حاۋىپسىزدىك كەڭەسىنىڭ ەۆروپا وداعىنداعى مۇشەلەرى يزرايليانىڭ گولان ۇستىرتىنە يەلىك ۇقىعى بار ەكەنىن مويىندامادى
2019.03.27 14:32 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 26 – كۇنى، ب م ۇ (ءتىلشى: شاڭ شۇيچيان) ب م ۇ حاۋىپسىزدىك كەڭەسىنىڭ ەۆروپا وداعىنداعى مۇشە ەلدەرىنەن 5 ەل 26 – كۇنى بىرلەسكەن مالىمدەمە جاريالاپ، 5 ەلدىڭ گولان ءۇستىرتىنىڭ قاراستىلىعى جونىندەگى مايدانىنىڭ وزگەرمەيتىنىن، گولان ءۇستىرتىن يزرايليا تەرريتورياسى دەپ مويىندامايتىنىن ءبىلدىردى.
بەلگيانىڭ ب م ۇ – داعى ۋاكىلى مارك پەركەرستين فرانسيا، گەرمانيا، انگليا، پولشا جانە بەلگيا ەلدەرىنىڭ اتىنان اقپارات قۇرالدارىنىڭ تىلشىلەرىنە اتالعان مالىمدەمەنى وقىپ بەردى. مالىمدەمەدە بىلاي دەلىنگەن: بەس ەلدىڭ گولان ءۇستىرتىنىڭ قاراستىلىعى جونىندەگى مايدانىن جۇرت بىلەدى، بەس ەلدىڭ بۇل مايدانى وزگەرمەيدى. حالىقارالىق زاڭ مەن حاۋىپسىزدىك كەڭەسىنىڭ قاتىستى قاۋلىلارىنا ساي، وتە – موتە 242 – ءنومىرلى جانە 497 – ءنومىرلى قاۋلىلارعا ساي، بەس ەل يزرايليانىڭ گولان ءۇستىرتىن قامتىعان، 1967 – جىلى 6 – ايدان بەرى باسىپ العان تەرريتوريالارعا يەلىك ۇقىعى بار ەكەنىن مويىندامايدى، بەس ەل يزرايليا باسىپ العان اتالعان جەرلەردى يزرايليانىڭ تەرريتورياسى دەپ قارامايدى.
مالىمدەمەدە بىلاي دەلىنگەن: زورلىقتى كۇشپەن وزگە ەلدىڭ تەرريتورياسىن جاۋلاپ الۋ حالىقارالىق زاڭعا سيمايدى، ءارقانداي جاقتىڭ شەكارا وزگەرىسىن ءوز بەتىمەن جاريالاۋ ارەكەتى «ب م ۇ ۋستاۆىنا» قايشى كەلەدى، حالىقارالىق ءتارتىپتىڭ نەگىزىن ءبۇلدىرۋ ارەكەتى بولىپ ەسەپتەلەدى. زاڭسىز باسىپ العان تەرريتوريانىڭ قاراستىلىعىن مويىنداۋدىڭ كەسىرى وتە تەرەڭ بولادى، وڭىرلىك جاعدايعا دا ىقپال جاسايدى، بەس ەل بۇعان ايرىقشا نازار اۋدارادى.
گولان ءۇستىرتى سيريانىڭ باتىس وڭتۇستىك بولەگىندەگى ۇزاققا سوزىلعان تار ءوڭىر. يزرايليا 1967 – جىلى ءۇشىنشى رەتكى ورتا شىعىس سوعىسىندا وسى ءبىر ستراتەگيالىق ماڭىزدى ورىندى باسىپ الىپ، مەڭگەرۋىنە جانە قاراماعىنا الىپ، سيرياعا قايتارىپ بەرۋدەن باس تارتقان. حالىقارالىق قوعام اتالعان ءوڭىردىڭ يزرايليانىڭ تەرريتورياسى ەكەنىن مويىنداماعان. ب م ۇ حاۋىپسىزدىك كەڭەسى 1981 – جىلعى 497 – ءنومىرلى قاۋلىسىندا، يزرايليانىڭ ءوز زاڭىن، باسقارۋ ۇقىعىن جانە اكىمشىلىك قۇرىلىمدارىن گولان ۇستىرتىنە زورلاپ تاڭۋ بەكىمى «بۇكىلدەي كۇشكە يە ەمەس، حالىقارالىق زاڭدىق كۇشكە يە ەمەس» دەپ ايقىن بەلگىلەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
