بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

پىڭ لييۋان ب م ۇ وقۋ – اعارتۋ، عىلىم – تەحنيكا، مادەنيەت ۇيىمىنىڭ قىز بالالار جانە ايەلدەر وقۋ – اعارتۋى ەرەكشە ماجىلسىنە قاتىناستى

2019.03.28 15:15     كەلۋ قاينارى : حالىق تورابى

  شينحۋا اگەنتتىگى، 3 – ايدىڭ 26 – كۇنى، پاريج (ءتىلشى لي جۇڭفا ، شاڭ ياڭ) جەرگىلىكتى ۋاقىت بويىنشا 3 – ايدىڭ 26 – كۇنى تۇستەن بۇرىن، مەملەكەت ءتوراعاسى شي جينپيڭنىڭ حانىمى، ب م ۇ وقۋ – اعارتۋ، عىلىم – تەحنيكا، مادەنيەت ۇيىمىنىڭ قىز بالالار مەن ايەلدەر وقۋ – اعارتۋىن ىلگەرىلەتۋ جاعىنداعى ەرەكشە ەلشىسى پىڭ لييۋان ب م ۇ – نىڭ وقۋ – اعارتۋ، عىلىم – تەحنيكا، مادەنيەت ۇيىمىنىڭ ۇسىنىسى بويىنشا، اتالعان ۇيىمنىڭ پاريجدەگى باس شتابىندا وتكىزىلگەن قىز بالالار مەن ايەلدەر وقۋ – اعارتۋى ەرەكشە ماجىلىسىنە قاتىناستى.

  ماجىلىستە، ب م ۇ وقۋ – اعارتۋ، عىلىم – تەحنيكا، مادەنيەت ۇيىمى قىز بالالار مەن ايەلدەر وقۋ – اعارتۋى سيلىعى بويىنشا ءار كەزەكتى سيلانعانداردىڭ ۋاكىلدەرى سوزگە شىعىپ، وزدەرىنىڭ ءامالياتتىق تاجىريبەلەرى مەن اسەرلەرىن تانىستىردى. پىڭ لييۋان ءسوز سويلەپ، ب م ۇ – نىڭ وقۋ – اعارتۋ، عىلىم – تەحنيكا، مادەنيەت ۇيىمى مەن سيلانعانداردىڭ قىز بالالار مەن ايەلدەر وقۋ – اعارتۋىن جەبەۋ جاعىندا كورسەتكەن قۇلشىنستارىن القادى، جۇڭگونىڭ قاتىستى تابىستى بولعان تاجىريبەلەرىن تانىستىردى، ءوزىنىڭ مىندەت اتقارعان بەس جىلدان بەرى ورىستەتكەن قىزمەتتەرىن، اسىرەسە، «كوكتەمگى قاۋاشاق جوسپارىن» ىلگەرىلەتۋ قاتارلى قيمىلداردى ەسكە الدى. پىڭ لييۋان: قىز بالالار مەن ايەلدەر وقۋ – اعارتۋىن ىلگەرىلەتۋ وسكەلەڭ ءىس، اناعۇرلىم كوپ ادامداردىڭ نازار اۋدارۋىنا، قولداۋىنا جانە وسى جولىندا كۇرەس جاساۋىنا تاتيدى. ءبىلىم مەن ونەر ايەلدەر تاعدىرىن وزگەرتەتىن قۇدىرەتتى كۇش. تەك تەڭ تۇرعىدا، ساپالى وقۋ – اعارتۋدان يگىلىكتەنسە، بارلىق ايەل زاتى دا ءومىردىڭ تاماشا ورايىنا يە بولا الادى. جۇڭگو ب م ۇ وقۋ – اعارتۋ، عىلىم – تەحنيكا، مادەنيەت ۇيىمنىڭ وسى سيلىقتى تاراتۋدى ويداعىداي ورىستەتۋىن ۇزدىكسىز قولدايدى، سونداي – اق، «ءبىر بەلدەۋ، ءبىر جولدى» ورتاق كوركەيتۋدىڭ حالىقارالىق وقۋ – اعارتۋداعى اۋىس – كۇيىسكە، سەلبەستىككە ازىرلەگەن ورايى مەن تەكشەسىنەن ۇتىمدى پايدالانىپ، ءتىپتى دە كوپ بالالاردىڭ، ءتىپتى دە كوپ اپەكە – سىڭلىلەردىڭ ءومىر جولىندا ءتىپتى دە جارقىن بولاشاققا قول جەتكىزۋىنە كومەكتەسۋ كەرەك، — دەپ دارىپتەدى.

  ب م ۇ وقۋ – اعارتۋ، عىلىم – تەحنيكا، مادەنيەت ۇيىمى باس مەڭگەرۋشىسى ازۋلاي بىلاي دەدى: قازىر دۇنيە جۇزىندە وقۋدان قول ۇزگەن قىز بالالار 130 ميلليونعا جۋىق، دۇنيە ءجۇزى بويىنشا 750 ميلليون ساۋاتسىزدار ىشىندە، ايەلدەر 2/3 بولەگىن ۇستايدى. قىز بالالار مەن ايەلدەر وقۋ – اعارتۋىن جەبەۋ ب م ۇ – نىڭ 2030 – جىلعا دەيىنگى باياندى دامۋ كۇن ءتارتىبىنىڭ ماڭىزدى بولەگى ءارى ب م ۇ – نىڭ وقۋ – اعارتۋ، عىلىم – تەحنيكا، مادەنيەت ۇيىمىنىڭ ماڭىزدى قىزمەتى. اتالعان ۇيىم جۇڭگونىڭ وسى جاعىندا قول جەتكىزگەن ەرەكشە تابىستارىن جوعارى باعالايدى، پىڭ لييۋان پروفەسسوردىڭ قوسقان كورنەكتى ۇلەسىنە العىس ايتامىز.

  ءماجىلس باستالۋدان بۇرىن، پىڭ لييۋان ازۋلايعا كەزدەستى. پىڭ لييۋان بىلاي دەدى: جۇڭگو جاق ب م ۇ وقۋ – اعارتۋ، عىلىم – تەحنيكا، مادەنيەت ۇيىمى جانە ازۋلاي باس مەڭگەرۋشىنىڭ ورىستەتكەن قىزمەتتەرىن قولدايدى، ەكى جاقتىڭ سەلبەستىكتى ۇزدىكسىز كۇشەيتىپ، دۇنيە ءجۇزىنىڭ بەيبىتشىلىگى مەن گۇلدەنۋىن جانە ادامزات وركەنيەتىنىڭ العا باسۋىن جەبەۋگە كۇش سالۋىن ءۇمىت ەتەمىز.

  ازۋلاي بىلاي دەدى: جۇڭحۋا حالىق رەسپۋبليكاسى قۇرىلعان 70 جىلدان بەرى كەرەمەت تابىستارعا قول جەتكىزدى، مۇندا وقۋ – اعارتۋ جانە ايەلدەر ىستەرىنىڭ العا باسۋى دا قامتىلادى. ب م ۇ وقۋ – اعارتۋ، عىلىم – تەحنيكا، مادەنيەت ۇيىمى جۇڭگو مەن بولعان ىستەستىككە ەرەكشە ءمان بەرەدى. بۇگىنگى داۋىردە جانە جاعدايدا، جۇڭگونىڭ قولداۋى ءتىپتى دە ماڭىزدى.

  كەلۋ قاينارى: حالىق تورابى
جاۋاپتى رەداكتورى : قاۋلا بەيسەن قىزى (پراكتيكانت)
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار