شينحۋا اگەنتتىگىنىڭ حالىقارالىق اعىمداعى ىستەرگە شولۋى
جۇڭگو مەن رەسەي قارىم – قاتىناسىنىڭ جاڭا باعدارى قالاي
2019.06.06 14:42 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 5 – كۇنى، ماسكەۋ (ءتىلشى: ما شياۋچىڭ) جۇڭگو مەن رەسەي باسشىلارى 6 – ايدىڭ 5 – كۇنى ەكى ەلدىڭ قارىم – قاتىناسىن «جاڭا ءداۋىر جۇڭگو – رەسەي جان – جاقتى ستراتەگيالىق سەلبەستىك - سەرىكتەستىك قارىم – قاتىناسى» دەڭگەيىنە كوتەرۋدى ماقۇلدادى. بۇل جۇڭگونىڭ ەكى جاقتى قارىم – قاتىناسىندا تۇڭعىش رەت «جاڭا ءداۋىر جان – جاقتى سەلبەستىك – سەرىكتەستىك قارىم – قاتىناسى» دەگەن جاڭا بايانداۋدىڭ، جاڭا باعداردىڭ جارىققا شىعۋى، مۇنىڭ ماڭىزى زور، ءمانى تەرەڭ.
جۇڭگو – رەسەي قارىم – قاتىناسىنىڭ جاڭا باعدارىنىڭ جاڭالىعى، ءسىرا، قاي جەرىندە؟ جاڭا دەڭگەي، جاڭا وراي، جاڭا جاۋاپكەرشىلىك، مىنە، وسى ءۇش ءتۇيىن جاڭا باعداردىڭ باي مازمۇنىن تۇسىنۋىمىزگە كومەكتەسۋى مۇمكىن.
بۇل جۇڭگو - رەسەي قارىم – قاتىناسى دامۋىنىڭ جاڭا دەڭگەيىن ايگىلەيدى. جۇڭگو – رەسەي ەكى ەل 70 جىلدىق بوران – شاشىندى تىزە قوسا وتكەردى، ساياسي جاقتاعى ءوزارا سەنىمدىلىك نىعايدى، ءبىر - ءبىرىنىڭ وزەكتى مۇددەلەرى مەن كوڭىل ءبولىپ وتىرعان كەلەلى ماسەلەلەرى جونىندە ءوزارا باتىل قولداۋ كورسەتىپ، ءوزارا قۇرمەت ەتۋ، تەڭدىك پەن ادىلدىك، سەلبەسە وتىرىپ، ورتاق يگىلىككە كەنەلۋ سىندى حالىقارالىق قارىم – قاتىناستىڭ جاڭا ۇلگىسىن تىكتەدى. «جاڭا ءداۋىر جۇڭگو – رەسەي جان – جاقتى ستراتەگيالىق سەلبەستىك – سەرىكتەستىك قارىم – قاتىناسىنىڭ» ءمانى تەرەڭ، مازمۇنى باي، بۇل ەكى ەلدىڭ ەكى جاقتى قارىم – قاتىناسىنىڭ باعدارىن بۇرىن بولماعان جاڭا دەڭگەيگە كوتەرەتىنىن، ەكى ەلدىڭ ستراتەگيالىق سەلبەستىگىنىڭ اناعۇرلىم جوعارى ورەگە قادام تاستايتىنىن، اناعۇرلىم كەڭ، اناعۇرلىم تەرەڭ باعىتتا العا ىلگەرىلەيتىنىن بىلدىرەدى.
