پاريج اۋليە انا شىركەۋىنە ءورت كەتىپ، قۇرىلىس اۋىر دارەجەدە ويراندالدى

2019.04.16 16:47   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 15 – كۇنى، پاريج. (ءتىلشى تاڭ جي، شۇي يۇڭچۇن) فرانسيانىڭ استاناسىنا ورنالاسقان پاريج اۋليە انا شىركەۋىنە 4 – ايدىڭ 15 – كۇنى كەشتە ءورت كەتىپ، شىركەۋدىڭ مۇنارا ۇشى قۇلاپ، قۇرىلىس اۋىر دارەجەدە ويراندالدى. قازىرشە ەشقانداي ادام جارالانۋ، قازا بولۋ مالىمەتى بولمادى.

　　پاريج اۋليە انا شىركەۋىنىڭ مالىمدەمەشىسى بىلاي دەدى: ءورت جەرگىلىكتى ۋاقىت 4 – ايدىڭ 15 – كۇنى 18دەن 50 مينۋت اينالاسىندا بايقالعان. شينحۋا اگەنتتىگى ءتىلشىسى اتالعان شىركەۋگە بارا جاتقان جولىندا، كوپتەگەن ءورت ءوشىرۋ اۆتوموبيلدەرىنىڭ، ساقشى اۆتوموبيلدەرىنىڭ ءورت بولعان ناق مايدانعا قاراي كەتىپ بارا جاتقانىن، كەڭىستىكتە قۇتقارۋ ۇشاعىنىڭ اينالىپ جۇرگەنىن كوردى. ءورت وتە كۇشتى بولىپ، نەشە كيلومەتر شالعايدان بۋداقتاعان تۇتىندى كورۋگە بولادى.

　　فرانسيا مەديالارىنىڭ حابارىنا قاراعاندا، ءورت فرانسيا اۋليە انا شىركەۋىنىڭ عيمارات توبەسىنەن باستالعان، ءورتتىڭ ۇلعايۋى وتە تەز بولىپ، لاۋلاعان جالىن شىركەۋدىڭ ەكى عيماراتىنىڭ اراسىنان لاپىلداپ، سوڭىنان مۇنارا ۇشى قۇلاعان. قۇتقارۋعا قاتىناسقان ءورت ٴسوندىرۋشى بىلاي دەدى: ءورت اپاتى فرانسيا اۋليە انا شىركەۋىن جوندەۋمەن قاتىستى بولۋى مۇمكىن.

　　جەرگىلىكتى ۋاقىت 21گە دەيىن، ءورت ءالى دە سوندىرىلمەدى، ءتۇن قاراڭعىلىعىنداعى پاريج اۋليە انا شىركەۋىنىڭ قۇرىلىستارىنان اق ءتۇتىن ۇزدىكسىز بۋداقتاپ، اشتى ءيىس اۋانى شارپىدى. اينالاداعى جۇرتشىلىقتىڭ كەيبىرى جاقىندارىنا تەلەفون جالعاپ، ابىرجىعان كوڭىل كۇيلەرىن باسا الماي ناق مايدانداعى جاعدايدى ايتتى.

　　شىركەۋدىڭ ماڭىندا، نەشە ءجۇز ادام جەرگە تىزەرلەپ ءمىناجات ەتىپ، كەيبىرى وكسي جىلاپ، كوزدەرى جاسقا تولدى. پاريج قالاسىنىڭ تۇرعىنى نيكولا بىلاي دەدى: «بۇگىن تۇتاس پاريج حالقىنىڭ قايعىلى كۇنى، ءبىز پاريج اۋليە انا شىركەۋىنىڭ ءورت اپاتى تەزدەن ٴسونۋىن تىلەيمىز.»

　　فرانسيانىڭ پرەزيدەنتى ماكرون مەن پرەمەر مينيسترى فيليپ ناق مايدانعا كەلدى. ماكرون بىلاي دەدى: «پاريج اۋليە انا شىركەۋىنىڭ ورتەنگەنىنە، تۇتاس مەملەكەت قاتتى قايعىردى».

　　انگليا، گەرمانيا، ا ق ش قاتارلى مەملەكەتتىڭ باسشىلارى سول كۇنى پاريج اۋليە انا شىركەۋىنىڭ ورتەنگەنىنە نازار اۋداراتىندىقتارىن ايتتى. گەرمانيانىڭ پرەمەر مينيسترى مەركەل الەۋمەتتىك جەلىدە بىلاي دەدى: «پاريج اۋليە انا شىركەۋىنىڭ ورتەنۋى كىسىنى قاتتى قايعىرتادى، ول − فرانسيا مەن ەۆروپا مادەنيەتىنىڭ سيمۆولى.»

　　پاريج اۋليە انا شىركەۋى گوتيكالىق ۇلگىدەگى قۇرىلىس بولىپ، پاريج قالاسىنىڭ ورتالىعىنداعى سەنا وزەنىنىڭ جاعاسىنا ورنالاسقان، 1163 – جىلى باستاپ سالىنىپ، 1345 – جىلى بىتكەن. پاريجداعى ەڭ ۋاكىلدىك سيپاتقا يە ەجەلگى ەسكەرتكىشتەردىڭ ءبىرى رەتىندە، پاريج اۋليە انا شىركەۋى فرانسيا جازۋشىسى گيۋگونىڭ شىركەۋمەن اتتاس رومانىمەن دۇنيەگە ايگىلى بولعان، ءار جىلى 13 ميلليون ادام – رەت ساياحاتشى قابىلدايدى.

　　كەلۋ قاينارى: حالىق تورابى