رەسەي جاڭا كەزەكتى ۇكىمەتتى ۇيىمداستىردى
2020.01.22 15:43 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 21 - كۇنى، ماسكەۋ (ءتىلشى جاڭ جييە). رەسەيدىڭ پرەزيدەنتى پۋتين 1 - ايدىڭ 21 - كۇنى پرەزيدەنت بۇيرىعىنا قول قويىپ، رەسەي فەدەراتسياسىنىڭ بيلىك جۇرگىزۋ ورگانىنىڭ قۇرىلىمىن تۇراقتاندىردى ءارى پرەمەر مينيستردىڭ ورىنباسارى، مينيسترلەر قاتارلى جاڭا كەزەكتى بيلىك كەڭسەسىنىڭ مۇشەلەرىن تاعايىندادى.
كرەمل سارايى رەسمي توراپ بەكەتى جاريالاعان پرەزيدەنت بۇيرىعىنا نەگىزدەلگەندە، رەسەيدىڭ جاڭا كەزەكتى ۇكىمەتىنە پرەمەر مينيستردىڭ 9 ورىنباسارى قويىلعان، مۇنىڭ ىشىندە بەلوۋسوۆ پرەمەر مينيستردىڭ ءبىرىنشى ورىنباسارى بولدى؛ گريگورەنكو پرەمەر مينيستردىڭ ورىنباسارى، قوسىمشا ۇكىمەت كەڭسەسىنىڭ مەڭگەرۋشىسى بولدى؛ ترۋتنەۆ پرەمەر مينيستردىڭ ورىنباسارى، قوسىمشا پرەزيدەنتتىڭ قيىر شىعىس رايونىنداعى تولىق ۇقىقتى ۋاكىلى بولدى.
پرەزيدەنت بۇيرىعىندا 21 مينيستردىڭ ەسىمدىگى جاريالاندى، مۇنىڭ ىشىندە جارىمىنا جۋىعى تىڭنان بوي كورسەتتى، ولار ەكونوميكالىق دامۋ مينيسترلىگى، ءادىليا مينيسترلىگى، ەڭبەك جانە قوعامدىق قامتاماسىزداندىرۋ مينيسترلىگى قاتارلى مينيسترلىكتەردىڭ مينيسترلەرىن قامتيدى؛ سىرتقى ىستەر مينيسترى لاۆروۆ، مەملەكەت قورعانىس مينيسترى شويگۋ، ەنەرگيا مينيسترى نوۆاك قاتارلىلار ءوز مىندەتتەرىن جالعاستىردى.
بۇدان سىرت، پرەزيدەنت بۇيرىعىندا سولتۇستىك كاۆكاز ىستەرى مينيسترلىگىنىڭ كۇشىنەن قالدىرىلعانى، ونىڭ قىزمەتى ەكونوميكالىق دامۋ مينيسترلىگىنە وتكىزىپ بەرىلگەنى جاريالاندى، رەسەي فەدەراتسياسىنىڭ مەملەكەت مەنشىگىندەگى مال - مۇلىكتى باسقارۋ مەكەمەسى ەكونوميكالىق دامۋ مينيسترلىگىنىڭ باسقارۋىنان قازىنا مينيسترلىگىنىڭ باسقارۋىنا وتكىزىپ بەرىلدى.
كرەمل سارايى توراپ بەكەتىنىڭ حابارىنا قاراعاندا، پۋتين سول كۇنى جاڭا كەزەكتى ۇكىمەت مۇشەلەرىمەن كەزدەسكەندە مىنالاردى بىلدىرگەن: جاڭا كەزەكتى ۇكىمەت ءدوپ كەلگەن ەڭ ماڭىزدى مىندەت − ازاماتتاردىڭ يگىلىگىن جوعارىلاتۋ، مەملەكەت ءتۇزىلىسىن كۇشەيتۋ جانە رەسەيدىڭ دۇنيە جۇزىندەگى ورنىن بەكەمدەۋ.
پۋتين وسى ايدىڭ 15 - كۇنى رەسەي پارلامەنتىنىڭ ءماجىلىسى مەن سەناتىنا مەملەكەت جاعدايىنان مالىمەت بەردى، ىلە - شالا پرەمەر مينيستر مەدۆەدەۆ تاپسىرعان ۇكىمەتتى تاراتۋ ءوتىنىشىن بەكىتتى. 1 - ايدىڭ 16 - كۇنى پۋتين بۇيرىققا قول قويىپ، ميحايل ميشۋستيندى جاڭا كەزەكتى ۇكىمەتتىڭ پرەمەر مينيسترلىگىنە تاعايىندادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
