ينتەرنەتتىك ۇشقارىلىقتى تەجەۋدە جاھاندىق سەلبەستىك قاجەت
گازەتىمىزدىڭ فرانسيادا تۇراتىن ءتىلشىسى گى ۋىنبو
2019.05.27 15:48 كەلۋ قاينارى : حالىق تورابى
فرانسيا پرەزيدەنتى ماكرون مەن جاڭا زەللانديانىڭ پرەمەر مينيسترى اردەرن جۋىردا فرانسيا پرەزيدەنتى سارايىندا ەكىنشى كەزەكتى «عىلىم – تەحنيكا ارقىلى ىزگىلىككە ۇمتىلۋ» سامميتىندە، انگليا، كانادا قاتارلى 18 ەلدىڭ ساياساتكەرلەرى ، فەيسبۋگ، ميكروسوفت قاتارلى الەۋمەتتىك جەلى اقپارات قۇرالدارى، سونداي – اق، عىلىم – تەحنيكا سەرىكتەستىكتەرىنىڭ ۋاكىلدەرى قاتىناستى. ماجىلىسكە قاتىناسقان ءارقايسى جاق «كريستچرچ دارىپتەمەسىنە» بىرگە قول قويىپ، زورلىقتى كۇش، ۇشقارىلىق جانە لاڭكەستىك مازمۇنىنداعى ينفورماتسيالاردى تاراتۋدى تىزگىندەۋ ماقساتىنداعى تىڭ شارالار جونىندە ۇندەۋ تاستادى جانە وسى شارالاردى اتقارۋعا ۋادە بەردى.
«كرەستچرچ دارىپتەمەسى» ءار ەل مەن ينتەرنەت سەرىكتەستىكتەرىن سەلبەستىكتى كۇشەيتۋگە، لاڭكەستىك مازمۇنىنداعى ينفورماتسيالاردىڭ تارالۋىن ءونىمدى تۇردە تىزگىندەيتىن تەحنيكالىق قۇرالداردى جاساۋعا قۋزايدى؛ الەۋمەتتىك جەلىلەردەن ءتۇزىلىستىڭ جاريالىلىعىن جوعارىلاتىپ، لاڭكەستىك مازمۇنىنداعى ينفورماتسيالاردى تاراتۋشىلارعا قاتىستى دەرەكتەرمەن قامداۋدى تالاپ ەتەدى؛ قارجى جانە تەحنيكالىق قولداۋ جەتكىلىكسىز بولعان، ۇشقارى سوزدەر ەڭ كوپ بايقالاتىن ورتاشا جانە شاعىن تيپتەگى ينتەرنەت تەكشەلەرىنە نازار اۋدارىپ، ولاردىڭ قاتىستى تۇزىلىستەردى قۇرۋىنا جانە كەمەلدەندىرۋىنە كومەكتەسەدى. ماجىلىسكە قاتىناسقان ءار ەل ساياساتكەرلەرى قوعامدى «لاڭكەستىك كۇش پەن ۇشقارىلىقتى تەجەپ»، ينتەرنەتتەگى لاڭكەستىككە قاتىستى مازمۇنداردى ءوشىرۋ جونىندەگى قاتىستى زاڭدارعا بويسۇناتىن ەتۋگە كۇش سالۋعا ۋادە بەردى.
3 – ايدىڭ 15 – كۇنى جاڭا زەللانديانىڭ كرەستچرچ قالاسىنداعى ەكى مەشىتتە تۋىلعان وق شىعارۋ وقيعاسىندا 51 ادام قازا بولعان، بۇل جاڭا زەللانديا تاريحىنداعى ەڭ اۋىر لاڭكەستىك شابۋىل وقيعاسى. ينتەرنەتتەگى الەۋمەتتىك جەلىلەر قاندىعولدىڭ تىكەلەي تاراتۋىن دەر كەزىندە توسپاعاندىقتان ايىپتاۋعا ۇشىرادى. اردەرن الەۋمەتتىك جەلىلەردى «بۇرىن بولىپ كورمەگەن دارەجەدە لاڭكەستىك پەن ءوش الۋدى ۇگىتتەۋدىڭ قۇرالىنا اينالىپ قالدى» دەپ ايىپتادى.
