بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

حۋاۋەي ا ق ش سەرىكتەستىگى ا ق ش ساۋدا مينيسترلىگىنىڭ ۇستىنەن ارىز بەردى

2019.06.24 14:28     كەلۋ قاينارى : حالىق تورابى

  شينحۋا اگەنتتىگى، 6 – ايدىڭ 22 – كۇنى، ۋاشينگتون (ءتىلشى: جوۋ جوۋ) حۋاۋەي ا ق ش سەرىكتەستىگى جۋىردا ا ق ش – تىڭ ۋاشينگتون ەرەكشە رايونى سوتىنا ا ق ش ساۋدا مينيسترلىگىنىڭ ۇستىنەن ارىز بەردى. اتالعان سەرىكتەستىك ا ق ش ساۋدا مينيسترلىگىنىڭ حۋاۋەي سەرىكتەستىگىنىڭ جابدىقتارىن ۇستاپ قالۋ ءارى قاتىستى شەشىمدى سوزاقتاتۋ ارەكەتى «زاڭسىز ارەكەت» دەپ قاراعان.

  سوتتىڭ اشىق جاريالاعان قۇجاتتارىنا قاراعاندا، 2017 – جىلى حۋاۋەي سەرىكتەستىگى ءبىر دانا كومپيۋتەر سەرۆەرىن جانە ءبىر دانا ەتەرنەت (Ethernet) جالعاستىرعىشىن قامتىعان جۇڭگودا وندىرىلگەن تەلەگراف جابدىقتارىن ا ق ش – تىڭ كاليفورنيا شتاتىنداعى دەربەس تاجىريبەحاناعا جەتكىزىپ تەكسەرۋدەن وتكىزگەن، تەكسەرۋ اياقتاعان سوڭ، جابدىقتى قايتا اكەتپەك بولعان. سول جىلى 9 – ايدا اتالعان جابدىقتاردى جۇڭگوعا تاسىمالداعان جولدا ا ق ش ساۋدا مينيسترلىگى يمپورت ەتۋگە رۇقسات بەرىلگەن – بەرىلمەگەنىن تەكسەرۋ كەرەك دەگەن سىلتاۋمەن الياسكا شتاتىنىڭ انكورەج قالاسىندا ۇستاپ قالعان.

  ارىز – شاعىم قۇجاتىندا بىلاي دەلىنگەن: ا ق ش ساۋدا مينيسترلىگى جابدىقتاردى ۇستاپ قالعاننان كەيىن، حۋاۋەي سەرىكتەستىگى تالاپقا ساي قاتىستى ينفورماتسيالاردى بەردى، ا ق ش ساۋدا مينيسترلىگىنىڭ قاراماعىنداعى قۇرىلىم ادەتتە 45 كۇن ىشىندە جابدىقتاردى يمپورت ەتۋگە رۇقساتناما قاجەت پە، جوق پا دەگەنگە شەشىم جاساپ بولاتىنىن ايتقان. قازىرگە دەيىن، جابدىقتاردى ۇستاپ قالعانىنا 20 نەشە اي بولسا دا، ا ق ش ساۋدا مينيسترلىگى بۇل جونىندە ءالى دە شەشىم جاساماي وتىر. حۋاۋەي سەرىكتەستىگىنىڭ ايتۋىنشا، ارىز – شاعىم بەرگەنگە دەيىن، بۇل جابدىقتارعا «الياسكادا قويماسىندا تورەشىلدىكتىڭ تۇساۋى سالىنعانىنا» 632 كۇن بولعان.

  حۋاۋەي سەرىكتەستىگى بىلاي دەپ قاراعان: بۇل جابدىقتار ا ق ش – تىڭ شەكاراسى سىرتىندا وندىرىلگەن ءارى وندىرگەن ەلگە قايتارىلادى، يمپورت ەتۋگە رۇقساتناما الۋدىڭ قاجەتى جوق. ارىز – شاعىمدا مىنالار دارىپتەلگەن: ا ق ش ساۋدا مينيسترلىگىنىڭ ەڭ باستابىندا جابدىقتاردى ۇستاپ قالۋى قاتە بولسىن – بولماسىن، شەكارادان وتكىزۋگە ماقۇل بولۋ – بولماۋ شەشىمىنىڭ ۋاقىتىن سەبەپسىز كەشەۋىلدەتۋى «زاڭسىز ارەكەت» ەسەپتەلەدى. حۋاۋەي سەرىكتەستىگى ا ق ش ساۋدا مينيسترلىگىنەن تولەم تالاپ ەتپەگەن، الايدا، ا ق ش ساۋدا مينيسترلىگىنەن قاتىستى جابدىقتاردى تاسىمالداۋدىڭ بەلگىلەمەگە قايشى كەلگەن – كەلمەگەنىنە كەسىم جاساۋدى تالاپ ەتكەن، ەگەر بەلگىلەمەگە قايشى ەمەس دەگەن كەسىم جاسالسا، ا ق ش ساۋدا مينيسترلىگى جابدىقتاردى شەكارادان شىعارۋدى ماقۇلداۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار