جاپونيانىڭ وكيناۋا اۋدانىنداعى ريۋكيۋ پاتشالىعى استاناسىنىڭ جۇرتىنا ءورت كەتتى
2019.11.01 13:45 كەلۋ قاينارى : حالىق تورابى
حالىق تورابى، 10 – ايدىڭ 31 – كۇنى، توكيو (ءتىلشى: ليۋ جۇنگو) جاپونيانىڭ وكيناۋا اۋدانى ناحا قالاسىنداعى ريۋكيۋ پاتشالىعى استاناسىنىڭ جۇرتى — شۋري جامبىلىنا 10 – ايدىڭ 31 – كۇنى تاڭ سارىدە كەنەتتەن ءورت كەتىپ، ءتور ساراي، تەرىستىك ساراي جانە تۇستىك سارايدى شارپىعان، كولەمى 4200 شارشى مەتر كەلەتىن 7 قۇرىلىس ورتەندى. ماڭىنداعى جۇرتشىلىقتان كەمىندە 30 ادام ۋاقىتتىق كوشىرىلدى، قازىرگە دەيىن جارالانعان ادام جوق.
ناحا قالاسى ءورت ءوشىرۋ مەكەمەسىنىڭ سول كۇنى تاڭەرتەڭ وتكىزگەن تىلشىلەردى قابىلداۋ جيىنىندا ايتۋىنشا، سول كۇنى تاڭ ءسارى ساعات 2دەن 40 مينۋت وتكەندە، شۋري جامبىلىنىڭ اماندىعىن قورعاۋ سەرىكتەستىگى ءورت ءوشىرۋ ساقشىسىنا تەلەفون سوعىپ، شۋري جامبىلىنا ءورت كەتكەنىن حابارلاعان. ناحا قالالىق ءورت ءوشىرۋ مەكەمەسىنىڭ ايتۋىنشا، قازىرگە دەيىن ءورت ءوشىرۋ ماشينالارىنان 30 ماشينانى، ءورت ءوشىرۋشى قىزمەتكەرلەردەن 100 نەشە ادامدى ءورت وشىرۋگە جىبەرگەن. ءتور ساراي، تەرىستىك ساراي جانە تۇستىك سارايدىڭ ءبارى اعاشتان جاسالعاندىقتان، تۇگەلدەي ورتەنىپ كەتكەن. ءورتتىڭ سەبەبى تەكسەرىلۋدە.
10 – ايدىڭ 27 – كۇنىنەن باستاپ، سول ارادا «شۋري جامبىلى مەرەكەسى» وتكىزىلگەن، مەرەكەدە ريۋكيۋ پاتشا سارايىنىڭ سالتى وتكىزىلگەن. ۇعىسۋعا قاراعاندا، قاتىستى ادامدار 10 – ايدىڭ 30 – كۇنى ءتۇن ورتاسىنا دەيىن سول ارادا قىزمەت ىستەگەن، الايدا ءورت كەتكەن كەزدە ول جەردە ادام قالماعان.
شۋري جامبىلى 500 جىلدىڭ الدىندا سالىنعان، ريۋكيۋ پاتشالىعىنىڭ اكىمشىلىك ورتالىعى جانە مادەنيەت ورتالىعى بولعان، وسىدان بۇرىن كوپ رەت ورتەنگەن، 1992 – جىلى شۋري جامبىلىنىڭ نەگىزگى سارايى قاتارلى قۇرىلىستار تاريحي ماتەريالدارعا ساي جوندەلگەن، قايتا سالىنعان. 2000 – جىلى ريۋكيۋ پاتشالىعى استاناسىنىڭ جۇرتىنداعى شۋري جامبىلىن قامتىعان قۇرىلىستار يۋنەسكو جاعىنان الەمدىك مادەنيەت مۇراسى بولىپ بەكىتىلگەن. بىلتىر 12 – ايعا دەيىن، شۋري جامبىلىنا 60 ميلليون ادام – رەت ساياحاتشى بارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
