بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>حالىقارالىق حابارلار

«شينجياڭنىڭ كىسىلىك ۇقىق ىستەرىنىڭ دامۋ جەتىستىكتەرى» اتتى كوپ جاقتى كەزدەسۋ جەنەۆادا وتكىزىلدى

2019.03.15 13:57   كەلۋ قاينارى : حالىق تورابى



  حالىق گازەتى، 3 – ايدىڭ 13 – كۇنى، جەنەۆا (ءتىلشى: فاڭ يىڭشين) ب م ۇ كىسىلىك ۇقىق ىستەرى كەڭەسى 4 – كەزەكتى ءماجىلىسى مەزگىلىندە، جۇڭگونىڭ ب م ۇ - دا تۇراتىن جەنەۆاداعى تۇراقتى ۋاكىلدەر ۇيىرمەسى مەن جۇڭگونىڭ كىسىلىك ۇقىقتى زەرتتەۋ قوعامى 3 – ايدىڭ 13 – كۇنى جەنەۆاداعى مەملەكەتتەر سارايىندا «شينجياڭنىڭ كىسىلىك ۇقىق ىستەرىنىڭ دامۋ جەتىستىكتەرى» اتتى كوپ جاقتى كەزدەسۋدى بىرگە وتكىزىپ، تاريح، رەالدىق جانە زاڭ قاتارلى كوپ تۇرعىدان شينجياڭنىڭ شىنايى جاعدايىن جان – جاقتى تانىستىرىپ، ءىشىنارا شىندىققا جاناسپايتىن اقپاراتتارعا شوعىرلى تۇردە اداقتاۋ جۇرگىزدى. 70 نەشە مەملەكەتتەن كەلگەن 200گە جۋىق ەلدىڭ ديپلوماتتارى، حالىقارالىق ۇيىمداردىڭ ءمانساپتىلارى، سونداي – اق، قاتىستى ۇكىمەتكە جاتپايتىن ۇيىمداردىڭ ۋاكىلدەرى سول كۇنگى كوپ جاقتى كەزدەسۋگە قاتىناستى.


  جۇڭگونىڭ ب م ۇ – نىڭ جەنەۆاداعى ءىس باسقارماسى مەن شۆەتسارياداعى باسقا حالىقارالىق ۇيىمدارداعى تۇراقتى ۋاكىلى يۇي جيانحۋا ءسوز كەزەگىندە مىنانى ءبىلدىردى: بۇگىنگى تاڭدا شينجياڭ تاريحتان بەرگى دامۋى ەڭ تەز، ەڭ ورنىقتى مەزگىلدە تۇر، ءار ۇلت حالقىنىڭ ەكونوميكا، ساياسي، قوعام، مادەنيەت، قورشاعان ورتا قاتارلى جاقتارداعى ۇقىقتارى تولىق كەپىلدىككە يە بولدى. جۇڭگو ۇكىمەتىنىڭ لاڭكەستىككە، ۇشقارىلىققا سوققى بەرۋى شينجياڭنىڭ بۇگىنگى تاڭداعى كوركەيىپ – گۇلدەنۋى مەن ورنىقتىلىعىنا بەرىك نەگىز قالادى. ءىشىنارا كۇشتەر وزدەرىنىڭ ساياسي ماقساتتارىن ىسكە اسىرۋ ءۇشىن، شينجياڭعا قاتىستى ماسەلەلەردە وسەك – اياڭ تاراتىپ، اق پەن قارانى شاتاستىرىپ، جۇڭگو ۇكىمەتىنە جالا جابۋعا ۇرىندى. قازىرگى تاڭداعى شينجياڭنىڭ كوركەيىپ – گۇلدەنۋى مەن دامۋى، ورنىقتىلىعى مەن ىنتىماعى سىندى رەال جاعداي الدىندا، مۇنداي بۇرمالانعان ايىپتاۋلاردىڭ ءبارى دارمەنسىز، ءارى قۇر ارامتەر بولعاندىق. شينجياڭدا زاڭ بويىنشا كاسىپتىك ونەرگە تاربيەلەۋ كۋرسى قىزمەتىن ورىستەتۋ ەڭ تۋرا جول.


  جۇڭگونىڭ كىسىلىك ۇقىق ىستەرىن زەرتتەۋ قوعامىنىڭ القاسى، شينجياڭ ۋنيۆەرسيتەتى ساياسات جانە الەۋمەتتىك باسقارۋ ينستيتۋتىنىڭ پروفەسسورى زۋريات سىمايىل ءسوز كەزەگىندە مىنانى ءبىلدىردى: شينجياڭ ەجەلدەن بەرى جۇڭگونىڭ ايىرىلماس ءبىر بولەگى، شينجياڭداعى ءار ۇلت حالقى جۇڭحۋا ۇلتىنىڭ ۇلى شاڭىراعىنىڭ ءبىر مۇشەسى، ۇيعۇر ۇلتى مەن جۇڭحۋا ۇلتىنىڭ باسقا مۇشەلەرى ەجەلدەن بەرى بىرىمەن – ءبىرى توننىڭ ىشكى باۋىنداي ەتەنە قارىم – قاتىناستا بولىپ كەلگەن، شينجياڭداعى ءار ۇلتتىڭ مادەنيەتى ەجەلدەن بەرى جۇڭحۋا مادەنيەتىنىڭ قۇنارلى توپىراعىندا گۇلدەنىپ – كوركەيدى جانە دامىدى، شينجياڭ ەجەلدەن بەرى كوپ ءدىن جاراسىمدى تۇردە توعىسا دامىعان جەر ەسەپتەلەدى.


