فرانسيا پرەزيدەنتى ماكرون ۋاڭ يمەن كەزدەستى
2019.10.23 13:34 كەلۋ قاينارى : حالىق تورابى
حالىق گازەتى، 10 – ايدىڭ 21 – كۇنى، پاريج (ءتىلشى: ليۋ ليڭليڭ، گى ۋىنبو) جەرگىلىكتى ۋاقىت بويىنشا 10 – ايدىڭ 21 – كۇنى، فرانسيا پرەزيدەنتى ماكرون پاريجدەگى ەليسەي سارايىندا مەملەكەتتىك كەڭەس مۇشەسى ءارى سىرتقى ىستەر مينيسترى ۋاڭ يمەن كەزدەستى.
ماكرون ۋاڭ يدان ءتوراعا شي جينپيڭگە جولداعان ىقىلاستى سالەمى مەن جاقسى تىلەگىن جەتكىزۋدى ءوتىندى. ول مىنانى ءبىلدىردى: ءتوراعا شي جينپيڭ بيىل 3 – ايدا ەلىمىزدە مەملەكەتتىك ىستەرمەن ءساتتى ساپاردا بولدى، مەن ءتوراعا شي جينپيڭمەن فرانسيا مەن جۇڭگونىڭ قارىم – قاتىناسىن ونان ارى دامىتۋ جونىندە ماڭىزدى ورتاق تانىمعا كەلدىك. الدىڭعى اپتادا مەن ءتوراعا شي جينپيڭمەن تەلەفوندا سويلەسىپ، ەكى ەل قارىم – قاتىناسى مەن ناقتى سەلبەستىكتەر جونىندە جان – جاقتى، ىشكەرىلەي پىكىر الماستىردىق. مەن الدا جۇڭگوعا تاعى دا مەملەكەتتىك ساپارمەن بارۋدى ءارى جۇڭگو حالىقارالىق ەكىنشى كەزەكتى يمپورت كورمەسىنە قاتىناسۋدى، فرانسيا مەن جۇڭگونىڭ جالپى بەتتىك ستراتەگيالىق سەرىكتەستىك قارىم – قاتىناسىن جاڭا ساتىعا كوتەرىپ، ەكونوميكا – ساۋدا، اۋىل شارۋاشىلىعى، فينانس، يادرونى حالىق تۇرمىسى سالاسىنا پايدالانۋ، گۋمانيتارلىق سالا قاتارلى جاقتاردا سەلبەستىك جاساۋدىڭ تىڭ قادامىن باسۋدى اسىعا كۇتۋدەمىن.
ۋاڭ ي ماكرونعا ءتوراعا شي جينپيڭنىڭ ىقىلاستى سالەمىن جەتكىزدى. ۋاڭ ي مىنانى ءبىلدىردى: جۇڭگو جاق پرەزيدەنت ماكروننىڭ الدا جۇڭگوعا ساپارلاي كەلۋىن قىزۋ قارسى الادى، بۇل رەتكى ساپار دۇنيە جۇزىندەگى ەكى ءىرى ەلدىڭ، ب م ۇ حاۋىپسىزدىك القالار كەڭەسىندەگى ەكى تۇراقتى مۇشە ەلدىڭ، سونداي – اق، شىعىس پەن باتىس وركەنيەتى ۋاكىلدەرىنىڭ تاعى ءبىر رەت ماڭىزدى ستراتەگيالىق تىلدەسۋ وتكىزۋى ەسەپتەلەدى. جۇڭگو الدا فرانسيانى قامتىعان دۇنيە جۇزىندەگى ءارقايسى ەلدەرگە ەسىكتى اشىق ۇستايدى، پرەزيدەنت ماكروننىڭ جۇڭگو حالىقارالىق ەكىنشى كەزەكتى يمپورت كورمەسىنە قاتىناسۋىن، فرانسيانىڭ اناعۇرلىم مول ساپالى، ەرەكشەلىككە يە ونىمدەرىن تانىستىرۋىن قارسى الادى.
سول كۇنى ۋاڭ ي فرانسيانىڭ سىرتقى ىستەر مينيسترى لە دريانمەن كەڭەس وتكىزدى ءارى ونىمەن بىرگە جۇڭگو – فرانسيا جوعارى دارەجەلى گۋمانيتارلىق اۋىس – كۇيىس جاساۋ مەحانيزمىنىڭ 5 – رەتكى ءماجىلىسىن باسقاردى. مۇنان سىرت، ۋاڭ ي فرانسيانىڭ سىرتقى ىستەر كەڭەسشىسى بونامەن كەزدەستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
