يران باستىرىلۋ وقيعاسىنداعى قازا بولعاندار سانى 56 عا جەتتى

2020.01.08 17:20   كەلۋ قاينارى : حالىق تورابى

　　شينحۋا اگەنتتىگى، تەھيران، 1-ايدىڭ 7-كۇنى

　　يران اقپارات قۇرالدارىنىڭ حابارىنا قاراعاندا، 1-ايدىڭ 7-كۇنى يران كەرمان قالاسىندا، يسلام توڭكەرىستىك قورعاۋشىلار قوسىنىنا قاراستى «قاسيەتتى قالا جاساعىنىڭ» قولباسشىسى كاسىم. سۇلەيمەندى جەرلەۋ سالتىندا باستىرىلۋ وقيعاسى تۋىلدى، قازىر قازا بولعان ادام سانى 56 عا جەتتى. يران تەلەۆيزيا ستانسياسى يران شۇعىل ەمدەۋ قىزمەت وتەۋ ورتالىعىنىڭ جاۋاپتىسى پيلحوۋ ساين. كۆليۆاندتىڭ سوزىنەن سيتات كەلتىرىپ بىلاي دەپ حابارلادى : باستىرىلۋ وقيعاسىندا، كەم دەگەندە 56 ادام قازا بولىپ، 213 ادام جارالاندى.

　　يران تەلەۆيزيا ستانسياسى بۇدان بۇرىن باستىرىلۋ وقيعاسىندا 35 ادام قازا بولىپ، 48 ادام جارالانعان دەپ حابارلاعان بولاتىن. ا ق ش ارمياسىنىڭ اۋە شابۋىلىنان قازا بولعان سۇلەيمەن سول كۇنى تۋعان جەرى كەرمەندە جەرلەندى، يراننىڭ نەشە ءجۇز مىڭ جەرگىلىكتى بۇقاراسى سۇلەيمەندى اتتاندىرىپ سالدى، وسى ارالىقتا باستىرىلۋ وقيعاسى تۋىلدى. يران تەلەۆيزيا ستانسياسى تاراتقان كەسكىنگە نەگىزدەلگەندە، كەيبىرەۋلەر جولدا سۇلىق جاتسا، كەيبىرەۋلەرى ايعايلاپ كومەك سۇراعان، قۇتقارۋشىلار ناق مايداندا قۇتقارۋ جۇرگىزگەن.

　　باستىرىلۋ وقيعاسى تۋىلعاندىعى سەبەپتى سۇلەيمەندى جەرلەۋ سالتى ارتقا كەشىكتىرىلدى. يران پرەزيدەنتى رۋحاني باستىرىلۋ وقيعاسىندا قازا بولعانداردىڭ وتباسىنداعىلاردان حال سۇرادى. 1-ايدىڭ 3-كۇنى، سۇلەيمەن يراقتىڭ باعدات حالىقارالىق اۋەجايىنىڭ سىرتىندا ا ق ش ارمياسىنىڭ اۋە شابۋىلىنان قازا بولدى. وسىدان كەيىن يراننىڭ ەڭ جوعارى كوسەمى حامەني مالىمدەمە جاريالاپ، يران وسى وقيعاعا قاراتا« قاتتى كەك الاتىندىعىن» ايتتى.

　　كەلۋ قاينارى: حالىق تورابى