  شينجياڭدا تۋىپ – وسكەن جۇڭگو كىسىلىك ۇقىق ىستەرىن زەرتتەۋ قوعامىنىڭ القاسى، باتىس سولتۇستىك ساياسي – زاڭ ۋنيۆەرسيتەتى لاڭكەستىككە قارسى تۇرۋ زاڭى ينستيتۋتىنىڭ زەرتتەرمەنى جاڭ نان مىنانى ءبىلدىردى: شينجياڭ ازاماتتاردىڭ ءومىرى مەن مال – مۇلكىنىڭ حاۋىپسىزدىگىن جانە ءدىني سەنىم ەركىندىگىن زاڭ بويىنشا قورعادى، كاسىپتىك ونەرگە تاربيەلەۋ كۋرسى قاتارلىلاردى قامتىعان لاڭكەستىك پەن ۇشقارىلىققا قارسى تۇرۋ شارالارىن زاڭ بويىنشا اتقاردى، بۇل شارالاردىڭ ۇيلەسىمدىلىگى مەن قاجەتتىلىگىندە كۇمان جوق، شينجياڭ لاڭكەستىككە قارسى تۇرىپ، ۇشقارىلىقتى الاستاۋ قىزمەتىن زاڭ بويىنشا ورىستەتتى، بۇل قىزمەت ورىندى جۇرگىزىلگەن، وتە قاجەتتى، توتەنشە كوكەيتەستى قىزمەت بولىپ تابىلادى.


  كۋبانىڭ ب م ۇ – نىڭ جەنەۆاداعى ءىس باسقارماسى مەن شۆەتسارياداعى باسقا حالىقارالىق ۇيىمداردا تۇراتىن تۇراقتى ۋاكىلى پەدروسو قاتارلىلار ماجىلىستە بيىل 2 – ايدا شينجياڭعا ەكسكۋرسيالاي بارعان ساپارىندا كورگەن – بىلگەندەرى مەن العان اسەرىن باستان كەشىرۋشىنىڭ تۇرعىسىنان باياندادى. پەدرو: ءبىز شينجياڭدا ءار ۇلت حالقىنىڭ باقىتتى تۇرمىستان يگىلىكتەنىپ، ەكونوميكاسى مەن قوعامىنىڭ ومىرشەڭدىك كۇشكە تولى ەكەنىن كوردىك، — دەدى. شينجياڭنىڭ كوركەيىپ – گۇلدەنۋى مەن دامۋى ولارعا تەرەڭ اسەر قالدىرعان ەكەن.


  مۇنان سىرت، جۇڭگونىڭ كىسىلىك ۇقىق ىستەرىن زەرتتەۋ قوعامى ب م ۇ كىسىلىك ۇقىق القالار كەڭەسىنىڭ 40 – كەزەكتى ءماجىلىسى مەزگىلىندە «جۇڭگونىڭ كىسىلىك ۇقىق ىستەرىنىڭ دامۋى مەن العا باسۋى» اتتى كوپ جاقتى كەڭەستى، «شيزاڭنىڭ كىسىلىك ۇقىق ىستەرىنىڭ دامۋى مەن العا باسۋى» اتتى كوپ جاقتى كەڭەستى، «شينجياڭنىڭ كىسىلىك ۇقىق ىستەرىنىڭ دامۋى مەن العا باسۋى» اتتى كوپ جاقتى كەڭەستى وتكىزدى، تالقى مازمۇندارى شينجياڭنىڭ ۇلتتىق شيپاگەرلىك ىستەرىنىڭ دامۋى، شينجياڭدا مەملەكەتتىڭ ورتاق پايدالاناتىن ءتىل – جازۋىن جالپىلاستىرۋ، شيزاڭنىڭ ەكولوگيالىق ورتاسىن قورعاۋ، سالامات شيزاڭدى كوركەيتۋ، جۇڭگونىڭ كىسىلىك ۇقىق ىستەرىن زەرتتەۋ جانە وقۋ – اعارتۋدىڭ دامۋى قاتارلى مازمۇنداردى قامتىپ، قىزۋ اڭىس قوزعاپ، جوعارى باعاعا يە بولدى.


  ۋەنەسۆەلادان كەلگەن ءتىلشى ەميليو بىلاي دەدى: كوپ جاقتى كەڭەس وتە ءساتتى وتكىزىلدى، جۇڭگونىڭ كىسىلىك ۇقىق ىستەرىنىڭ العا باسۋى جۇرتقا ايان، جۇڭگونىڭ تاجىريبەسى ءار ەلدىڭ ۇيرەنۋىنە تاتيدى، جۇڭگونىڭ كىسىلىك ۇقىق ىستەرىنىڭ دامۋىنىڭ اناعۇرلىم زور ناتيجەلەرگە قول جەتكىزۋىن تىلەيمىن.


  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت