كورەيا مەن جاپونيا اراسىنداعى تالاس - تارتىس ۇزدىكسىز شيەلەنىستى
حالىق گازەتىنىڭ كورەيادا تۇراتىن ءتىلشىسى ما فەي
2019.10.16 16:12 كەلۋ قاينارى : حالىق تورابى
حالىق تورابى، 10 – ايدىڭ 16 – كۇنى، بەيجيڭ. كورەيا مەن جاپونيا جۋىردا جەنەۆادا دۇنيە جۇزىلىك ساۋدا ۇيىمىنىڭ داۋ - شار شەشۋ مەحانيزمى استىنداعى مەكەمە باستىعى دارەجەلى كەڭەس وتكىزىپ، ەكى جاق ەشقانداي كەلىسىمگە كەلە المادى. كورەيانىڭ باس ۋاكىلى، ونەركاسىپ ساۋدا بايلىعى مينيسترلىگىنىڭ جاڭا ساۋدا ءتارتىبى سەلبەستىك ءمانساپتىسى ديڭ حايگۋان بىلاي دەدى: ەكى جاق ىشكەرىلەي اقىلداسۋدى قاجەت ەتەدى ءارى ديپلوماتيالىق ارنا ارقىلى كەلەسى جولعى كەڭەس كۇنتارتىبىن بەلگىلەيدى. ەگەر تولىق اقىلداسقاننان كەيىن دە بىرلىككە كەلە الماسا، كورەيا دۇنيە جۇزىلىك ساۋدا ۇيىمىنا ماماندار گرۋپپاسىن قۇرىپ، وسى جونىندە تەكسەرۋ جۇرگىزۋدى تالاپ ەتەدى. وڭتۇستىك كورەيا مەن جاپونيا ەكونوميكا - ساۋدا قاقتىعىسىنىڭ ۇزاققا سوزىلۋى ەكى ەل قاتىناسىن ۇزدىكسىز ۋشىقتىردى، وسىدان تۋىلعان حالىق اراسىنداعى تەجەۋ پيعىلى ۇزدىكسىز جوعارىلادى. كورەيانىڭ ەل ىشىندە بۇقارا «جاپونياعا قارسى تۇرۋ» قوزعالىسىن دابىرالى ورىستەتىپ، جاپونيانىڭ تاۋارلارىنىڭ ساتىلۋ مولشەرى، جاپونياعا ساياحاتتاي بارعاندار سانى قاتارلىلارعا كورنەكتى ىقپال جاسادى.
كورەيا حالىقارالىق راديو ستانسياسىنىڭ حابارلاۋىنشا: بيىل 8 – ايدا، كورەيادان جاپونياعا باراتىن ساياحاتشى سانى بۇرىنعى ۇقساس مەزگىلدەگىنىڭ جارىمىنا تاياۋ ازايعان، 1 – ايدان 8 – ايعا دەيىن جاپونياعا باراتىن ساياحاتشى سانى ۇقساس مەزگىلدەگىدەن %9.3 پايىز ازايعان. جاپونياعا باراتىن ساياحاتشى سانى ۇزدىكسىز ازايىپ، جاپونيا مالۆيناس ارالىنىڭ ەكونوميكاسىنا اۋىر سوققى بولدى، مالۆيناس ارالىندا ساياحات، اس – سۋ سالاسىمەن شۇعىلداناتىن جاپوندىقتار مەن كورەيالىق مۇھاجىرلار قيىنشىلىق قىسپاعىندا قالدى، مالۆيناس قالالىق ۇكىمەت جاپونيا ۇكىمەتىنە شۇعىل قازىنالىق كومەك بەرۋدى ءوتىنىش ەتتى.
كورەيانىڭ حالىق اراسىندا «جاپونيا تاۋارىن شەكتەۋ» قيمىلىنىڭ ىقپالىنان جاپونيانىڭ اۆتوموبيل، سىرا، كيىم - كەشەك، بەزەنۋ بۇيىمدارى اۋىر سوققىعا ۇشىرادى. وڭتۇستىك كورەيا يمپورت اۆتوموبيل قوعامى جاريالاعان ساندى مالىمەتتە كورسەتىلۋىنشە، جاپونيا اۆتوموبيلىنىڭ وڭتۇستىك كورەيا بازارىندا ساتىلۋ مولشەرى ءۇرتىس ازايعان. 7 – ايدان باستاپ كورەيادا جاڭادان تىزىمگە الدىرعان جاپونيانىڭ اۆتوموبيل سانى كۇرت تومەندەگەن. 7 – اي مەن 8 – ايدا جاڭادان تىزىمدەلگەن جاپونيا اۆتوموبيلدەرىنىڭ سانى وتكەن جىلعى ۇقساس مەزگىلدەگىدەن جەكە – جەكە %17.2 جانە %56.9 ازايعان، 9 – ايدا بىلتىرعى ۇقساس مەزگىلدەگىدەن %59.8 ازايعان، تومەندەۋ مولشەرى ۇزدىكسىز كەڭەيدى. وسىنداي جاعدايدا، جاپونيا تاۋارلارىن كورەيادا ءوندىرۋشى جاقتار ساتۋ تورابى مەن كاسىپتىك اينالىم قۇرىلىمىن رەتكە سالاتىندىعىن جاريالادى. جاپونيا تاۋارىن كورەيادا ءوندىرۋشى جاقتار بىلاي دەدى: كوريادا وندىرىلگەن جاپونيا تاۋارلارى كورەيا بازارىندا شىنىندا قيىن ـ قىستاۋ جاعدايعا ءدوپ كەلىپ وتىر، بۇل كاسىپ اينالىمىنىڭ ەڭ تاماشا بولۋىن ىلگەرىلەتۋدى قاجەت ەتەدى.