بۇل جۇڭگو – رەسەي سەلبەستىگىنىڭ تىڭ ورايىن اڭعارتادى. جۋىرداعى جىلداردان بەرى، ەكى ەلدىڭ ەكونوميكالىق جاقتاعى قارىم – قاتىناسى قۋانارلىق تابىستارعا قول جەتكىزدى، ناقتى سەلبەستىكتىڭ كورنەكتى تۇستارى ايقىن كورىندى. جاڭا داۋىرگە قادام تاستاعان ساتتە، جۇڭگو – رەسەي قارىم – قاتىناسى ءبىرقىدىرۋ تىڭ ورايلارعا ءدوپ كەلدى. قيىر شىعىستى اشۋدان، سولتۇستىك ۇيەكتى اشۋعا دەيىن، «مۇز ۇستىندەگى جىبەك جولىنان» «سيفرلى جىبەك جولىنا» دەيىن، جۇڭگو مەن رەسەي بولاشاقتا سەلبەستىكتىڭ جاڭا ءورىسىن ۇزدىكسىز كەڭەيتىپ، تىڭ كومەسكى كۇشىن اشىپ، ەكى ەل حالقىنا اناعۇرلىم مول باقىت جاراتادى. رەسەي بۇقارالىق اڭىسى جاپپاي بىلاي دەپ قارادى: ەنەرگيا، اسكەري ىستەر، عىلىم – تەحنيكا، ەلەكتروندىق ساۋدا، اۋىل شارۋاشىلىعى ونىمدەرى ساۋداسى، ساياحات قاتارلىلاردى ۋاكىلدىك ەتكەن كوپتەگەن سالالار جۇڭگو مەن رەسەيدىڭ ناقتى سەلبەستىگىنىڭ تارتىمدى تۇيىنىنە اينالادى.
رەسەي عىلىم اكادەمياسى قيىر شىعىس زەرتتەۋ بولىمشەسىنىڭ باستىعى سەرگەي لۋيانين بىلاي دەپ قارايدى: جاڭا ءداۋىر جۇڭگو – رەسەي قارىم – قاتىناسى اناعۇرلىم كەڭ ءورىستى، اناعۇرلىم مول سالالارداعى سەلبەستىككە جول اشادى. بولاشاقتاعى 10 جىل ىشىندە رەسەي مەن جۇڭگونىڭ قارجىلاندىرۋ، ساۋدا جانە ەكونوميكا سالالارىنداعى سەلبەستىكتەرىندە ساپالىق ورلەۋ بايقالادى. «ءبىر بەلدەۋ، ءبىر جول» جانە ەۆرازيالىق ەكونوميكالىق وداقتىڭ ۇزدىكسىز ىشكەرىلەي ۇشتاسۋىنا ىلەسە، جۇڭگو – رەسەي ەكى ەلدىڭ جانە وڭىردەگى قاتىستى ەلدەردىڭ سەلبەستىك كومەسكى قۋاتى ونان ارى ساۋلەلەندىرىلەدى.
بۇل جۇڭگو مەن رەسەيدىڭ سىناقتارعا تىزە قوسا توتەپ بەرۋ جاعىنداعى جاڭا جاۋاپكەرشىلىگىن ايقىندايدى. سىڭار جاقتىلىق، قورعانىمپازدىق، زورەكەرلىك قاتارلى تەرىس اۋقىمعا ءدوپ كەلگەن ساتتە، جۇڭگو مەن رەسەي تىزە قوسا وتىرىپ، ادامزاتتىڭ تاعدىرلاس ورتاق تۇلعاسىن بىرگە كوركەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعى ءۇشىن ۇزدىكسىز وڭ ەنەرگيا قوسادى. سانكت – پەتەربۋرگ مەملەكەتتىك ۋنيۆەرسيتەتى حالىقارالىق قارىم – قاتىناس فاكۋلتەتىنىڭ دوتسەنتى يانا لەكشۋدينا قاتارلى رەسەي ماماندارى بىلاي دەپ قارادى: جۇڭگو مەن رەسەي كوپ جىلداردان بەرى حالىقارالىق جونگە سالۋ جۇيەسىن كەمەلدەندىرۋدى ىلگەرىلەتۋگە، وسى ارقىلى بۇل جۇيەنىڭ اناعۇرلىم ءادىل جانە سيىسىمدى بولۋىنا كۇش سالۋدا. بولاشاقتا جۇڭگو مەن رەسەي وڭىرلىك حاۋىپسىزدىك جۇيەسىن قۇرۋعا بىرگە اتسالىسىپ، دامۋ ۇستىندەگى ەلدەردىڭ حالىقارالىق ۇيىمدارداعى جانە جاھاندىق دامۋ ماسەلەلەرىن شەشۋ جاعىنداعى پىكىر ءبىلدىرۋ ۇقىعىن جوعارىلاتىپ، حالىقارالىق قوعامنىڭ تەڭدىگى مەن ادىلدىگىن قورعاۋ جاعىندا ايرىقشا رولىن ساۋلەلەندىرەدى.
