ترامپ تۇركيانى جازالاۋ شاراسىن كۇشىنەن قالدىراتىندىعىن جاريالادى
2019.10.24 13:21 كەلۋ قاينارى : حالىق تورابى
حالىق تورابى، 10 – ايدىڭ 24 - كۇنى، ۆاشينگتون (ءتىلشى جاڭ مىڭشۇي). ا ق ش – نىڭ پرەزيدەنتى ترامپ 10 – ايدىڭ 23 – كۇنى بىلاي دەدى: سيريانىڭ سولتۇستىگىندە سوعىس توقتاتۋ ءىسى ا ق ش – نىڭ كەلىستىرۋمەن ماڭگىلىك سوعىس توقتاتۋعا اينالدى. تۇركيا ۇكىمەتى ا ق ش - نا تۇركيا جاقتىڭ سيريا شەكاراسى ىشىندەگى اسكەري قيمىلىن توقتاتىپ، «ماڭگىلىك» سوعىس توقتاتقانىن ەسكەرتكەندىكتەن، ا ق ش تۇركياعا قاراتىلعان بارلىق جازانى كۇشىنەن قالدىرادى. ترامپ وسى سوعىس توقتاتۋ كەلىسىمىن «ديپلوماتيالىق جەڭىس» دەپ اتادى.
ترامپ ا ق ش اقسارايىندا وسى شەشىمدى ءبىلدىردى. ول بىلاي دەدى: وتكەنبەس كۇن ىشىندە ا ق ش - نىڭ تۇركيا مەن سيريانىڭ شەكاراسىندا سوعىس وتىن توقتاتۋعا كەلىستىرۋى باستان - اياق ءونىمدى بولدى، ونىڭ ۇستىنە وتە جاقسى ورىندالدى. «تۇركيا ۇكىمەتى 10 – ايدىڭ 23 – كۇنى تۇستەن بۇرىن ا ق ش - نا سيرياداعى سوعىس پەن شابۋىلدى اياقتاتىپ، سوعىستى ماڭگى توقتاتاتىنىن ۇقتىردى. سوندىقتان مەن قازىنا مينيسترى منۋشىنعا بىزگە جايسىز جاعداي تۋىلماسا تۇركيانى جازالاۋدى كۇشىنەن قالدىرۋ جونىندە نۇسقاۋ بەردىم.»
ا ق ش قازىنا مينيسترلىگى دە 10 – ايدىڭ 23 – كۇنى مالىمدەمە جاريالاپ، تۇركيانىڭ مەملەكەت قورعانىس مينيسترلىگىنە، ەنەرگيا جانە جاراتىلىستىق بايلىق مينيسترلىگىنە، سونداي - اق مەملەكەت قورعانىس مينيسترىنە، ەنەرگيا جانە جاراتىلىستىق بايلىق مينيسترلىگىنىڭ مينيسترىنە جانە ىشكى ىستەر مينيسترىنە قاراتىلعان جازانى كۇشىنەن قالدىراتىندىعىن ايتتى. الايدا، مالىمدەمە تۇركيانىڭ بولات - تەمىر ونىمدەرىنەن الىناتىن كەدەن سالىعىن كۇشىنەن قالدىرۋ - قالدىرماۋدى اۋىزعا المادى.
وسى ايدىڭ 17 ـ كۇنى تۇركيانىڭ پرەزيدەنتى ەردوعان مەن ا ق ش پرەزيدەنتىنىڭ ورىنباسارى پەنس تۇركيانىڭ استاناسى انكارادا كەڭەس وتكىزدى، ەكى جاق تۇركيا ارمياسىنىڭ سيريانىڭ سولتۇستىگىندە سوعىس توقتاتۋى جانە «حاۋىپسىز رايون» قۇرۋ ماسەلەسى جونىندە كەلىسىمگە كەلدى. 22 – كۇنى رەسەيدىڭ پرەزيدەنتى پۋتين ساپارلاي كەلگەن تۇركيا پرەزيدەنتى ەردوعانمەن سوچيدا كەڭەس وتكىزىپ، سيريانىڭ سولتۇستىك جاعدايى جونىندە تۇسىنىستىك ەسكەرتپەسىنە قول قويدى. تۇركيا مەن رەسەي شەكارا وڭىردە «حاۋىپسىز رايون» قۇرۋ جونىندە ورتاق تانىمعا كەلدى، رەسەي كۇرد قارۋلى كۇشتەرىنىڭ بەلگىلەنگەن ۋاقىت ىشىندە وسى وڭىردەن شەگىنىپ شىعۋىنا سەلبەسەدى، تۇركيا ارمياسى مەن رەسەي ارمياسى تاعى دا «بەيبىتشىلىك بۇلاعى» ارەكەتى رايونىنىڭ شىعىس، باتىس جاعىنداعى 10 كيلومەتر ارالىقتاعى كاميشلي وڭىرىنەن باسقا جەردە بىرلەسىپ شارلاۋ جۇرگىزەدى. قوعامدىق پىكىر بىلاي دەپ قارادى: تۇركيا، ا ق ش، رەسەي ءۇش جاق ۋاقىتتىق ىشتەي كەلىسىمگە كەلدى، سيرياداعى كۇرد ماسەلەسىنىڭ «حالىقارالانۋى» ونان ارى كۇشەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
