بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

چاۋشيان پۋڭگەري يادرولىق سىناق الاڭىن كەرەكتەن شىعاردى

2018.05.25 16:08     كەلۋ قاينارى : حالىق تورابى

  شينحۋا اگەنتتىگى، 24 – مامىر، چاۋشيان پۋڭگەري (لي جىڭيۇي، چىڭ دايۇي، ليۋ يانشيا) چاۋشيان 24 – مامىر كۇنى حامگيۋڭبۋك ولكەسى كيلچۋ ايماعى پۋڭگەري يادرولىق سىناق الاڭىنداعى بىرنەشە جەر استى جولى مەن قاتىستى قۇرىلعىلاردى پارتىلاتتى ءارى اتالعان يادرولىق قارۋ الاڭىن كەرەكتەن شىعارعانىن جاريالادى.


  سول كۇنى تۇستەن كەيىن، چاۋشيان يادرولىق قارۋدى زەرتتەۋ مەكەمەسى باستىعىنىڭ ورىنباسارى يادرولىق قارۋ الاڭىندا چاۋشيان، جۇڭگو، رەسەي، ا ق ش، انگليا جانە كورەيا اقپارات قۇرالدارىنا ءسوز سويلەپ، چاۋشيان ەڭبەكشىلەر پارتياسى 7 – كەزەكتى ورتالىق كوميتەتى 3 – جالپى ءماجىلىسىنىڭ قاۋلىسى بويىنشا، يادرولىق قارۋدى زەرتتەۋ مەكەمەسىنىڭ بارلىق يادرولىق قارۋ سىناقتارىن توقتاتقانىن ءارى پۋڭگەري يادرولىق سىناق الاڭىن كەرەكتەن شىعارعانىن ايتتى. ول بىلاي دەدى: يادرولىق سىناق الاڭىندا 4 جەر استى جولى بار، ءبىرىنشى ءنومىرلى جول 2006 – جىلى ءبىرىنشى رەت يادرولىق سىناق جۇگىزىلگەننەن كەيىن پارتىلاتىلعان ءارى كەرەكتەن شىعارىلعان. 2009 – جىلدان 2017 – جىلعا دەيىن جۇرگىزىلگەن ەكىنشى رەتتەن التىنشى رەتكە دەيىنگى يادرولىق سىناقتا پايدالانىلعان ەكىنشى ءنومىرلى جەر استى جولى مەن قۇرىلىس جۇمىسى اياقتاپ، كەز كەلگەن ۋاقىتتا پايدالانۋعا دايىن تۇرعان يادرولىق سىناق ءۇشىنشى ءنومىرلى جەر استى جولى ىشكى جاعى مەن كىرەر اۋزىنداعى كوپ جەردەن پارتىلاتىلىپ ءبۇلدىرىلدى ءارى پارتىلاتۋ الدىندا اقپارات قۇرالدارىنىڭ تىلشىلەرى جەر استى جولىنىڭ اۋزىندا ناق مايداندا تىلشىلىك ىستەۋگە ۇسىنىس ەتىلدى.


  جەرگىلىكتى ۋاقىت بويىنشا ساعات 11دە (بەيجيڭ ۋاقىتى ساعات 10)، بىرنەشە رەتكى گۇرسىلدەگەن قوپارىلىس ءۇنى ىشىندە، چاۋشيان جاق ىلگەرىندى – كەيىندى ەكىنشى، ءتورتىنشى، ءۇشىنشى ءنومىرلى جەر استى جولدارىن پارتىلاتتى ءارى سىناق الاڭىنداعى باقىلاۋ، زەرتتەۋ، ساقتىق سىندى ماقساتتارعا ساي پايدالاناتىن جەر بەتىندەگى ون نەشە قۇرىلىستى توپقا ءبولىپ پارتىلاتتى.


  پارتىلاتۋ ارەكەتى اياقتاعاننان كەيىن، يادرولىق قارۋدى زەرتتەۋ مەكەمەسى باستىعىنىڭ ورىنباسارى پارتىلاتىلعان جەر استى جولىنىڭ كىرەر اۋزىندا مالىمدەمە جاريالاپ، سول كۇنگى بارلىق پارتىلاتۋ مىندەتتەرىنىڭ ءساتتى بولعانىن، ەشقانداي رادياتسيالىق زاتتاردىڭ تارالماعانى تۇراقتاندىرىلعانىن، ماڭايداعى ەكولوگيالىق ورتاعا ەشقانداي كەرى اسەر ەتپەگەنىن جاريالادى.


  مالىمدەمەدە مىنالار باسا دارىپتەلگەن: يادرولىق سىناق الاڭىن جاريا تۇردە كەرەكتەن شىعارۋ چاۋشيان ۇكىمەتىنىڭ تۇبەك پەن دۇنيە ءجۇزىنىڭ بەيبىتشىلىگى ءۇشىن ىرىقتىلىقپەن جاساعان قۇلشىنىسى. چاۋشياننىڭ يادرولىق سىناقتى توقتاتۋى دۇنيە ءجۇزىنىڭ يادرولىق قارۋسىزداندىرۋ ءۇردىسىن ىلگەرىلەتۋ ءۇشىن بولىپ وتىر، چاۋشيان الدا دۇنيە ءجۇزىنىڭ يادرولىق قارۋسىزدانۋىن ىسكە اسىرۋ ءۇشىن دۇنيە جۇزىندەگى بەيبىتشىلىكتى سۇيەتىن حالىقپەن بىرگە ۇزدىكسىز قۇلشىنادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار