بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

پالەستينا مەن يزرايل قاقتىعىسى ۋشىعىپ، قازىرگە دەيىن 20 نەشە ادام قازا بولىپ، 200دەن استام ادام جارالانعان

2019.05.07 14:55     كەلۋ قاينارى : حالىق تورابى

  شينحۋا اگەنتتىگى، 5 – ايدىڭ 5 – كۇنى، بەيجيڭ. شينحۋا اگەنتتىگىنىڭ گازادا، يەرۋساليمدە تۇراتىن تىلشىلەرىنىڭ جيناق حابارى: 5 – ايدىڭ 5 – كۇنى گازا وڭىرىندەگى پالەستينا قارۋلى ۇيىمى مەن يزرايل ارمياسى اراسىنداعى قاقتىعىس ونان ارى ۋشىعا ءتۇسىپ، قاقتىعىستا 20 نەشە ادام قازا بولىپ، 200دەن استام ادام جارالانعان.


  گازا وڭىرىندەگى دەنساۋلىق ساقتاۋ تاراۋلارىنىڭ 5 – ايدىڭ 5 – كۇنى ايتۋىنشا، يزرايل ارمياسىنىڭ سول كۇنى گازا وڭىرىنە اۋەدەن جاساعان شابۋىلىندا پالەستينالىق 19 ادام قازا بولىپ، 150 نەشە ادام جارالانعان.


  سول كۇنى يزرايل ارمياسىنىڭ حابارلاۋىنشا، 5 – ايدىڭ 4 – كۇنىنەن بەرى، پالەستينا قارۋلى ۇيىمى گازا وڭىرىنەن يزرايل تەرريتورياسىنا شامامەن 650 دانا زىمىران وعىن اتىپ، يزرايلدان 4 ادام قازا بولىپ، 70 نەشە ادام جارالانعان. يزرايل ارمياسى گازا وڭىرىندەگى 300 نەشە نىسانانى اتقىلاپ، پالەستينادان 23 ادام قازا بولعان.


  پالەستينا ءىسلام قارسىلىق كورسەتۋ قوزعالىسىنىڭ (حاماس) قاراماعىنداعى قارۋلى توپ حاسسام بريگاداسى، پالەستينا ءىسلام جيھاد ۇيىمى قاراماعىنداعى قارۋلى توپ حۋد بريگاداسى سول كۇنى جەكە – جەكە مالىمدەمە جاريالاپ، يزرايلدىڭ سۇعاناقتىق جاساۋىنا باتىل قارسىلىق جاسايتىنىن جانە ونان دا زور قارۋ – جاراقتارمەن يزرايلعا شابۋىلعا وتەتىنىن ايتقان.


  پالەستينانىڭ پرەزيدەنتى اباس سول كۇنى گازا وڭىرىندەگى پالەستينا قارۋلى كۇش ۇيىمدارىن يزرايليامەن قارۋلى قاقتىعىستى دەرەۋ توقتاتۋعا ۇندەگەن، سونىمەن بىرگە، حالىقارالىق قوعامدى ەكى جاقتىڭ تەزىرەك سوعىس توقتاتۋىنا كومەكتەسۋگە شاقىرعان.


  يزرايلدىڭ پرەمەر مينيسترى نەتانياحۋ حاۋىپسىزدىك اكىمشىلىك كەڭسەسىنىڭ حاۋىپسىزدىك جونىندەگى ءماجىلىسىن اشقاننان كەيىن، يزرايل ارميا جاعىنا گازا وڭىرىنە سوققى بەرۋدى جالعاستىرۋعا ءارى سوعىستىڭ ۇزدىكسىز جۇرگىزىلۋىنە دايىندىق جاساۋعا نۇسقاۋ بەرگەن. ىلە – شالا، يزرايل اتالعان ەلدىڭ وڭتۇستىك بولەگىندەگى اسكەرلەر سانىن ارتتىرعان.


  پالەستينا زەرتتەۋ ورتالىعىنىڭ مەڭگەرۋشىسى حاني ماسلي بىلاي دەدى: پالەستينالىقتار 5 – ايدىڭ 6 – كۇنىنەن باستاپ ورازا ۇستايدى، پالەستينا مەن يزرايليانىڭ قاقتىعىسى ورازا ايىندا قالاي بولاتىنى ءالى بەلگىسىز. (تىلشىلەر: جاۋ يۋە، ياڭ يۋانيۋان، لۇي يىڭشۇي، چىن ۋىنشيان)


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار