جۇڭگو قۇرلىق ارمياسى «حالىقارالىق اسكەري جارىس – 2018» جارىسىنىڭ «سوۆوروۆ تۇتقيىل شابۋىلى» باسەكەسىندە ۇتىلامالى جارىس تۇرىندە توپتىق ءبىرىنشى ورىنعا يە بولدى
2018.08.06 13:35 كەلۋ قاينارى : حالىق تورابى
شينحۋا اگەنتتىگى، 5 – تامىز، ءۇرىمجى (جاڭ شىڭتاۋ، شيا يۇن) جۇڭگو قۇرلىق ارمياسى وتكىزگەن «حالىقارالىق اسكەري جارىس – 2018» جارىسى 7 – جارىس كۇنىنە اياق باستى، جۇرت نازارىن اۋدارعان «سوۆوروۆ تۇتقيىل شابۋىلى» باسەكەسى تابىسپەن اياقتادى. جۇڭگو قۇرلىق ارمياسىنىڭ جارىسقا قاتىناسقان كومانداسى 5 – تامىز كۇنگى ۇتىلامالى جارىستا ءبىر ساعات 18 مينۋت 19 داقىلدىق ناتيجەمەن توپتىق ەسەپ بويىنشا ءبىرىنشى ورىنعا يە بولدى، رەسەي مەن يران كومانداسى جەكە – جەكە ەكىنشى جانە ءۇشىنشى ورىنعا يە بولدى.
«سوۆوروۆ تۇتقيىل شابۋىلى» باسەكەسى دارا جارىس، ۇتىلامالى جارىس سىندى ەكى جارىس كەزەڭى بويىنشا وتكىزىلدى، جۇڭگو، بەلورۋسسيا، يران، قازاقستان، رەسەي، ۋەنەسۆەلا، زيمبابۋە قاتارلى 7 مەملەكەتتەن كوماندا قاتىناستى، قاتىناسقان كوماندالاردىڭ اربىرىندە 28 ادام بار. رەسەي كومانداسى قۇرال – جابدىقتارىن وزدەرى الىپ كەلگەننەن سىرت، باسقا كوماندالاردىڭ ءبارى جۇڭگو جاقتىڭ قۇرال – جابدىقتارىنان پايدالاندى. الدىڭعى مەرزىمدەگى ەكى رەتكى دارا جارىستان سوڭ، جۇڭگو قۇرلىق ارمياسىنىڭ جارىسقا قاتىناسقان 3 جاياۋ اسكەر سوعىس اۆتوموبيلى تاماشا ونەر كورسەتىپ، دارا جارىستا الدىڭعى ءۇش ورىنعا يە بولىپ، رەسەي، يران، قازاقستان ەلدەرىنىڭ كوماندالارىمەن بىرگە ۇتىلامالى جارىس كەزەڭىنە جولداما الدى.
تۇستەن بۇرىن ساعات 11دەن 30 مينۋت وتكەندە، جەرەبە تارتۋ ناتيجەسى بويىنشا رەتكە تۇرعىزىلىپ، جۇڭگو مەن يراننىڭ جارىسقا قاتىناسقان كوماندالارى الدىمەن جولعا شىقتى، رەسەي مەن قازاقستاننىڭ كوماندالارى ىلە – شالا اتتاندى. جۇڭگوعا ۋاكىل رەتىندە قاتىناسقان شينجياڭ اسكەري رايونىنىڭ بەلگىلى ديۆيزياسىنىڭ ساۋىتتى اۆتوموبيل تۋانىندەگى 9 اسكەر ورنىقتى ونەر كورسەتىپ، جارىستى ءساتتى اياقتاتتى. نىسان تورەشىسىنىڭ ايتۋىنشا، ۇتىلامالى جارىستا اۆتوموبيلدى جۇرگىزۋ، وق اتۋ، حابارلاسۋ ءبىر تۇلعالاندىرىلعان، جارىسقا قاتىناسقان ءار كوماندانىڭ 3 گرۋپپاسى ءبىر جاياۋ اسكەر ساۋىتتى اۆتوموبيلىمەن 4.3 كيلومەترلىك جابىق جارىس جولىندا ۇتىلامالى تۇردە 12 اينالىم جارىس وتكىزەدى، 120 ورىنداعى كەدەرگىدەي وتەدى. وسى بارىستا ءارقايسى گرۋپپا 4 تۇردەگى 8 نىسانانى دالدەپ اتۋى كەرەك.
5 – تامىزعا دەيىن، «حالىقارالىق اسكەري جارىس – 2018» كورلا جارىس رايونىندا وتكىزىلگەن 3 تۇردەگى جارىستا جۇڭگو قۇرلىق ارمياسىنىڭ جارىسقا قاتىناسقان قوسىنى ءبىر رەت توپتىق جارىس بويىنشا ءبىرىنشى، 4 رەتكى دارا جارىستا اعا جۇلدەگەر بولعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
