سىرتقى ىستەر مينيسترلىگى انگليا اسكەري كەمەسىنىڭ شيشا توپ ارالىنا قاراستى تەڭىز ايدىنىنا كىرۋى جونىندە ءتىلشىنىڭ سۇراۋىنا جاۋاپ بەردى: انگليا جاقتى ارانداتۋ ارەكەتىن توقتاتۋعا قۋزايمىز
2018.09.07 13:45 كەلۋ قاينارى : حالىق تورابى
شينحۋا اگەنتتىگى، 6 – قىركۇيەك، بەيجيڭ (ءتىلشى: حوۋ شياۋچىن) سىرتقى ىستەر مينيسترلىگىنىڭ مالىمدەمەشىسى حۋا چۇنيڭنىڭ 6 – قىركۇيەكتە ايتۋىنشا، انگليانىڭ اسكەري كەمەسى جۋىردا جۇڭگو ۇكىمەتىنىڭ رۇقساتىنسىز جۇڭگونىڭ شيشا توپ ارالىنا قاراستى تەڭىز ايدىنىنا باسا كوكتەي كىرگەن. جۇڭگو جاق بۇعان باتىل قارسى تۇرىپ، انگليا جاققا رەسمي تۇردە قاتاڭ قارسىلىق بىلدىرگەن جانە قاتاڭ نارازىلىق تانىتقان.
سول كۇنى وتكىزىلگەن كەزەكتى تىلشىلەردى قابىلداۋ جيىنىندا ءتىلشى بىلاي دەپ سۇرادى: انگليا اسكەري كەمەسى نەشە كۇننىڭ الدىندا شيشا توپ ارالىنا قاراستى تەڭىز ايدىنىندا جۇزگەن، جۇڭگو جاق بۇعان قانداي پىكىر بىلدىرەدى؟
حۋا چۇنيڭ بىلاي دەدى: 31 – تامىز كۇنى انگليانىڭ «تەڭىز ءتاڭىرىنىڭ ۇرپاعى» اتتى كەمەسىنىڭ قۇرلىققا شىعۋ كەمەسى جۇڭگو جاقتىڭ رۇقساتىنسىز جۇڭگونىڭ شيشا توپ ارالىنا قاراستى تەڭىز ايدىنىنا باسا كوكتەي كىرگەن. جۇڭگو تەڭىز ارمياسى زاڭ بويىنشا انگليا تەڭىز ارمياسىنىڭ سالاۋاتىن تۇراقتاندىرعان ءارى ەسكەرتۋ بەرىپ، قۋالاعان.
ول مىنانى ءبىلدىردى، شيشا توپ ارالى ەجەلدەن جۇڭگونىڭ تەرريتورياسى. 1996 – جىلى مامىردا جۇڭگو ۇكىمەتى «جۇڭحۋا حالىق رەسپۋبليكاسىنىڭ تاۋەلدى تەڭىزى مەن ىرگەلەس ءوڭىرى زاڭىن» بەلگىلەپ، شيشا توپ ارالىنا قاراستى تەڭىز الابىنىڭ كولەمىن بەلگىلەگەن. انگليانىڭ اسكەري كەمەسىنىڭ ارەكەتى جۇڭگونىڭ زاڭى مەن قاتىستى حالىقارالىق زاڭدارعا قايشى كەلىپ، جۇڭگونىڭ يەلىك ۇقىعىنا سۇعاناقتىق جاساۋ بولىپ تابىلادى. جۇڭگو جاق بۇعان باتىل قارسى تۇرىپ، انگليا جاققا رەسمي تۇردە قاتاڭ قارسىلىق ءبىلدىردى، قاتاڭ نارازىلىق تانىتتى.
حۋا چۇنيڭ: جۇڭگو جاق ەكى ەلدىڭ قارىم – قاتىناسىنىڭ جالپى اۋقىمىنا جانە ءوڭىردىڭ بەيبىتشىلىگى مەن ورنىقتىلىعىنا زيان جەتكىزبەۋ ءۇشىن انگليا جاقتى مۇنداي ارانداتۋشىلىق ارەكەتىن توقتاتۋعا قاتاڭ تۇردە قۋزاۋ سالدى. جۇڭگو جاق ۇزدىكسىز تۇردە بارلىق قاجەتتى شارالاردى قولدانىپ، مەملەكەتتىڭ يەلىك ۇقىعى مەن حاۋىپسىزدىگىن قورعايدى، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
