جاڭ يەسۇي: ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمى 4 – ايدا بەيجيڭدە وتكىزىلمەكشى
2019.03.05 15:43 كەلۋ قاينارى : حالىق تورابى
حالىق تورابى، بەيجيڭ، 3 – ايدىڭ 4 – كۇنى مەملەكەتتىك 13 – كەزەكتى حالىق قۇرىلتايىنىڭ 2 – ءماجىلسى بۇگىن تۇستەن بۇرىن حالىق سارايىندا اقپار جاريالاۋ ءماجىلىسىن وتكىزدى، ءماجىلىستىڭ مالىمدەمەشىسى جاڭ يەسۇي قۇرىلتايدىڭ كۇن ءتارتىبى مەن حالىق قۇرىلتايى قىزمەتىنە قاتىستى ماسەلەلەر جونىندە جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى. جاڭ يەسۇي بىلاي دەدى: بيىل 4 – ايدا، ەكىنشى كەزەكتى «ءبىر بەلدەۋ، ءبىر جول» حالىقارالىق فورۋمى بەيجيڭدە وتكىزىلمەكشى.
سينگاپۋر بىرىككەن تاڭعى گازەتىنىڭ ءتىلشىسى «ءبىر بەلدەۋ، ءبىر جول» دارىپتەمەسنىڭ وتكەن ءبىر جىلداعى جەتىستىكتەرى، سونداي – اق بولاشاق دامۋ بەتالىسىنا قالاي باعا بەرۋگە بولادى دەگەن سۇراۋى جونىندە، جاڭ يەسۇي بىلاي دەدى: «ءبىر بەلدەۋ ، ءبىر جول» دارىپتەمەسىءتوراعا شي جينپيڭ ورتاعا قويعان حالىقارالىق ەكونوميكالىق ىستەستىك جونىندەگى كەلەلى دارىپتەمە، ءوزارا بايلانىستى جاقسارتۋ ارقىلى، جۇڭگو مەن دۇنيە ءجۇزى ەكونوميكاسىنىڭ ارتۋىنا كوپتەگەن وراي جاراتادى. «ءبىر بەلدەۋ، ءبىر جول» دارىپتەمەسى بۇگىنگى تاڭداعى كوپ جاقتى سەلبەستىك مەحانيزمىنىڭ پايدالى تولىقتاۋشىسى.
وتكەن جىلى «ءبىر بەلدەۋ، ءبىر جولدى» بىرگە كوركەيتۋدە تىڭ دا كەلەلى ىلگەرىلەۋشىلككە قول جەتكەن جىل. 67 مەملەكەت جۇڭگومەن سەلبەستىك قۇجاتىنا قول قويدى. بۇگىنگە دەيىن، جۇڭگومەن سەلبەستىك قۇجاتىنا قول قويعان مەملەكەتتەر مەن حالىقارالىق ۇيىمداردىڭ جالپى سانى 152 گە جەتتى. ءار قايسى جاق ءوزارا توعىسۋ، ءوزارا بارىس – كەلىس جاساۋدىڭ قاتىستى سالالارىندا تىعىز سەلبەستىك ورناتىپ، بەلسەندى ناتيجەلەرگە قول جەتكىزدى. كەيبىر كاسىپتىك سالالاردا كوپتەگەن كوپ جاقتىلى سەلبەستىك مەحانيزمىن قۇردى. مىنە، وسىلاردىڭ بارلىعى دا «ءبىر بەلدەۋ، ءبىر جول» دارىپتەمەسىنىڭ سەلبەستىك جاساپ، ورتاق يگىلىكتەنۋ سىندى ءداۋىر اعىمىنا ۇيلەسەتىنىن بىلدىرەدى.
ءتىلشى قاتىستى قارىز ماسەلەسىن ورتاعا قويعاندا، جاڭ يەسۇي بىلاي دەدى: «ءبىر بەلدەۋ، ءبىر جول» دارىپتەمەسىنىڭ تاباندى بولاتىن پرينسيپى — بىرگە اقىلداسۋ، بىرگە كوركەيتۋ، بىرگە يگىلىكتەنۋ، سونىمەن بىرگە، بازارلانعان اينالىم ۇلگىسىنە دە تاباندى بولۋ، نىساناسى — جوعارى ساپالى دامۋدى جۇزەگە اسىرۋ. مەيلى نىساندى تاڭداۋ بولسىن، الدە قارجىلاندىرۋ جاعىنداعى سەلبەستىك بولسىن، بارلىعى دا قاتىناسۋشى تاراپتار بىرلىكتە جاساعان شەشىم. اۋدارعان قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
