چاۋشيان – ا ق ش باسشىلارىنىڭ ەكىنشى رەتكى كەزدەسۋى اياقتادى
2019.03.01 16:05 كەلۋ قاينارى : حالىق تورابى
حالىق گازەتى، 2 – ايدىڭ 28 – كۇنى، حانوي (ءتىلشى: ديڭ زى، ليۋ گاڭ، جاۋ يپۋ) چاۋشياننىڭ ەڭ جوعارى باسشىسى كيم جۇڭ – ۇن مەن ا ق ش پرەزيدەنتى ترامپ ۆيەتنامنىڭ استاناسى حانويدا چاۋشيان – ا ق ش باسشىلارىنىڭ ەكىنشى كەزەكتى كەڭەسىن وتكىزدى، ەكى جاق ورتاق قۇجاتقا قول قويماعان.
كيم جۇڭ – ۇن مەن ترامپ 2 – ايدىڭ 28 – كۇنى حانويداعى حانويداعى سوفيتەل حيكمەتتى شاھار قوناق ۇيىندە ىلگەرىندى – كەيىندى شاعىن كولەمدە جانە كەڭ كولەمدە كەڭەس وتكىزدى. سول كۇنى تۇستەن كەيىن ساعات بىردەن 30 مينۋت اينالاسىندا، ەكى جاق كەڭەستى اياقتاتقان سوڭ ءارقايسى وزدەرى جاتقان قوناق ۇيگە قايتتى. ترامپ سوڭىنان الدىمەن اقپار جاريالاۋ ءماجىلىسىن اشتى، ول مىنانى ءبىلدىردى: ا ق ش – چاۋشيان ەكى جاق اراسىندا يادرولىق قارۋسىزداندىرۋ جانە چاۋشيانعا قاراتقان ەكونوميكالىق جازالاۋدى كۇشىنەن قالدىرۋ قاتارلى جاقتاردا الاۋىزدىق ساقتالىپ وتىرعاندىقتان، قاتىستى قۇجاتتارعا قول قويمادىق. تىلشىلەردى قابىلداۋ جيىنىنا بىرگە قاتىناسقان ا ق ش مەملەكەت ىستەرى حاتشىسى پومپەو بىلاي دەگەن: ا ق ش پەن چاۋشياننىڭ كەڭەسى «شىنايى ىلگەرىلەۋشىلككە» قول جەتكىزدى، الايدا، چاۋشيان جاق ا ق ش ورتاعا قويعان «اناعۇرلىم كوپ» تالاپتارعا ريزا بولمادى، ەكى جاق ۋاكىلدەر ۇيىرمەسىنىڭ جۋىردا تاعى دا كەزدەسۋىن ءۇمىت ەتەمىز، «مەن بۇل جونىندە ءالى دە سەنىمدىمىن». اقساراي مالىمدەمەشىسى مالىمدەمە جاريالاپ بىلاي دەگەن: ا ق ش پەن چاۋشيان باسشىلارى «وتە تاماشا ءارى ناتيجەلى» كەڭەس وتكىزىپ، چاۋشيان تۇبەگىن يادرولىق قارۋسىزداندىرۋدى ىلگەرىلەتۋ جانە قاتىستى ەكونوميكالىق ىستەر جونىندەگى ءتۇرلى شارالاردى تالقىلادى، الايدا، «كەلىسىمگە كەلە المادى»، ەكى جاقتىڭ ۇيىرمەلەرىنىڭ جۋىق ارادا قايتادان كەڭەس وتكىزۋىن ءۇمىت ەتەمىز.
ءتىلشى حاباردى جولداعانعا دەيىن، چاۋشيان جاق كەڭەس ناتيجەسى جونىندە پوزيتسيا بىلدىرمەگەن. ۋاكىلدەر ۇيىرمەسى كەڭەيتىلگەن كولەمدە كەڭەس وتكىزۋدىڭ الدىندا، كيم جۇڭ – ۇن اقپارات قۇرالدارىنىڭ سۇراۋىنا جاۋاپ بەرگەن كەزدە چاۋشيان جاقتىڭ يادرولىق قارۋسىزداندىرۋ تىلەگىن تاعى دا باسا دارىپتەپ، «ەگەر يادرولىق قارۋسىزداندىرۋدى تىلەمەيتىن بولساق، وندا بۇل جەرگە كەلمەيتىن ەدىك» دەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
