جيناقتى حابار: حالىقارالىق قوعام ا ق ش پارلامەنتى قاۋىمدىق پالاتاسىنىڭ شينجياڭعا قاتىستى زاڭ جوباسىن ماقۇلداعانىن جازعىردى
2019.12.09 16:43 كەلۋ قاينارى : حالىق تورابى
شينحۋا اگەنتتىگى، 12 – ايدىڭ 8 – كۇنى، بەيجيڭ. شينحۋا اگەنتتىگىنىڭ شەتەلدەگى تىلشىلەرىنىڭ جيناقتى حابارى: ا ق ش پارلامەنتى قاۋىمدىق پالاتاسى جۇڭگو جاقتىڭ قاتاڭ قارسى تۇرۋىنا قاراماي، «2019 – جىلعى ۇيعۇرلاردىڭ كىسىلىك ۇقىق ساياساتى زاڭ جوباسىن» ماقۇلدادى، حالىقارالىق قوعام: «ا ق ش – تىڭ بۇل ارەكەتى جۇڭگونىڭ ىشكى ىستەرىنە اۋىر دارەجەدە كيلىگۋ، شينجياڭنىڭ كىسىلىك ۇقىق جاعدايىن قاساقانا داتتاپ، جۇڭگونىڭ لاڭكەستىككە قارسى تۇرۋ جانە ۇشقارىلىقتى الاستاۋداعى قۇلشىنىستارىن قارالاپ، ا ق ش – تىڭ لاڭكەستىككە قارسى ماسەلەلەردەگى ەكى جاقتى ولشەم قولدانعانىن ايپاراداي اشىپ تاستادى». — دەپ قارادى.
سيريانىڭ سىرتقى ىستەر مينيسترلىگى مالىمدەمە جاريالاپ، ا ق ش پارلامەنتى قاۋىمدىق پالاتاسىنىڭ شينجياڭعا قاتىستى زاڭ جوباسىن ماقۇلداۋى حالىقارالىق زاڭعا قايشى، جۇڭگونىڭ ىشكى ىستەرىنە اشىقتان – اشىق كيلىككەندىك دەپ جازعىردى. جۇڭگو ۇكىمەتى «ءۇش ءتۇرلى كۇشكە» سوققى بەرۋگە كۇش سالىپ، حالىقارالىق قوعامنىڭ لاڭكەستىككە قارسى تۇرۋ ىستەرىنە ۇلەس قوستى. جۇڭگو يەلىك ۇقىعىن، تەرريتوريا تۇتاستىعىن جانە مەملەكەت حاۋىپسىزدىگىن قورعاۋعا ۇقىقتى.
يران سىرتقى ىستەر مينيسترلىگى مالىمدەمە جاريالاپ، مىنانى اتاپ كورسەتتى: يەلىك ۇقىقتى مەملەكەتتىڭ ىشكى ىستەرىنە كيلىگۋ ا ق ش – تىڭ «ۇنەمىلىك» ارەكەتىنە اينالدى. ا ق ش سياقتى جەرگىلىكتى ينديانداردىڭ تۇقىمىن قۇرتىپ، افريكالىقتاردى قۇلدانۋ تاريحى بار، افعانستان، يراق، سيريا، ليۆيا، يەمەن قاتارلى مەملەكەتتەرگە قىرعىنداۋ جۇرگىزگەن مەملەكەتتىڭ، كىسىلىك ۇقىق جانە ءناسىل ماسەلەسى، سونداي – اق، باسقا مەملەكەتتەردىڭ ۇلتتىق ىستەرى جونىندە سان ساققا جۇگىرتىپ پىكىر بىلدىرۋگە مۇلدە تولىمدىلىعى جوق.
