جۇڭگولىق ساياحاتشىلار وتىرعان ساياحات اۆتوبۋزى تۇركيادا قاتىناس شىرعالاڭىنا ۇشىرادى

2018.07.30 15:20   كەلۋ قاينارى : حالىق تورابى

　　حالىق تورابى، 30 – شىلدە، بەيجيڭ. جۇڭگونىڭ تۇركيادا تۇراتىن ەلشىحاناسى مەن يزميردە تۇراتىن باس كونسۋلحاناسىنىڭ حابارىنا قاراعاندا، جەرگىلىكتى ۋاقىت 29 – شىلدە كۇنى ساعات 10 مولشەرىندە، جۇڭگولىق ساياحاتشىلار وتىرعان ءبىر ساياحات اۆتوبۋزى تۇركيانىڭ وڭتۇستىگىندەگى انتاليا ولكەسىندە قاتىناس شىرعالاڭىنا ۇشىراپ، اۆتوبوز ىشىندەگى 31 جۇڭگولىقتى قامتىعان 33 ادام تۇرلىشە دارەجەدە جارالانعان.

　　ۇعىسۋعا قاراعاندا، اتالعان ساياحات اۆتوبۋزى انتاليا ولكەسىنىڭ ورتالىعى انتاليا قالاسىنان تۇركيانىڭ ورتا بولەگىندەگى ساياحات كورىنىس رايونى كاپپادوسياعا بارا جاتقان جولدا، اتالعان ولكەنىڭ اكسەكي قالاشىعىندا قارسى باعىتتا كەلە جاتقان كولىككە سوعىلىپ اۋناعان. كولىكتە 33 ادام بولىپ، 31ى جۇڭگولىق ساياحاتشى، قالعان ەكى ادام جەرگىلىكتى كولىك جۇرگىزۋشى مەن ساياحاتتاتۋشى ەكەن. شىرعالاڭ تۋىلعاننان كەيىن جارالانعاندار تۇگەلدەي ەمحاناعا جەتكىزىلگەن، ءبىر ايەل ساياحاتشىنىڭ جاراقاتى اۋىر بولعان. جانە ءبىر كولىكتىڭ ىشىندەگى 2 تۇركيالىق ازامات قايتىس بولعان.

　　كەلۋ قاينارى: حالىق تورابى