جاق ۇزدىكسىز كەڭەسەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار