انگليا پارلامەنتى تومەنگى پالاتاسى باس ءۋازىردىڭ ەۆروپا وداعىنان شەگىنۋ جونىندەگى جوباسىن ماقۇلدامادى

2019.02.15 16:15   كەلۋ قاينارى : حالىق تورابى

　　شينحۋا اگەنتتىگى، 2 – ايدىڭ 14 – كۇنى، لوندون (ءتىلشى: گۇيتاۋ) انگليا پارلامەنتىنىڭ تومەنگى پالاتاسى 2 – ايدىڭ 14 – كۇنى باس ءۋازىر تەرەسا مەي ورتاعا قويعان جوبانى ماقۇلدامادى، اتالعان جوبادا پارلامەنتتەن انگليا ۇكىمەتى مەن ەۆروپا وداعى كەلىسسوز وتكىزۋ ارقىلى ەۆروپا وداعىنان شەگىنۋدىڭ وزگەرىس ەنگىزگەن جوباسىن ماقۇلداۋ تالاپ ەتىلگەن.


　　سول كۇنى انگليا پارلامەنتىنىڭ تومەنگى پالاتاسى تالاس – تارتىستان سوڭ، ەڭ سوڭىندا 303 داۋىستىڭ قارسى تۇرۋى، 258 داۋىستىڭ قولداۋىمەن اتالعان جوبانى ماقۇلدامادى. داۋىس بەرگەن كەزدە، بيلىك باسىنداعى كونسەرۆاتيۆتەر پارتياسىنىڭ ەۆروپا وداعىنان شەگىنۋدى قولدايتىن پارلامەنت مۇشەلەرى اتالعان جوبانىڭ انگليانىڭ «ەۆروپا وداعىنان كەلىسىمسىز شەگىنىپ شىعۋ» مۇمكىندىگىن جوققا شىعارىپ، وسىنىڭ ناتيجەسىندە ەۆروپا وداعىنان شەگىنۋدى كەشەۋىلدەتۋىنەن الاڭداعاندىقتان، ەڭ سوڭىندا داۋىس بەرۋدەن قالىس قالدى.


　　كەلۋ قاينارى: حالىق تورابى