جۇڭگو زاڭزۋ مادەنيەتى جونىندە اۋىس – كۇيىس جاساۋ ۇيىرمەسى فرانسيا، گوللانديا، ليتۆا سىندى ءۇش ەلدە ساپاردا بولدى
2019.10.24 14:45 كەلۋ قاينارى : حالىق تورابى
شينحۋا اگەنتتىگى، 10 – ايدىڭ 22 – كۇنى، ۆيلينۆس. مەملەكەتتىك كەڭەس اقپارات كەڭسەسى جىبەرگەن جۇڭگو زاڭزۋ مادەنيەتى جونىندە اۋىس – كۇيىس جاساۋ ۇيىرمەسى 10 – ايدىڭ 14 – كۇنىنەن 22 – كۇنىنە دەيىن فرانسيا، گوللانديا، ليتۆا ەلدەرىندە ساپاردا بولدى. اتالعان ۇيىرمەگە شيزاڭ اۆتونوميالى رايونىنىڭ شەتەلمەن مادەنيەت جاعىندا اۋىس - كۇيىس جاساۋ بىرلەستىگىنىڭ باس حاتشىسى جينمەي ۋاڭسو ۇيىرمە باستىعى بولعان، ۇيىرمە مۇشەلەرى بەيجيڭ مەن شيزاڭداعى كادرلاردان، زاڭزۋ تانۋشىلاردان جانە زاڭزۋشا شيپاگەرلەردەن ۇيىمداسقان.
اۋىس – كۇيىس جاساۋ ۇيىرمەسى پارلامەنت مۇشەلەرى جانە ساياسي قايراتكەرلەر، جەرگىلىكتى ءمانساپتىلار، ۋنيۆەرسيتەتتەگى وقىتۋشى – وقۋشىلار، جۇڭگوعا تىلەكتەس ۇيىمداردىڭ جاۋاپتىلارى، حۋارىن – حۋاچياۋلار قاتارلى ءتۇرلى سالاداعىلارمەن اڭگىمە وتكىزىپ، شەتەل جاقتىڭ ىقىلاستى قارسى الۋىنا بولەندى.
اۋىس – كۇيىس جاساۋ ۇيىرمەسى اڭگىمە ءماجىلىسىن وتكىزۋ، لاما دىنىندەگى كەگەننىڭ قايتا ءتىرىلۋى جانە زاڭزۋ شيپاگەرلىگىنىڭ دامۋى جونىندە ارناۋلى تاقىرىپتىق بايانداما ءماجىلىسىن وتكىزۋ، سۇحبات بەرۋ، جەرگىلىكتى مانساپتىلارمەن كەزدەسۋ قاتارلى فورمالارمەن ءوز باسىنان كەشكەندەرىن بايانداۋ ارقىلى شيزاڭنىڭ دەموكراتيالىق جولمەن رەفورما جاساعان 60 جىلدان بەرگى ۇلتتار ىنتىماعى، ەكونوميكالىق جانە قوعامدىق دامۋى، شەتەلگە ەسىك اشۋى سىندى جاقتارداعى احۋالدارىن جاندى تانىستىرىپ، زاڭزۋ مادەنيەتىنىڭ جۇڭحۋا مادەنيەتىنىڭ قۇندى اسىلى ەكەنىن ءىس جۇزىندىك مىسالدارمەن ءتۇسىندىرىپ، دالاي توبىنىڭ شەتەلدە تاراتقان وسەك – اياڭدارىنا تويتارىس بەردى.
اۋىس – كۇيىس جاساۋ ۇيىرمەسى فرانسيانىڭ پارلامەنتى مەن كەڭەستىك پالاتاسىندا، گوللانديانىڭ سىرتقى ىستەر مينيسترلىگى مەن گوللانديا – جۇڭگو دوستىق بىرلەستىگىندە، امستەردام ەركىندىك ۋنيۆەرسيتەتىندە، ليتۆانىڭ رومەريس ۋنيۆەرسيتەتىندە، ماگنۋس ۋنيۆەرسيتەتىندە شەتەل جاقتاعىلارمەن ىشكەرىلەي اڭگىمەلەستى ءارى سۇراۋلارعا جاۋاپ بەرىپ، ىقپالداستىق ورىستەتتى. شەتەل جاق جۇڭگو زاڭزۋ تانۋ عىلىمى زەرتتەۋ ورتالىعىنىڭ زەرتتەرمەنى لي دىچىڭنىڭ لاما دىنىندەگى كەگەننىڭ قايتا ءتىرىلۋى ءتۇزىمىن جۇيەلى تانىستىرعان سوڭ، تانىستىرۋدىڭ مازمۇنى باي بولعانىن ءبىلدىرىپ، ءبىر جاقتىڭ سوزىنە عانا سەنۋدەن ساقتانۋعا كومەكتەسكەنىن ايتىپ ماقتادى.
ساپارلاي بارۋ بارىسىندا، اۋىس – كۇيىس جاساۋ ۇيىرمەسى كەزىندە شيزاڭعا ساپارلاي بارعاندارعا امانداسا باردى ءارى قاتىستى ۋنيۆەرسيتەتتەر قاتارلى قۇرىلىمدارمەن اۋىس – كۇيىس جاساۋ جانە سەلبەسۋدى ىشكەرىلەي ورىستەتۋ جونىندە ورتاق تانىمعا كەلدى. اۋىس – كۇيىس جاساۋ ۇيىرمەسى 10 – ايدىڭ 22 كۇنى ليتۆانىڭ استاناسى ۆيلينۋستان اتتانىپ، ەۆروپاداعى ءۇش ەلدەگى ساپارىن اياقتاتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
