كورەيانىڭ بۇرىنعى پرەزيدەنتى لي ميڭبو ەكىنشى رەتكى سوتتا 17 جىلدىق مەرزىمدى قاماق جازاسىنا ۇكىم ەتىلدى
2020.02.20 15:43 كەلۋ قاينارى : حالىق تورابى
شينحۋا اگەنتتىگى، 2 – ايدىڭ 19 – كۇنى، سەۋل (ءتىلشى: تيان ميڭ، لۋ رۇي) كورەيانىڭ سەۋل قالاسىنداعى جوعارى دارەجەلى سوت 2 – ايدىڭ 19 – كۇنى بۇرىنعى پرەزيدەنت لي ميڭبونىڭ قيانات جاساۋ، پارا الۋ دەلوسىنا ەكىنشى رەتكى سوتتىڭ ۇكىمىن شىعارىپ، لي ميڭبونى 17 جىلدىق مەرزىمدى قاماق جازاسىنا ۇكىم ەتتى ءارى وعان 13 ميلليارد كورەيا ۋونى (شامامەن 10 ميلليون 930 مىڭ ا ق ش دوللارى) اقشالاي ايىپ سالدى.
2018 – جىلى 4 – ايدا كورەيا پروكۋراتۋراسى قيانات جاساۋ جانە پارا الۋ سىندى قىلمىستار بويىنشا لي ميڭبونىڭ ۇستىنەن ايىپتاۋ كوتەرگەن. سول جىلى 10 – ايدا سەۋلدەگى ورتالىق – جەرگىلىكتى ورىن سوتى ءبىرىنشى رەتكى سوتتا لي ميڭبونى 15 جىلدىق مەرزىمدى قاماق جازاسىنا ۇكىم ەتكەن ءارى 13 ميلليارد كورەيا ۋونى اقشالاي ايىپ سالعان. لي ميڭبو ۇكىمگە مويىنسال بولماي، جوعارىلاپ ارىزدانعان.
سوت ەكىنشى رەتكى تەرگەۋ بارىسىندا بىلاي دەپ قارادى: لي ميڭبو ءوزى ءىس جۇزىندە مەڭگەرگەن DAS سەرىكتەستىگىنىڭ قاراجاتىنان 25 ميلليارد 200 ميلليون كورەيا ۋونىندەي قاراجاتتى (شامامەن 21 ميلليون 180 مىڭ ا ق ش دوللارى) قىمقىرىپ، سامسۇڭ سەرىكتەستىگىنەن 8 ميلليارد 900 ميلليون كورەيا ۋونى (شامامەن 7 ميلليون 480 مىڭ ا ق ش دوللارى) پارا العان. سونىمەن بىرگە، سوت لي ميڭبو كورەيا مەملەكەتتىك اقپار مەكەمەسى، پارلامەنت مۇشەلەرى قاتارلىلاردان ءتۇرلى مولشەردە پارا العان دەپ تۇراقتاندىرعان. بۇل جولى سوت مەكەمەسى دەلوعا قاتىستى قاراجات سوماسى ءبىرىنشى رەتكى سوتپەن سالىستىرعاندا ارتتى دەپ قاراعاندىقتان، ەكىنشى رەتكى سوتتا وعان بەرىلگەن جازانىڭ مەرزىمىن ۇزارتقان.
سوت مەكەمەسى سول كۇنى ۇكىمدى جاريالاعاننان كەيىن مىنانى بىلدىرگەن: ايىپكەر لي ميڭبو جاۋاپكەرشىلىگى مەن بورىشىن قايىرىپ قويىپ، قوماقتى سومادا پارا العان، قىلمىسى اشكەرەلەنگەننەن كەيىن دە مۇلدە مويىنداماي، قىلمىسىن باسقالارعا جاپقان، بۇلتارتقىسىز فاكتلەرگە قاراماستان، قاتەلىگىن مويىنداماعان.
لي ميڭبو 1941 – جىلى تۋعان، 2008 – جىلدان 2013 – جىلعا دەيىن كورەيانىڭ پرەزيدەنتى بولعان. 2018 – جىلى 2 – ايدىڭ 22 – كۇنى قيانات جاساۋ جانە پارا الۋ قىلمىسى بويىنشا تۇتقىندالعان، 2019 – جىلى 3 – ايدا كەپىلدىككە بوساتىلعان. ەكىنشى رەتكى سوتتان كەيىن، لي ميڭبونىڭ كەپىلدىككە بوساتىلۋ تولىمدىلىعى كۇشىنەن قالدىرىلىپ، سوت ۇستىندە قولعا الىندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
