ۋاڭ ي 30 جىل بويى ءار جىلى الدىمەن افريكاعا ساپارلاي بارۋدىڭ سەبەبى جونىندە توقتالدى
2020.01.13 13:44 كەلۋ قاينارى : حالىق تورابى
حالىق تورابى، 1 – ايدىڭ 13 – كۇنى، بەيجيڭ. شينحۋا اگەنتتىگىنىڭ ءتىلشىسى جاڭ يۇيلياڭنىڭ 1 – ايدىڭ 12 - كۇنى حارارەدەن بەرگەن حابارى: جەرگىلىكتى ۋاقىت1 – ايدىڭ 12 – كۇنى مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي حارارەدە زيمبابۆەنىڭ سىرتقى ىستەر مينيسترىمەن جانە حالىقارالىق ساۋدا مينيسترىمەن بىرگە تىلشىلەردى قابىلداعاندا، جۇڭگونىڭ سىرتقى ىستەر مينيسترى نە ءۇشىن 30 جىل بويى ٵر جىلعى العاشقى ساپارىنىڭ ات باسىن افريكاعا تىرەيدى دەگەن سياقتى قاتىستى سۇراقتارعا جاۋاپ بەردى.
ۋاڭ ي بىلاي دەدى: جۇڭگونىڭ سىرتقى ىستەر مينيسترى ٵر جىلعى تۇڭعىش ساپارىندا ءسوزسىز افريكاعا بارۋى كەرەك، بۇل داستۇرگە تاباندى بولعالى 30 جىل بولدى. حالىقارالىق بارىس - كەلىستە، بۇل ٵدىس ۇلكەن وزگەشەلىك ەسەپتەلىنەدى. جۇڭگو اۋەلگى ماقساتتى وزگەرتپەي، تاباندى بولىپ كەلەدى.
بۇل، ەڭ الدىمەن، جۇڭگو مەن افريكانىڭ دوستىعىنىڭ، تاۋقىمەتتى بىرگە تارتقان وزگەشە سۇيىسپەنشىلىگىنىڭ نەگىزى. جۇڭگو ـ افريكا دوستىعىنىڭ تاريحى ۇزاق، وتە ـ موتە، تاياۋ زاماننان بەرى، ەكى جاق مەملەكەتتىڭ تاۋەلسىزدىگى مەن ۇلتتىڭ ازاتتىعىنا قول جەتكىزۋ بارىسىندا تاۋقىمەتتى بىرگە تارتىپ، ٶزارا قولداپ، تۋىسقاندىق سۇيىسپەنشىلىك ورناتىپ، ءبىر ـ بىرىنە سەنەتىن جاقسى دوسقا اينالدى. وسىدان كەيىنگى ءبىز ٵرقايسىمىزدىڭ دامۋ - قۇرىلىس مەزگىلىندە، قول ۇستاسا العا باسىپ، ءوزارا پايدا جەتكىزىپ، تەڭ يگىلىككە كەنەلەتىن جاقسى سەرىككە اينالدىق. نەشە ون جىلدان بەرى، حالىقارالىق جاعداي قانداي بولسا دا، جۇڭگو ـ افريكا دوستىعى باستان ـ اياق ۋاقىت وتكەن سايىن بەكەمدەلىپ، ۇرپاقتان ـ ۇرپاققا جالعاسىپ، سىننان ءوتىپ، كەدەرگىلەردى الاستاپ، حالىقارالىق قاتىناستىڭ ۇلگىسىنە، وڭتۇستىك پەن وڭتۇستىك سەلبەستىگىنىڭ ۇلگىسىنە اينالدى.
ەكىنشى، جۇڭگو مەن افريكانىڭ سەلبەستىكتى تەرەڭدەتۋىنىڭ، بىرگە دامۋىنىڭ رەال قاجەتى. جۇڭگو − ەڭ ۇلكەن دامۋ جولىنداعى ەل، افريكا − دامۋ جولىنداعى ەلدەر ەڭ شوعىرلانعان قۇرلىق. ءبىز تابيعي سەلبەستىك سەرىكپىز، ٶزارا ارتىقشىلىعىمىزدى ساۋلەلەندىرەتىن، سەلبەستىك كەڭىستىگى مەن كومەسكى كۇشىمىز بار. تاياۋ جىلداردان بەرى، جۇڭگو ـ افريكا سەلبەستىك تالقى مىنبەسىنىڭ قۇرىلۋى، جۇڭگو ـ افريكا اناعۇرلىم تىعىز تاعدىرلاس ورتاق تۇلعا قۇرۋ ورتاق تانىمى، جۇڭگو ـ افريكا «ءبىر بەلدەۋ، ءبىر جولدى» بىرگە قۇرۋ جانە جۇڭگو ـ افريكا ءوندىرىس قۋاتى سەلبەستىگىن الدىمەن اتقارىپ، الدىمەن سىناق ەتۋ سياقتىلاردىڭ بارلىعى جۇڭگو ـ افريكا قارىم ـ قاتىناسى تاريحىندا اشىق ىقپال تۋدىرىپ، جۇڭگو ـ افريكا سەلبەستىگىنىڭ جاڭا داۋىرگە ءوتۋىن ىلگەرىلەتتى. جۇڭگو افريكانىڭ دامۋ بولاشاعىنا، جۇڭگو ـ افريكا سەلبەستىگىنىڭ بولاشاعىنا ۇلكەن سەنىممەن قارايدى، جۇڭگو ـ افريكا سەلبەستىگىن حالىقارانىڭ افريكامەن بولعان سەلبەستىگىنىڭ الدىڭعى لەگىندە بولۋىن ۇزدىكسىز ىلگەرىلەتەدى.
ءۇشىنشى، جۇڭگو مەن افريكانىڭ حالىقارالىق سەلبەستىكتى كۇشەيتىپ، ورتاق مۇددەنى قورعاۋداعى ماڭىزدى بورىشى. بۇگىنگى دۇنيە ءجۇزى بەيبىتشىلىكتەن بارعان سايىن ايرىلىپ بارادى، اسىرەسە سوڭعى جىلداردان بەرى ءبىر جاقتىڭ زاڭىن دارىپتەۋشىلىك ءورشىپ كەلەدى، وكتەمدىك ساياسي باس كوتەرىپ، قىرعيقاباقتىق وي جەلىسى قايتادان باس كوتەرىپ كەلەدى، افريكانى قامتىعان قالىڭ دامۋ جولىنداعى ەلدەردىڭ ءبارى دە اۋىر زيانعا ۇشىرادى. جۇڭگو مەن افريكا اراسىنداعى قارىم ـ قاتىناستى، سايكەسۋدى كۇشەيتىپ، ىنتىماقتىڭ كۇشىن ايگىلەپ، ورتاق ءۇن قاتىپ، جۇڭگو مەن افريكا حالقىنىڭ سىرتتىڭ كيلىگۋىنە قارسى تۇرۋ، ادىلدىك پەن ادىلەتتىلىككە تالپىنۋ، اناعۇرلىم جاقسى تۇرمىس كەشىرۋ سىندى ورىندى ۇقىعىن ويداعىداي قورعاۋى قاجەت.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