الەۋمەتتىك جەلىلەر مەن عىلىم – تەحنيكا سەرىكتەستىكتەرى دارىپتەمەنىڭ مازمۇنى مەن وعان قوسىمشالانعان سەرىكتەستىكتەردىڭ ورتاق مالىمدەمەسىندە لاڭكەستىككە قاتىستى مازمۇنداردى ءتۇسىرۋ مەن تاراتۋدى بەلسەندىلىكپەن تەجەۋگە ۋادە بەردى، جۇيەدەن زورلىقتى كۇشكە، ۇشقارىلىققا جانە لاڭكەستىككە قاتىستى مازمۇنداردى تاراتۋعا قارسى تۇرۋداعى ەرەجەنى ايقىندادى؛ «دەر كەزىندە» كۋالاندىرۋ جانە تەكسەرۋ رەسميەتتەرى ارقىلى «تىكەلەي تاراتۋدىڭ حاۋىپ – قاتەرىن ازايتۋدى» ماقۇلدادى، مۇندا فەيسبۋگ سول كۇنى سامميتتە وتكىزىلگەن ماجىلىستەن بۇرىن تىكەلەي ەفير اقپارات قۇرالى بەلگىلەمەسىنە وزگەرىس ەنگىزگەنىن جاريالادى، بۇل بەلگىلەمەدە مىنالار قامتىلعان: قاتىستى اككاۋنتتاردىڭ ۇشقارى يدەيا تاراتاتىنى بايقالسا، ولاردىڭ «تىكەلەي تاراتۋ» قۇرالىنان پايدالانۋىنا دەرەۋ تيىم سالۋ، لاڭكەستىك شابۋىلى تۋىلعان كەزدە قاتىستى قۇرىلىمدارمەن ينفورماتسيانى اناعۇرلىم ويداعىداي ورتاقتاسىپ، ويداعىداي سايكەسۋ ت. ب.
فرانسيا ۇكىمەتى ماجىلىستەن كەيىن جاريالاعان مالىمدەمەدە مىنانى ءبىلدىردى: ۇكىمەت، حالىقارالىق ۇيىمدار، قاتىستى سەرىكتەستىكتەر جانە عىلىم – تەحنيكا قۇرىلىمدارى تۇڭعىش رەت ءبىرقىدىرۋ شارالار مەن ۇزاق مەرزىمدىك سەلبەستىكتەر جونىندە ورتاق تانىمعا كەلدى، بۇل ورتاق تانىم الدا ينتەرنەتتى اناعۇرلىم حاۋىپسىزدەندىرۋگە مۇمكىندىك جاسايتىن بولادى. اردەرىن بىلاي دەدى: لاڭكەستىكتىڭ ينتەرنەتتە تارالۋىنا ءدوپ كەلىپ وتىرعان ساتتە، ءار ەلدىڭ ءوزىنىڭ قامىن عانا ويلاۋى، جەكە ارەكەت ەتۋى مۇمكىن ەمەس، ءسوزسىز، جاھاندىق سەلبەستىكتى كۇشەيتۋ قاجەت.
فرانسيانىڭ اقپارات قۇرالدارى دارىپتەمەنى جاپپاي قۋاتتايتىندىقتارىن ءبىلدىردى، الايدا، شەشۋشى ءتۇيىن ونى اتقارۋدا ەكەنىن باسا دارىپتەدى. «فيگارو گازەتى» مىنانى اتاپ كورسەتتى: قازىر ينتەرنەت سەرىكتەستىكتەرى مازمۇندى بەكىتۋدە ءالى دە نەگىزىنەن ادام كۇشىنە سۇيەنەدى، ولاردىڭ مازمۇندى تەكسەرىپ بەكىتۋ قۋاتى كۇمان تۋدىرادى، ونىڭ ۇستىنە، كاسىپورىنداردىڭ قاتىستى ەڭبەككۇش بايلىعىن جاريا ەتۋى وتە از ۇشىرايدى. «ازاتتىق گازەتى» بۇل قۇجاتتىڭ شەكتەۋ قۋاتى كەمشىل دەپ سىندادى.
وسى جونىندە، فرانسيا قاتىستى دارىپتەمەنىڭ اتقارىلۋىن ىلگەرىلەتۋگە كۇش سالادى. جۋىردا فرانسيانىڭ بيلىك باسىنداعى پارتياسىنىڭ پارلامەنتتەگى مۇشەسى پارلامەنتكە قاتىستى زاڭ جوباسىن تاپسىرىپ، ينتەرنەت تەكشەلەرىنەن مازمۇن جايلى ەسكەرتۋ العان سوڭ 24 ساعات ىشىندە قاتىستى مازمۇنداردى ءوشىرۋدى تالاپ ەتتى. ەۆروپا وداعىنىڭ ىشكى بولەگىندە دە الەۋمەتتىك جەلى اقپارات قۇرالدارىنان ءبىر ساعات ىشىندە قاتىستى مازمۇنداردى ءوشىرۋدى تالاپ ەتەتىن جاڭا زاڭ جوباسىن بەلسەندى تالقىلاۋدا. بيىلعى كەزەكتى ءتوراعا ەل رەتىندە، فرانسيا جەتى ەل توبى باسشىلارىنىڭ سامميتى مەزگىلىندە قاتىستى مالىمدەمە جونىندە ورتاق تانىمعا كەلۋگە كۇش سالادى. (حالىق گازەتىنىڭ 5 – ايدىڭ 26 – كۇنى پاريجدەن بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