جاپونيانىڭ ەكسپورتتى شەكتەۋ شاراسىنىڭ سەبەبىنەن زيان شەككەن كورەيا كاسىپورىندارى جونىنەن دە كورەيا ۇكىمەتى كوپ جاقتان كومەك بەرۋ شارالارىن قولدانىپ وتىر، قازىر زيان شەككەن وڭتۇستىك كورەيا كاسىپورىندارىنا 800 ميلليارد كورەيا ۋونى (ءبىر امەريكا دوللارى شامامەن 1215 كورەيا ۋونى) فينانستىق كومەك بەرىلگەن. كورەيانىڭ پرەزيدەنتى مۋن جە ـ ين بىلاي دەدى: ۇكىمەت، كاسىپورىن جانە حالىقتىق تاراۋلار بىرگە قۇلشىنىپ، جاپونيانىڭ ساۋدانى شەكتەۋ شارالارىنا ءونىمدى تۇردە توتەپ بەرىپ، يمپورت قاينارىن كوپ نەگىزدەندىرۋ، تەحنيكانى ەل ىشىندە ءوندىرۋ، ءىرى كاسىپورىندار مەن ورتاشا، شاعىن كاسىپورىنداردىڭ سەلبەستىگى سياقتى جاقتاردا كوپتەگەن تابىستارعا قول جەتكىزدى. قاتىستى تاراۋلار كاسىپورىنداردىڭ پىكىرىن مۇقيات تىڭداپ، كاسىپورىندار ءدوپ كەلىپ وتىرعان ءتۇرلى قيىنشىلىقتاردى بەلسەنە شەشۋى كەرەك.
ەكونوميكا - ساۋدا قاقتىعىسىندا ۇزاققا سوزىلعان بەتالىس جارىققا شىققان جاعدايدا دا، تاريحي ماسەلەلەر ەكى ەل اراسىنداعى كولدەنەڭ كەدەرگىگە اينالىپ، ەكى ەل قاتىناسىن ۇزدىكسىز ۋشىقتىرىپ وتىر. 9 – ايدىڭ 27 – كۇنى جاپونيا ۇكىمەتى 2019 - جىلعى «قورعانىس اق تىستى كىتابىن» ماقۇلداپ، 2005 - جىلدان بەرى ءۇرتىس 15 جىل بويى «جۋداۋ ارالىنىڭ» (كورەيا دۋداۋ ارالى دەپ اتايدى) يەلىك ۇقىعىن دارىپتەدى. وڭتۇستىك كورەيا ۇكىمەتى بۇعان قاتاڭ نارازىلىق ءبىلدىردى ءارى جاپونيانىڭ دۋداۋ ارالىنىڭ يەلىك ۇقىعىنا سوقتىعاتىن ءارقانداي ارەكەتىنە باتىل توتەپ بەرەتىندىگىن ءبىلدىرىپ، جاپونيا جاقتىڭ بۇل قۋاتتامانى دەرەۋ قايتارىپ الۋىن قۋزادى.
كورەيانىڭ جاپونيادا تۇراتىن باس ەلشىسى نانگۋانپۋ بىلاي دەدى: كورەيا - جاپونيا قاتىناسى اۋىر سىنعا ءدوپ كەلىپ وتىر، كورەيا ۇكىمەتى تاريحتان قالعان ماسەلەلەر مەن ەكى جاقتى سەلبەستىككە پارىقتى مامىلە جاساۋ باعىتىنا تاباندى بولىپ، وسى نەگىزدە جاپونيا ۇكىمەتىمەن ءار دارەجەلى پىكىرلەسۋ مەن كەڭەسۋدى ساقتاپ، تاريحتان قالعان ماسەلەلەر مەن ەكونوميكا - ساۋدا قاقتىعىسى ماسەلەسىن ۇيلەسىمدى شەشۋگە كۇش سالادى. «كورەيا ۇلت گازەتىنىڭ» شولۋىندا بىلاي دەگەن: كورەيا مەن جاپونيا قاتىناسىنىڭ كەزەكتەگى اۋقىم بويىنشا جۇرە بەرۋىنە بولمايدى. ەكى ەل قاتىناسىنىڭ ۋشىعۋى ەكى جاققا دا زيان سالادى. ەكى ەل ۇكىمەتى بارلىق ورايدى قولدان بەرمەي كەلىسسوز وتكىزىپ، قازىرگى تالاس - تارتىستى لايىقتى شەشۋ كەرەك.(حالىق گازەتىنىڭ 10 – ايدىڭ 14 – كۇنى سەۋىلدەن بەرگەن حابارى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
