ۋين مينت بيرمانىڭ پرەزيدەنتى بولىپ سايلاندى

2018.03.29 14:13   كەلۋ قاينارى : حالىق تورابى

　　شينحۋا اگەنتتىگى، 28 – ناۋرىز، نايپيتاۋ (جۋاڭ بەينيڭ) بيرما فەدەراتسيالىق پارلامەنتى 28 – ناۋرىزدا پرەزيدەنت سايلاۋىن وتكىزىپ، مەملەكەتتىك دەموكراتيالىق وداقتىڭ بەدەلدى قايراتكەرى ۋين مينت باسىم داۋىسپەن جاڭا كەزەكتى پرەزيدەنت بولىپ سايلاندى.


　　فەدەراتسيالىق پارلامەنتتىڭ بارلىق مۇشەلەرى سول كۇنى تۇستەن بۇرىن جيىن اشىپ، 23 – ناۋرىز كۇنى پرەزيدەنتتىڭ ورىنباسارى بولىپ تاعايىندالعان ۋين مينت، پرەزيدەنتتىڭ قازىرگى ءبىرىنشى ورىنباسارى مينت سۋە جانە پرەزيدەنتتىڭ ەكىنشى ورىنباسارى حەنري ۆان تي ۇشەۋىنىڭ ءبىرىن پرەزيدەنتتىككە سايلاۋعا داۋىس بەردى.


　　داۋىس بەرۋ ناتيجەسى بويىنشا، حالىق پالاتاسىنىڭ (تومەنگى پالاتا) مۇشەلەر توبى كورسەتكەن ۋين مينت 403 داۋىسقا يە بولىپ، ەڭ كوپ داۋىس جينادى. اسكەري جاقتىڭ پارلامەنت مۇشەلەرى كورسەتكەن مينت سۋە 211 داۋىس جيناپ، ەكىنشى ورىنعا شىقتى، ۇلتتىق پالاتا (جوعارعى پالاتا) كورسەتكەن حەنري ۆان تي 18 داۋىسپەن ءۇشىنشى ورىنعا تابان تىرەدى، قالعان 4 داۋىس ەسەپكە الىنبادى. فەدەراتسيالىق پارلامەنت باستىعى مان ۋين كاي تان ناتيجەنى جاريالاپ، ۋين مينتتىڭ بيرما فەدەراتسياسىنىڭ پرەزيدەنتى بولىپ سايلانعانىن، ۋينت سۋەنىڭ پرەزيدەنتتىڭ ءبىرىنشى ورىنباسارى، حەنري ۆان تيدىڭ پرەزيدەنتتىڭ ەكىنشى ورىنباسارى بولىپ سايلانعانىن جاريالادى.


　　كەلۋ قاينارى: حالىق تورابى