جۇڭگو مەن رەسەي قارىم – قاتىناسى دەڭگەيىنىڭ جوعارىلاۋى ءدال قاجەتتى ساتكە تۋرا كەلدى. دۇنيە ءجۇزى قازىر عاسىرلىق وزگەرىستەرگە ءدوپ كەلۋدە، جۇڭگو مەن رەسەي ەكى ەل باسشىلارىنىڭ جۇڭگو مەن رەسەي قارىم – قاتىناسىنىڭ ستراتەگيالىق ءمانى جونىندەگى تانىمى بارىنشا جاقىن، ەكى ەل قارىم – قاتىناسىن ۇزدىكسىز ىشكەرىلەي دامىتۋدى ىلگەرىلەتۋ جونىندەگى بەكىمى مەن ارمانى بار. جۇڭگو مەن رەسەي قارىم – قاتىناسى دامۋىنىڭ تىڭ باعدارى ەكى ەل حالقىنىڭ ۇرپاقتان – ۇرپاققا دوس بولۋ سىندى ورتاق جۇرەك ۇنىنە ساي كەلىپ، جۇڭگو مەن رەسەيدىڭ ستراتەگيالىق سايكەسۋىن جانە ناقتى سەلبەستىگىن ىلگەرىلەتۋدى ىشكەرىلەي العا باستىرۋعا ءتيىمدى. سوندىقتان، رەسەيدىڭ جاماعات اڭىسى بۇعان جوعارى باعا بەرۋدە.
جۇڭگو – رەسەي قارىم – قاتىناسىنىڭ جاڭا باعدارى ەكى ەل قارىم – قاتىناسىنىڭ دامۋىنا باعدار جانە جول نۇسقادى. جۇڭگو – رەسەي كورشىسىىمەن سەرىك بولىپ، ءبىر – بىرىنە قارايلاسۋى، تىعىز سەلبەسىپ، ىشكەرىلەي توعىسۋى، ءورىس اشا جاڭالىق جاراتىپ، داۋىرمەن بىرگە العا ىلگەرىلەۋى، جاۋاپكەرشىلىك ارقالاۋعا باتىل بولىپ، جاپپاي تيىمدىلىككە كەنەلتۋ جانە ورتاق يگىلىكتەنۋى، ەكى جاقتى سەلبەستىكتىڭ تىڭ ءورىسىن ۇزدىكسىز كەڭەيتۋى جانە كەمەلدەندىرۋى، ەكى ەل قارىم – قاتىناسىنىڭ باستان – اقىر كورەگەندىك، جاڭاشىلدىق، دامۋعا تالپىنعىش قاسيەتتەرىن ساقتاۋىنا كەپىلدىك ەتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن، دامۋى مەن كوركەيۋىن تىزە قوسا ىلگەرىلەتىپ، دۇنيە ءجۇزى حالقىن تيىمدىلىككە كەنەلتۋى كەرەك.
تىڭ باستاما تۇرعىسىنان، تىڭ بولاشاققا نازار سالۋ باسشىلاردىڭ ديپلوماتيالىق جەتەكشىلىگىندە، 70 جىلدىق كەرەمەت بارىستى باستان كەشىرگەن جۇڭگو – رەسەي قارىم – قاتىناسىنىڭ بۇرىنعىعا مۇراگەر، كەيىنگىگە بۇيداگەر بولىپ، اناعۇرلىم جوعارى ورەگە كوتەرىلىپ، اناعۇرلىم ويداعىداي داميتىن جاڭا داۋىرگە قادام تاستاپ، ەكى ەل حالقىنىڭ باقىتى مەن دۇنيە ءجۇزىنىڭ بەيبىت دامۋىنا اناعۇرلىم زور ۇلەس قوساتىنىنا سەنۋگە حاقىلىمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
