پاريج اۋليە انا شىركەۋىنە تيگەن ءورت مادەني مۇرالاردى قورعاۋ دابىلىن قاقتى (حالىقارالىق كورۋ ءتۇيىنى)
«حالىق گازەتىنىڭ» فرانسيادا تۇراتىن ءتىلشىسى ليۋ ليڭليڭ
2019.04.17 16:24 كەلۋ قاينارى : حالىق تورابى
4 – ايدىڭ 15 – كۇنى كەشتە پاريجداعى اۋليە انا شىركەۋىندە ءورت اپاتى تۋىلدى. جىلىنا 13 ميلليونعا جۋىق ساياحاتشىنى قابىلدايتىن، تاريحى ۇزاق، گوتيكالىق ۇلگىدەگى الىپ قۇرىلىس جالاڭداعان قىزىل ءورت ىشىندە قالدى. كوپ ساندى فرانسيالىقتار سەنا وزەنىنىڭ جاعالاۋىندا تۇرىپ وسىناۋ ايانىشتى ۋاقيعانى ءوز كوزدەرىمەن كوردى، كەيبىرەۋلەرى قاسىرەتتى كوز جاستارىن توكتى.نەگىزگى قۇرىلىس قۇرىلىمدارى ساقتالىپ قالدى
پاريج اۋليە انا شىركەۋىنىڭ مالىمدەمەشىسى بىلاي دەدى: ءورت جەرگىلىكتى ۋاقىت بويىنشا 4 – ايدىڭ 15 – كۇنى 18 ساعات مولشەرىندە بايقالىپ، كوزدى اشىپ – جۇمعانشا ۇلعايىپ تەزدىكپەن جامىرادى. ءورت كەتكەن ناق مايداننان بۋداقتاعان ءتۇتىن اسپانعا كوتەرىلىپ، ءورت ۇشقىنى جان – جاققا جايىلدى. ەڭ الاڭداۋلى ءسات مۇنارانىڭ ۇشى قۇلاعان ۋاقىتتا تۋىلدى، ناق مايدانداعى جۇرت ۇرەيلەنە ايقايلاسىپ، كوزدەرىنە سەنبەي قالدى.
فرانسيا ءورت ءسوندىرۋ تاراۋلارى 5 – ايدىڭ 16 – كۇنى پاريج اۋليە انا شىركەۋى الاڭىندا قىسقا اقپارات جاريالاۋ جيىنىن اشىپ، 4 – ايدىڭ 16 – كۇنى ساعات 10 عا دەيىن پاريج اۋليە انا شىركەۋىندە تۋىلعان ءورتتىڭ تۇگەلدەي سوندىرىلگەندىگىن ءبىلدىردى. ءورت ءسوندىرۋ تاراۋلارى بىلاي دەدى: پاريج اۋليە انا شىركەۋىنىڭ نەگىزگى قۇرىلىس قۇرىلىمدارى ساقتالىپ قالدى، الايدا مۇنارا ۇشى مەن شىركەۋدىڭ مىڭ شارشى مەترلىك توبەسى كۇيىپ كەتتى. كەيبىر ىشكى قۇرىلىمداردىڭ قۇلاپ ءتۇسۋ حاۋىپى بار.
وسىدان بۇرىن پاريج اۋليە انا شىركەۋى، فرانسيا مادەنيەت مينيسترلىگى جانە قۇتقارۋ – كومەك بەرۋ قىزمەتكەرلەرى ورتاق قۇلشىنىپ پاريج اۋليە انا شىركەۋى ىشىندەگى مادەني مۇرالاردى ساقتاپ قالدى. قۇتقارۋ – كومەك بەرۋ قىزمەتكەرلەرى جوعارى كەڭىستىكتەن سۋ شاشۋدىڭ قۇرىلىستاردى ءبۇلدىرىپ كەتۋىنەن الاڭداپ، ورمان ءورتىن وشىرەتىن ۇشاقتاردى پايدالانباعاندىقتارىن ءتۇسىندىردى.
قايتالاي قۇرىپ شىعۋعا 10 جىل جۇمسالادى
كەزەكتە ءورت كەتۋ سەبەبى تەكسەرىلۋدە ەكەن. پاريج پروكۋراتۋرا ورگاندارى ءورت اپاتىنا ادامنىڭ سەبەپ بولۋ مۇمكىندىگىن العاشقى قادامدا تەرىسكە شىعارىپ، ءورتتىڭ ابايسىزدىقتان تۋىلعاندىعىن كەسەتتى. فرانسيا اقپارات مەديالارىنىڭ حابارلاۋىنا قاراعاندا، ءورت اپاتى پاريج اۋليە انا شىركەۋىنىڭ عيمارات توبەسىندەگى ەلەكتر جولدارىنىڭ قىسقا تۇيىقتالۋىنان تۋىلعاندىعى مۇمكىن ەكەن. ءورت اپاتى تۋىلاردا پاريج اۋليە انا شىركەۋىندە جوندەۋ – ريمونتتاۋ قۇرىلىسى جۇرگىزىلىپ جاتىپتى.
پاريج قالاسىنىڭ باستىعى انني يدارگو بىلاي دەدى: جوندەۋ قۇرىلىسى جۇرگىزىلىپ پاريج اۋليە انا شىركەۋى ىشىندەگى ءىشىنارا كوركەمونەر تۋىندىلارى ەرتەدە – اق جوتكەلگەندىكتەن، بۇل اپاتتان امان قالدى. بۇدان سىرت، قاسيەتتى انا شىركەۋىنىڭ نەگىزگى مۇرالارى «عايسانىڭ تىكەندى ءتاجىسى» جانە «سەنت – لۋيس تاساتتىق كيىمى» سياقتىلار زاقىمدالمادى.
پاريج اۋليە انا شىركەۋى مادەني مۇرالار قور قوعامىنىڭ مەڭگەرۋشىسى ەريك فيشەل بىلاي دەدى: «ءورت اپاتىنىڭ زيانى اۋىر بولدى، پاريج اۋليە انا شىركەۋىنىڭ قايتادان جاساپ شىعۋعا 10 جىل كەتەدى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
