بىلتىر 157 مەملەكەتتە جۇڭگولىقتاردىڭ ءىزى قالدى
وڭتۇستىك ۇيەككە بارعان ءار 5 ساياحاتشىنىڭ بىرەۋى جۇڭگولىق
2019.01.11 14:11 كەلۋ قاينارى : حالىق تورابى
حالىق تورابى، 1 – ايدىڭ 10 – كۇنى، بەيجيڭ (تيانحۋ) جۋىردا جۇڭگو ساياحات ىستەرىن زەرتتەۋ مەكەمەسى (مادەنيەت جانە ساياحات مينيسترلىگىنىڭ ساندى دەرەك ورتالىعى) «2018 – جىلعى ساياحات ەكونوميكاسى جونىندەگى جەلىلەس بايانداما: ساياحات كاسىبى» اتتى باياندامانى جاريالاندى. بايانداماعا قاراعاندا، 2018 – جىلى مادەنيەت پەن ساياحاتتىڭ توعىسۋى وسى كاسىپ سالاسىن قارجىلاندىرۋدى پارمەندى ىلگەرىلەتكەن، ساياحاتتىق تۇتىنۋ ۇزدىكسىز قاۋىرت جوعارىلاپ، شەتەلگە شىعىپ ساياحاتتاۋشىلاردىڭ قادامى بارعان سايىن شالعايداعى ەلدەرگە دەيىن جەتكەن، 2018 – جىلى دۇنيە جۇزىندەگى 157 مەملەكەتتە جۇڭگولىق ساياحاتشىلاردىڭ ءىزى قالعان.
جۇڭگو ساياحات ىستەرىن زەرتتەۋ مەكەمەسى مىنانى اتاپ كورسەتكەن: 2018 – جىلى مادەنيەت پەن ساياحاتتىڭ توعىسۋى جاعىندا تىڭ ىلگەرىلەۋشىلىكتەر بولدى، حالىقتىڭ ساياحاتتىق تۇتىنۋ قاجەتى ۇزدىكسىز تەبىندى بولدى، ەل ىشىندەگى ساياحات ۇزدىكسىز جەدەل ارتتى، شەكارادان شىعىپ ساياحاتتاۋدىڭ دامۋى ورنىقتى بولدى، ساياحات سالاسىنىڭ ديپلوماتيالىق قارىم – قاتىناس جانە شياڭگاڭ – اۋمىن – تايۋان قىزمەتى بارىسىنداعى اتقاراتىن رولى اناعۇرلىم كورنەكتى بولدى. جىل بويى ەل ىشىندەگى ساياحاتشىلار سانىنىڭ، ساياحات كىرىسىنىڭ جانە ساياحات جالپى كىرىسىنىڭ مەجە بويىنشا ارتۋ مولشەرى ەكى ورىندى ساننان اسىپ، شەكارادان كىرگەن جانە شەكارادان شىققان ساياحاتشىلاردىڭ سانى مەن حالىقارالىق ساياحات كىرىسىنىڭ كورسەتكىشى كوزدەگەن مەجەگە ساي كەلگەن.
مۇنىڭ ىشىندە، «ءبىر بەلدەۋ، ءبىر جول» ۇندەۋىنىڭ ۇزدىكسىز تەرەڭدەۋى، ۆيزا اشتىرۋدىڭ قولايلى بولا ءتۇسۋى، تولەۋ تاسىلدەرى مەن حانزۋ تىلىندەگى تىلدىك ورتانىڭ ۇزدىكسىز جاقسارۋى سىندى فاكتورلاردىڭ جەبەۋىمەن، ەلىمىزدىڭ شەكارادان شىعىپ، ورتا – الىس ارالىقتاعى نارىقتارعا قادام تاستايتىن ساياحاتشىلارىنىڭ سانى كورنەكتى ارتقان. جۇڭگو ساياحات ىستەرىن زەرتتەۋ مەكەمەسى مىنانى اتاپ كورسەتكەن: 2018 – جىلى 157 مەملەكەتتە جۇڭگولىق ساياحاتشىلاردىڭ ءىزى قالدى، ءداستۇرلى ءتۇيىندى ساياحات ورىندارىنان سىرت، جۇڭگولىق ساياحاتشىلار جۇرتقا وتە بەلگىلى بولماعان مەملەكەتتەرگە ساياحاتتاۋدى بارعان سايىن ۇناتىپ كەلەدى. ەڭ الىستاعى ساياحات ورنى ەسەپتەلەتىن وڭتۇستىك ۇيەكتى مىسالعا الساق، 2018 – 2019 وڭتۇستىك ۇيەك ساياحات ماۋسىمىندا ساياحاتشىلار سانىنىڭ ون مىڭ ادام – رەتتەن اسۋىنان ءۇمىت زور، دۇنيە ءجۇزى بويىنشا وڭتۇستىك ۇيەككە ساياحاتتايتىن ءار 5 ساياحاتشىنىڭ بىرەۋى جۇڭگولىق دەپ ەسەپتەۋگە بولادى، جۇڭگو قازىر وڭتۇستىك ۇيەك ساياحاتىنداعى «ەرەكشە ءىرى ەل» ەسەپتەلەدى.
«جۇڭگونى قارسى الامىز» اتتى نىسان دا دۇنيە ءجۇزى بويىنشا العا ىلگەرىلەپ، شەكارادان شىعاتىن ساياحاتشىلارعا حانزۋشا قىزمەت وتەۋ ولشەمىن دايىنداپ، شەكارادان شىعىپ ساياحاتتاۋدىڭ قولايلى دا جايلى بولۋىنا شارت – جاعداي ازىرلەدى. شەكارا سىرتىندا اقى تولەۋ تاسىلدەرىنىڭ جاڭالانۋى دا شەكارادان شىعىپ ساياحاتتايتىندارعا اناعۇرلىم كوپ قولايلىلىق جاراتتى. جۇڭگو بانكە بىرلەستىگىن مىسالعا الساق، قازىر بانكە بىرلەستىگى كارتۋچكاسىن پايدالانۋعا بولاتىن توراپ جۇيەسى 168 مەملەكەت پەن رايونعا جەتىپ، شەتەلدەگى 23 ميلليوننان استام ساۋدا دۇكەنى مەن ءبىر ميلليون 640 مىڭنان استام ATM اقشا شىعارۋ ماشيناسىن قامتىدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
