پۋتين مەن كيم جۇڭ – ۇن كەڭەس وتكىزدى

2019.04.26 13:37   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 25 – كۇنى، ۋلاديۆوستوك. رەسەي پرەزيدەنتى پۋتين 4 – ايدىڭ 25 – كۇنى رەسەيدىڭ ۋلاديۆوستوك قالاسىندا چاۋشياننىڭ ەڭ جوعارى باسشىسى كيم جۇڭ – ۇنمەن كەڭەس وتكىزدى. پۋتين كەڭەستەن كەيىن رەسەيدىڭ چاۋشيان تۇبەگىندەگى ۋشىققان جاعدايدى باسەڭدەتۋگە ۇزدىكسىز كۇش سالاتىنىن ءبىلدىردى.

　　پۋتين مەن كيم جۇڭ – ۇن سول كۇنى ۋلاديۆوستوكتاعى قيىر شىعىس فەدەراتسيالىق ۋنيۆەرسيتەتىندە ەكەۋ ارا كەڭەس وتكىزدى. كەڭەس ەكى ساعاتقا سوزىلىپ، باستاپتا بەلگىلەنگەن 50 مينۋت ۋاقىتتان الدە قايدا اسىپ كەتتى. ەكى جاقتىڭ ۇكىمەت ءمانساپتىلارى ىلە – شالا كەڭەيتىلگەن ماجىلىسكە قاتىناستى.

　　پۋتيننىڭ كەڭەستەن كەيىن ايتۋىنشا، ەكى جاق تۇبەكتىڭ جاعدايىنىڭ اناعۇرلىم كەڭ ورىسكە يە بولۋىنا قايتكەندە قول جەتكىزۋگە بولاتىنىن كەڭەسكەن.

　　كيم جۇڭ – ۇننىڭ ايتۋىنشا، ەكى جاق ورتاق كوڭىل ءبولىپ وتىرعان ماسەلەلەردى تالقىلاعان. ول پۋتينمەن «پايدالى، ناتيجەلى» تىلدەسۋدى ۇنەمى جالعاستىرىپ وتىرۋدى ءۇمىت ەتەتىنىن بىلدىرگەن.

　　پۋتين ماجىلىستەن كەيىنگى كەشكى استا رەسەي جاق چاۋشيان تۇبەگىنىڭ يادرو ماسەلەسىن بەيبىت جولمەن شەشۋگە تاباندى بولاتىنىن ءارى چاۋشيان تۇبەگىندەگى ۋشىققان جاعدايدى باسەڭدەتۋگە، شىعىس سولتۇستىك ازيا ءوڭىرىنىڭ حاۋىپسىزدىگىن بەكەمدەۋگە ۇزدىكسىز كۇش سالاتىنىن ءبىلدىردى.

　　كەلۋ قاينارى: حالىق تورابى