بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

ترامپتىڭ جەكە ادۆوكاتى كوحەن 3 جىلدىق قاماۋ جازاسىنا ۇكىم ەتىلدى

2018.12.13 17:14     كەلۋ قاينارى : حالىق تورابى

  شينحۋا اگەنتتىگى، 12 – ايدىڭ 12 - كۇنى، ۆاشينگتون (تىلشىلەر شۇي جيانمەي، دىڭ شيانلاي). ۇزاق جىلدان بەرى ا ق ش پرەزيدەنتى ترامپتىڭ جەكە ادۆوكاتى مىندەتىن اتقارىپ كەلگەن مايكل كوحەن 12 - ايدىڭ 12 - كۇنى نيۋ - يورك مانحاتتون رايوندىق سوت مەكەمەسى جاعىنان 3 جىلدىق قاماۋ جازاسىنا ۇكىم ەتىلدى.

  ا ق ش فەدەراتسيالىق تەكسەرۋ مەكەمەسىنىڭ سوتشىسى ۆيليام بولي بىلاي دەدى: كوحەن پارلامەنت مۇشەلەرى الدىندا وتىرىك ايتۋدان تىس، فەدەراتسيالىق سايلاۋ قاراجاتىن باسقارۋعا قاتىستى زاڭعا قيعاشتىق جاساعانىن مويىندادى، اسىرەسە 2016 - جىلعى ا ق ش پرەزيدەنت سايلاۋى قارساڭىندا كوحەن ترامپتىڭ نۇسقاۋى بويىنشا «سايلاۋ ناتيجەسىنە ىقپال كورسەتۋىنەن الاڭداپ»، ترامپپەن قالىپسىز قاتىناسى بار ەكى ايەلگە اقشا بەرىپ، ولاردىڭ اۋزىن جابۋدى ورنالاستىرعان. كوحەننىڭ مويىنداعان قىلمىسى «رەسەيمەن استاسقان» دەگەن كۇدىكپەن تەكسەرىلگەن ەرەكشە پروكۋرور ميليمەن قاتىسسىز بولعانىمەن، بۇعان بولا ونىڭ قىلمىسىن تەرىسكە شىعارۋعا بولمايدى. 3 جىلدىق قاماۋ جازاسىنان باسقا كوحەنگە تاعى 500 مىڭ دوللار ايىپ سالىنىپ، ءبىر ميلليون 400 مىڭ دوللارعا جۋىق باجىنى تولىقتاپ تاپسىرۋ ءارى وسىعان 100 مىڭ ا ق ش دوللارىندىق ايىپ تولەۋ ۇيعارىلعان. كوحەن 2019 - جىلى 3 - ايدىڭ 6 - كۇنى تۇرمەگە كىرىپ، جازا مەرزىمىن وتەيدى ەكەن. سوت ۇكىمى جاريالانۋدان بۇرىن كوحەن ءوزىنىڭ «السىزدىگى» جانە «باسقالارعا وتە ادال بولۋى» سالدارىنان قاتە جولعا تۇسكەنىن مويىنداپ، پروكۋراتۋرا تاراۋلارىنىڭ تەكسەرۋىنە تىعىز سايكەسەتىنىن بىلدىرگەن.

  كوحەن بيىل 52 جاستا، 2007 - جىلدان باستاپ ترامپتىڭ زاڭ جانە ساۋدا ىستەرىن ءبىر جاقتى ەتىپ كەلگەن. بيىل 4 - ايدا ا ق ش فەدەراتسيالىق تەكسەرۋ مەكەمەسى كوحەننىڭ نيۋ - يوركتاعى كەڭسەسىن، ءۇيىن جانە قوناقجايداعى جاتىن ورنىن تەكسەرىپ، ونىڭ كومپيۋتەرى، تەلەفونى، مال - مۇلىك تىزىمدىگى جانە «زاڭ جاعىنان قورعالاتىن قاريدارلارىنىڭ ينفورماتسياسى» سياقتىلاردى ءمۇسادىرالاعان. وسىدان كەيىن ترامپ نيۋ - يورك قالاسىنىڭ بۇرىنعى باستىعى ۆيليام گيۋلياندى جەكە ادۆوكاتتىققا ۇسىنىس ەتكەن. كوحەن بيىل 8 - ايدا فەدراتسيالىق سايلاۋ قاراجاتىنا قاتىستى زاڭعا قيعاشتىق جاساۋ، باجى ۇرلاۋ جانە بانكە الدامكوستىگى سياقتىلاردى قامتىعان 8 ءتۇرلى قىلمىسپەن ايىپتالىپ، قىلمىسىن مويىنداعان. الدىڭعى ايدا ول پارلامەنت مۇشەلەرى الدىندا وتىرىك ايتىپ، ءوزىنىڭ 2016 - جىلداعى پرەزيدەنت سايلاۋى كەزىنە دەيىن ماسكەۋدەگى ترامپ سارايىن سالۋ جوسپارى جونىندە رەسەي جاقپەن جاساعان كەلىسسوزىن جاسىرعانىن مويىنداعان.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار