شينحۋا اگەنتتىگى، 29 – قىركۇيەك، جاكارتا (جىڭ شىبو) يندونەزيانىڭ اپاتقا قارسى تۇرۋ باسقارماسىنىڭ 29 – قىركۇيەكتە ايتۋىنشا، سول كۇنى ساعات 13كە دەيىن، يندونەزيانىڭ ورتا سۇلاۋەسي ولكەسىندەگى كۇشتى جەر سىلكىنىسى سەبەبىنەن تۋىنداعان تەڭىز شۋىلىندا قازا بولعانداردىڭ سانى 384 ادامعا جەتكەن، مۇنان سىرت، 540 ادام جارالانعان.
اپاتقا قارسى تۇرۋ باسقارماسىنىڭ مالىمدەمەشىسى سۋتوبونىڭ جاكارتادا وتكىزىلگەن اقپار جاريالاۋ جيىنىندا ايتۋىنشا، سىلكىنىس ورتالىعىنان 80 كيلومەتر قاشىقتىقتاعى ورتا سۇلاۋەسي ولكەسىنىڭ ورتالىعى پالۋ قالاسىندا جەر سىلكىنىسى اۋىر بولعان. قازا بولعاندار مەن جارالانعاندار سانى كۇرت ارتقاندىقتان، پالۋ قالاسىنداعى ەمحانادا بولمەلەر جەتىسپەي، جارالانعانداردىڭ كەيبىرەۋىن دالادا ەمدەۋگە تۋرا كەلگەن.
كەلۋ قاينارى: حالىق تورابى