افريكا وداعىنىڭ ەرەكشە سامميتى افريكا قۇرلىعى ەركىن ساۋدا رايونىنىڭ قۇرىلعانىن رەسمي جاريالادى
2019.07.08 14:20 كەلۋ قاينارى : حالىق تورابى
شينحۋا اگەنتتىگى، 7 – ايدىڭ 7 – كۇنى، نيامەي (ءتىلشى: جىڭ ياڭزى) افريكا وداعىنىڭ افريكا قۇرلىعى ەركىن ساۋدا رايونى جونىندەگى ەرەكشە سامميتى 7 – ايدىڭ 7 – كۇنى نيگەردىڭ استاناسى نيامەيدە اشىلدى، ماجىلىستە افريكا قۇرلىعى ەركىن ساۋدا رايونىنىڭ قۇرىلعانى رەسمي جاريالاندى.
افريكا وداعىنىڭ كەزەكتى ءتوراعاسى، ەگيپەت پرەزيدەنتى سيسي اشىلۋ سالتىندا مىنانى ءبىلدىردى: افريكا قۇرلىعى ەركىن ساۋدا رايونى دۇنيە جۇزىندەگى ەڭ ءىرى ەركىن ساۋدا رايوندارىنىڭ ءبىرى بولادى. ەركىن ساۋدا رايونىن كوركەيتۋدە «افريكا وداعىنا مۇشە ەلدەر اراسىندا تىلدەسۋدى كۇشەيتىپ، ەكونوميكالىق جاقتا ءارقايسى ەلدەر ءوزارا تولىقتاۋعا كەپىلدىك ەتۋ ءارى اناعۇرلىم تاماشا قارجىلاندىرۋ ورتاسىن جاراتۋ كەرەك».
نيگەريا پرەزيدەنتى يۇسۇپ اشىلۋ سالتىندا بىلاي دەدى: «افريكا قۇرلىعى ەركىن ساۋدا رايونىن قۇرۋ — افريكا وداعى قۇرىلعاننان بەرگى ەڭ ءىرى ءىس»، ەركىن ساۋدا رايونىنىڭ دامۋى «افريكا قۇرلىعىنىڭ ەكونوميكالىق كومەسكى قۋاتىن ونان ارى جەبەپ، بايلىق قاينارىن اشۋدى ىلگەرىلەتىپ، اناعۇرلىم كوپ كاسىپتەنۋ ورايىن جاراتاتىن بولادى».
افريكا وداعى كوميتەتىنىڭ ءتوراعاسى فاكي ءسوز كەزەگىندە نيگەريا مەن بەنين سىندى ەكى ەلدىڭ افريكا قۇرلىعى ەركىن ساۋدا رايونى كەلىسىمىنە رەسمي قول قويعانىن جاريالادى.
افريكا قۇرلىعى ەركىن ساۋدا رايونى كەلىسىمى 5 – ايدىڭ 30 – كۇنىنەن باستاپ رەسمي كۇشىنە يە بولعان. قازىرگە دەيىن، افريكا وداعىنداعى 55 مۇشە ەلدىڭ ىشىندە، ەريتەريادان سىرت، 54 مۇشە ەل بۇل كەلىسىمگە قول قويعان، مۇنىڭ ىشىندە 27 مۇشە ەل سول ەلدىڭ قاتىستى زاڭدىق تارتىپتەرىنە ساي كەلىسىمدى ماقۇلداعان سوڭ، افريكا وداعى كوميتەتىنە كەلىسىمدى ماقۇلداۋ حاتىن تاپسىردى.
2015 – جىلى 6 – ايدا افريكا وداعىنا مۇشە ەلدەر افريكا قۇرلىعى ەركىن ساۋدا رايونىن قۇرۋ جونىندەگى كەلىسسوزىن باستاعان. افريكا وداعى افريكا قۇرلىعى ەركىن ساۋدا رايونىن قۇرۋ ارقىلى كەدەن باجىسىن تومەندەتىپ، ساۋدالىق كەدەرگىلەردى جويىپ، وڭىرلىك ساۋدانى جانە قارجىلاندىرۋدى دامىتۋدى، تاۋار، قىزمەت وتەۋ، قارجى جانە ادام بايلىعىنىڭ ءوڭىر كولەمىندە ەركىن اينالىمعا ءتۇسۋىن ىسكە اسىرۋدى، افريكاداعى ەكونوميكالىق تۇلعالاردى ۇيىستىرىپ، ءبىرتۇلعالانعان نارىققا اينالدىرۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