فرانسيانىڭ جۇڭگو ماسەلەسىن زەرتتەيتىن مامانى سونيا برەيسلاي شينجياڭعا بىرنەشە رەت ساپارلاي بارعان. ونىڭ نازارىندا شينجياڭ كوپ ۇلت جاراسىمدىلىقپەن بىرگە تۇرىپ جاتقان جەر. ول مىنانى ءبىلدىردى: ا ق ش پارلامەنتى قاۋىمدىق پالاتاسىنىڭ شينجياڭعا قاتىستى زاڭ جوباسىن ماقۇلداۋى ا ق ش – تىڭ زورەكەرلىك يدەياسىن ايگىلەدى. «كىسىلىك ۇقىق» تەك ا ق ش – تىڭ الەۋمەتتىك اڭىستى الجاستىرۋدا پايدالاناتىن جەلەۋى عانا.
ەگيپەت سىرتقى ىستەر كوميتەتىنىڭ مەڭگەرۋشىسى يزات اساد ەكى جىلدىڭ الدىندا ۇرىمجىگە ساپارلاي كەلگەن. ول مىنانى ءبىلدىردى: شينجياڭنىڭ ەكونوميكاسىنىڭ دامۋى مەن قوعامىنىڭ العا باسۋى لاڭكەستىككە قارسى تۇرۋ جانە ۇشقارىلىقتى الاستاۋ شارالارىمەن تىعىز قاتىستى. شينجياڭنىڭ ىستەرى جۇڭگونىڭ ىشكى ىستەرى، ەشقانداي مەملەكەتتىڭ كيلىگەتىن ۇقىعى جوق. ا ق ش - تىڭ جەكە مۇددەسىن نەگىز ەتىپ، اتالمىش «كىسىلىك ۇقىق ماسەلەسىن» جەلەۋ ەتىپ، جۇڭگونىڭ ىشكى ىستەرىنە كيلىگۋى قوقانلوقى جاساۋ بولىپ ەسەپتەلەدى.
افعانستاننىڭ «افعانستان كۇندەلىكتى كۇزەت گازەتىنىڭ» ارناۋلى ايدارشا جازۋشىسى عاجاتۋللا زيانىڭ ايتۋىنشا، ا ق ش پارلامەنتى قاۋىمدىق پالاتاسىنىڭ شينجياڭعا قاتىستى زاڭ جوباسىن ماقۇلداۋى جۇڭگونىڭ ىشكى ىسىنە دورەكىلىكپەن كيلىككەندىك، ونىڭ لاڭكەستىككە قارسى تۇرۋ ماسەلەسىندە ەكى جاقتى ولشەم قولدانۋى ازيا مەن ورتا شىعىستاعى ەلدەردە كوپتەگەن اۋىرتپالىق تۋدىردى. ءارقانداي مەملەكەتتەگى ۇكىمەتتىڭ «ءۇش ءتۇرلى كۇشكە» سوققى بەرۋ شارالارىن اتقارىپ، لاڭكەستىكتىڭ حاۋىپ – قاتەرىن الاستاۋ ۇقىعى بار.
كەنيانىڭ ا ق ش حالىقارالىق ۋنيۆەرسيتەتى الەۋمەتتىك ساياسات عىلىمى لەكتورى ستەفەن ندەگۋا بىلاي دەدى: ا ق ش پارلامەنتى قاۋىمدىق پالاتاسىنىڭ شينجياڭعا قاتىستى زاڭ جوباسىن ماقۇلداۋى جۇڭگونىڭ يەلىك ۇقىعىنا اشىقتان – اشىق سۇعاناقتىق جاساعاندىق. جۇڭگو ۇكىمەتى شينجياڭدا اتقارعان لاڭكەستىككە قارسى تۇرۋ جانە ۇشقارىلىقتى الاستاۋ شارالارىنىڭ ۇيلەسىمسىز جەرى جوق، شينجياڭدا ءۇش جىل بويى زورلىقتى كۇش، لاڭكەستىك وقيعاسى تۋىلعان جوق، حاۋىپسىزدىك جاعدايى كورنەكتى جاقساردى. ا ق ش قاتارلى باتىس ەلدەرى جۇڭگونىڭ ىشكى ىسىنە ءجونسىز كيلىگۋدى توقتاتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
